health tips, fashion, food, yoga, मानव समुदाय र त्यसका सामाजिक गतिविधिहरू, जनजीवन, परम्परा, सामाजिक समस्या, सांस्कृतिक कार्यक्रम, सामाजिक न्याय र जनजीवनसँग सम्बन्धित समाचार,सेवा,दान ,सहयोग
१४ मंसिर २०८०, बर्दिया | विपन्न परिवारको लागि खानेपानी धारा निर्माणमा भएको भ्रष्टाचारको बारेमा हामिले मिति २०८० साल भदौ २३ गतेका दिन रिपोर्टिङ नेपाल मार्पत रिपोर्टिङ प्रस्तुत गरेका थियौ । र हामिले त्यस बारे फलोअप गर्नेछौ भनेर दर्शकबृन्दहरुलाई जानकारी पनि गराएका थियौ र हामिले यस भ्रष्टाचारको बारेमा बारबर्दिया नगरपालिकामा पनि जानकारी गराएका थियौ । नगरपालिकाले छानविन गरि दोसीलाई कारबाहि गर्छौ भनेर भनेता पनि हाल सम्म पनि कुनै कारबाहिको प्रकृया अगाडी नबढाएको हुँदा र हामिले प्रसारण गरेको समाचारलाइनै भ्रामक हो भनी हाम्रो सन्चार संस्थालाई नै बदनाम गर्न खोजिएको हुँदा यसबारे हामिले अझै गहन रुपमा खोजतलाश गरि यसबारे रिपोर्टिङ्ग तयार गरेका छौ । यस रिपोर्ट तयार पार्नको लागि सहयोग हेतु उपभोक्ता समितिले प्राविधिकलाई बुझाइको कोटेशन माग्दा विभिन्न बहाना बनाई टारेको र आफुले कहाँ राखे भन्ने जानकारी नभएको भनि गैरजिम्मेवारी पुर्ण जवाफ दिएका छन । यस विषयको बारेमा बुझ्दा कोटेशन नगरपालिकाले माग गर्नुपर्ने रहेछ तर प्राविधिकले उपभोक्ता समितिलाई नै कोटेशन ल्याउने जिम्मा लगाएको रहेछ । उपभोक्ता समितिले पनि मौकाको फाइदा उठाउदै आफै भ्याटमा दर्ता भएको र नभएको ३ वटा कोटेशन प्राविधिकलाई बुझाउँदा पनि प्राविधिकले उक्त दररेटलाई सदर गरेका छन । यो भिडियोलाई अन्तिम सम्म हेर्नुहोला ।
जिल्ला प्रशासन कार्यालय गुलरिया बर्दिया बाट दिइने सेवा प्रवाह (राहदानी, संस्था दर्ता तथा नविकरण, हातहतियार नामसारी तथा नविकरण लगायत)मा लाग्ने राजस्व बुझाउने कार्य विद्युतीय सेवा ( अनलाईन) मार्फत तिर्न सक्ने व्यवस्था मिलाएको छ ।
यस प्रक्रिया बाट विद्युतीय सेवा (अनलाईन) मार्फत राजश्व बुझाउन सकिनेछ |
१. सर्वप्रथम महालेखा नियन्त्रक कार्यालय https://rajaswa.fcgo.gov.np मा गई लग-इन गर्ने, नयाँ प्रयोगकर्ता हो भने नयाँ प्रयोगकर्ता दर्तामा क्लिक गर्ने
२ . आफ्नो इमेल राख्नुहोस ,
३. प्राप्त टोकन नं. राख्नुहोस
४. मागेको विवरण आफ्नो स्थायी लेखा नं.. नामथर, ठेगाना, मोबाइल नं. राखी Submit मा क्लिक गर्ने,
५. दाँया छेउमा दिएको निर्देशन बमोजिम आफ्नो पासवर्ड राखी लग इन गर्ने,
६. यसरी दर्ता प्रकृया पूरा हुन्छ । त्यसपछि निलो अक्षरमा लेखिएको ड्यासबोर्डमा क्लिक गर्ने,
७. बाँया छेउमा लेखिएको नयाँ भौचर तयार गर्नेमा क्लिक गरी, आफूले सेवा लिन गइरहेको कार्यालय रहेको प्रदेश, जिल्ला र कार्यालय छनौट गरी Next बटनमा क्लिक गर्ने,
८. त्यसपछि, भुक्तानी विवरण देखाउने छ । त्यसमा वापतमा क्लिक गरी आफूले कुन शिर्षकमा राजश्व तिर्न/ / जम्मा गर्न गइरहेको हो त्यो शिर्षक छान्ने र लाग्ने रकम निश्चित गर्ने । त्यसपछि पुनः Next बटनमा क्लिक गर्ने,
९. यसरी कारोबार संकेत नं. सहितको भौचर तयार हुन्छ ।
१०.यसरी तयार भएको भौचरको दायाँ छेउको माथि Connect IPS सुविधा लिएकाले सोहीमा क्लिक गरी सिधै राजश्व जम्मा गर्न सकिन्छ भने Connect IPS सुविधा नलिएकाले तयार भएको भौचरमा कारोबार संकेत नं. टिपी आफूले चलाइरहेको मोबाइल बैंकिङ्ग वा इ-सेवा एप्समा गई Government Payment भित्र EBP Number भनी लेखिएकोमा कारोबार संकेत नं. र Amount (NPR) मा लाग्ने रकम लेखि राजश्व जम्मा गर्न सकिन्छ ।
१२ मंसिर २०८०, रिपोर्टिंग नेपाल ,बर्दिया — बारबर्दिया नगरपालिका–६ का वडास्तरीय कर्मचारी जंग बहादुर थारुले सोझा व्यक्तिलाई आर्थिक रूपमा ठग्न योजनाबद्ध तमसुक बनाएका छन्। रकम रु. १,५०,००० (करिब एक लाख पचास हजार ) मात्रै दिनुपर्ने अवस्थामा, उनले ब्याजदर ३ प्रतिशत मासिक (वार्षिक ३६%) कायम गर्दै तमसुकमा तीन लाख भन्दा बढीको दायित्व जबर्जस्ती राखेका छन्।
पीडितले जनाएअनुसार, “सहयोगको आशामा ऋण मागेको थिएँ, कारण बस उनीहरुको भाका मादिना सक्ने अवस्था भएन जग्गा बेच्ने प्रक्रियामा लागेको थिए , ऋण तिर्न तर रातिको करिब ११/१२ मेरो घरमा आएर , धम्क्याएर सिधै तमसुकमा हस्ताक्षर गर्न लगाइयो। मलाइ पढ्न दिएनन , के लेखिएको तेतिबेला थाहा पाइन । मोबाइलमा खिचेर राखेको थिए भोलिपल्ट बिहान हेर्दा थाहा भयो, मैले मागेकोभन्दा तीनगुनासम्म बढी तिर्नुपर्ने तमसुक रहेछ।”
तमसुकमा न त कानुनी साक्षीको उपस्थित थियो, न त कुनै ऋण हस्तान्तरणको प्रमाण। अदालतमा मान्य नहुने यो दस्तावेज जबरजस्ती बनाइएको र पीडितलाई आर्थिक र मानसिक दबाब दिने माध्यम बनाइएको हो – स्थानिएको दाबी छ ।
स्थानीय स्रोतका अनुसार यो पहिलो घटना होइन। बारबर्दियामा अशिक्षित र गरीब वर्गलाई उच्च ब्याजदर देखाएर तमसुक बनाउने, त्यसपछि जग्गा हडप्ने रणनीति अपनाउँदै आएका छन्।
सम्बन्धित निकाय पालिकाको न्यायिक समितिमा उजुरी दर्ता गरिएको छ र स्थानीय स्तरमै यो घटना गम्भीर बहसको विषय बनेको छ। यदि दोष प्रमाणित भयो भने, कर्मचारीमाथि पदको दुरुपयोग, ठगी, र कागजी अपराध अन्तर्गत कारबाही हुनसक्नेछ।
२७ कार्तिक २०८०, बर्दिया | आज कार्तिक २७ गते गाई तिहारका दिन बारबर्दिया नगरपालिकाको वडा नम्मर ९ कतर्नियामा रहेको बसाहा बर्डा गौसेवा आश्रममा बारबर्दिया नगरपालिका वडा नम्मर ९ का वडा अध्यक्ष देबेन्द्र कुमार बिस्टको अग्रसरतामा गौपुजा सम्पन्न भयको छ |
आश्रमले सामाजिक संजाल मार्फत गाई तिहारको अवसर पारेर आश्रममा रहेको गाईहरुका निम्ति ब्राण्ड, पराल तथा आर्थिक सहयोग गर्न र गौपुजा कार्यक्रममा सहभागी भै प्रसाद ग्रहण गर्न अपिल गरेको थियो |कार्यक्रममा नगरपालिकाको विभिन्न स्थान र वडाबाट गौ पुजामा सहभागी हुन आएका थिय | गौपुजामा सहभागी हुन आउने हरुले गौसेवा आश्रमक लागि धानको ढुटो , पराल, नगद धनराशी आदि दान गरेका थिय |
गौसेवा आश्रममा बारबर्दिया नगरपालिका प्रमुख छबिलाल थारु , उपप्रमुख रत्ना कुमारी पाण्डे , कृषि शाखा प्रमुख समेत उपस्थिति भै गौ पुजा गर्नु भयको थियो।
गौसेवा आश्रमका लागि विभिन्न सहयोग गर्ने सहयोग दाता हरु लगायत गौसेवा आश्रम निर्माण र विभिन्न योगदान पुर्याउने ब्यक्तीहरुलाई नगरप्रमुख , उपप्रमुख र वडा नम्मर ८ का वडा अध्यक्ष लगायतले खाद को साथै टिका लगाई सम्मान गर्नुभयको थियो | नगर प्रमुखको स्वागत मन्तब्य पश्चात कार्यक्रम समापन भयको थियो |
आज यमपञ्चक को दोस्रो दिन कार्तिक २६ गते नरक चतुर्दसी कुकुर तिहार र एवम लक्ष्मी पुजा ( गाई तिहार) परेको छ।
कुर तिहार वा नरक चतुर्दशी यमपञ्चकको दोस्रो दिन अर्थात् कार्तिक कृष्ण चतुर्दशीको दिन पर्दछ । कुकुरलाई यमराजको दूत मानिन्छ त्यसैले यस दिन मृत्युका देवता यमराजलाई खुशी पार्न कुकुरको पूजा गर्ने गरिन्छ।
प्राचीन संस्कृत महाकाव्य महाभारतका अनुसार पाँच पाण्डवहरु स्वर्ग जाने क्रममा कुकुरलाई पनि साथमा लगेर गयका थिए | पाँच पाण्डवहरू आफ्नी पत्नी द्रौपदी र भाइहरूसँग स्वर्ग जानको लागी हिमालय चढने क्रममा युधिष्ठिर र कुकुरबाहेक अन्य सबै बाटोमा लडेर मरे। तर युधिष्ठिर र कुकुर स्वोर्गको द्वार पुगे | राजा इन्द्रले उनलाई स्वागत गरे । इन्द्रले स्वागत गर्ने क्रममा युधिष्ठिरलाइ स्वर्ग मा जादा कुकुरलाई छोड्नु पर्ने शर्त राखे। युधिष्ठिरले आफू कुकुर बिना स्वर्गमा प्रवेश गर्न अस्वीकार गरे र पृथ्वीमा फर्किने बताए।
यमराज कुकुरको रुपमा आएका थिए | युधिष्ठिरको जवाफा सुनेर र कुकुरको रुप धारण गरेर आयका यमराजले आफ्नो रुप प्रस्तुत गरे। इन्द्र युधिष्ठिरको कर्मबाट प्रभावित भए र युधिष्ठिरका लागि स्वर्गको ढोका खोलिदिए। तेसकारण कुकुरलाई यमराजको रुपमा पुजा गर्ने चलन छ | कुकुरलाई यमको दूत मानिन्छ र यमराजलाई खुसी पार्नका लागि कुकुरको पूजा गरिन्छ।
हिन्दुहरुले मृत्युलाई पिडा र नकारात्मक रुपमा होइन सकारात्मक रूपमा हेर्ने विश्वास गर्नाले नेपाली हिन्दू परम्परामा कुकुरको पूजा गर्दछन । म्र्त्यु भै नरकमा प्रवेश गर्ने हरुलाई नरकको यातनाबाट कुकुरहरूले जोगाउनेछन् भन्ने आशा गर्छन्
कुकुर तिहारको दिन कुकुरलाई टीका तथा घाँटीमा फूलको माला लगाइन्छ। यस दिन कुकुरको सम्मान स्वरूप मासु, दूध, अण्डा र कुकुरको खाना लगायत विभिन्न खाद्य पदार्थहरू खान दिइन्छ। यस दिन कसैले कुकुरप्रति अनादरपूर्ण व्यवहार गरेमा त्यसलाई पाप मानिन्छ।
कुकुरलाई आज्ञापालक एवम् रक्षकको रूपमा लिइन्छ। विभिन्न अपराध गर्ने अपराधीहरू पत्ता लगाउने, अध्ययन-अनुसन्धान गर्ने कार्य पनि कुकुरले गर्दछ। कुकुरले घरको रेखदेख तथा चोर-डाँकाबाट बचाउने कार्य गरी मानिसलाई सहयोग गर्दै आएको पाइन्छ। त्यसैगरी कुनै प्राकृतिक प्रकोप तथा दैवी विपत्ती हुने बेलामा पूर्वसूचना समेत दिन्छ। कुकुरलाई भैरवको बाहन पनि भनिन्छ। कुकुर तिहार विश्वव्यापी रूपमा गैर आवसीय नेपालीहरूले मनाउने गर्छन्।
आज कै दिन लक्ष्मी पुजा पनि परेको हुदा आगन कोठा सबै सरसफाई गरि बिशेस गरि गाई को गोबर ले र रातो माटो ले घर आगन बाट पुजा गर्ने कोठा सम्म लिपेर माटा को दीपक (दियो) बनाएर चामल को पिठो र अबिर ले माता लक्ष्मी को पैतला को प्रतेक छाप मा माटा को दीपक (दियो) जलाएर आगन देखि मुलढोका हुदै पुजा कोठा सम्म धनधान्य कि देवी माता लक्ष्मी को पाईला बनाई लक्ष्मी प्रवेश गर्ने बाटो बनाईन्छ। घर आंगन मा दीपक, मैनबत्ती, विभिन्न प्रकार का लाइटका बत्ती बालेर चारै तिर झिलिमिली परिन्छ , घर आंगन मा चवाल को पिटो र अबिर ले रंगोली बनाउने गरिन्छ ।
आज लक्ष्मी पुजाको दिन साझ धन धान्य की देवी माता लक्ष्मीको पुजा गर्ने घरमा भयका सम्पूर्ण द्रव्य, गरगहना,श्रीसम्पति लाई लक्ष्मी गणेश र सरस्वती को स्थापना गरेर पुजा गरिन्छ । लक्ष्मीपुजाको दिन माता लक्ष्मी पृथ्बी लोक मा आउने र आशिष दियर जाने भन्ने आस्था पनि छ ।
आज र विभिन्न प्रकारका रोटि र मिठान्नहरु बनाई चडाउने गर्दछन् ।
र विभिन्न प्रकारका सेल रोटि अर्सा ,अनारस मिठान्नहरु बनाई चडाउने गर्दछन् र पटका हरु फुलझरी हरु सब को अनुहार मा खुसीका रोनक देखिन्छन । साझ लक्ष्मी पुजा गरेर साझा देखि युवायुवतीहरू समूह बनाई घरघरमा भैलो खेल्छन्। भगवान् विष्णुले यमपञ्चकको पाँचौ दिन स्वर्ग, मर्त्य र पाताल तीनै लोकको शासन गर्ने वरदान पाएका बलिराजालको भलो होस् भनी घरघरमा गाउन लगाएको सम्झनामा भैलो खेल्ने गरिएको हो तर पछी कालान्तरमा गयर बलिराजाको भलो होस् भन्ने शब्द समयक्रममा रुपान्तर भई भैलो हुन आएको पनि भन्ने भनाइ छ ।
रुपन्देहीको सिद्धार्थनगर नगरपालिका नगर प्रमुख इश्तियाक अहमद खाँले जाजरकोट र रुकुम पश्चिमका भुकम्प पीडितलाई २ लाख ३४ हजार रुपैयाँ प्रदान गर्ने निर्यण गरेका छन् । उक्त रकम आफुले पाउने ६ महिनाको सेवा सुविधा बाट प्रदान गर्ने निर्यण गरेका हुन् ।
मेयर खाँले उक्त घटनाबाट पिडित र क्षति प्रती दुःख व्यक्त गर्दै भूकम्प पीडितहरुलाई पुनर्स्थापना, गाँस, बास र आवास लगायतका व्यवस्थापनका लागि सहयोग होस् भने हेतुले सहयोग गरेको बताउनु भयो ।
नगर प्रमुख इश्तियाक अहमद खाँले मासिक ३९ हजार रुपैयाँ सुविधा पाउने गरेका छन् भूकम्पले मानवीय र भौतिक रुपमा धेरै क्षति पुर्याएको छ, मानवीयताले पनि हामी सबै नेपालीले दुःखमा परेका नेपालीलाई सहयोग गर्ने भावना हुनुपर्छ भन्ने उधेश्यले सहयोग गर्नलागेको बतायका छन ।
सिद्धार्थनगर नगरपालिकाको कार्यालयले दियको जानकारी अनुसार नगर प्रमुख इश्तियाक अहमद खाँले सहयोग गरेको रकम नेपाल सरकारले तोकेको प्रधानमन्त्री दैवी प्रकोप उद्धार कोषमा जम्मा गरिदिने या दुवै जिल्लाको विपद् व्यवस्थापन कोष मा जम्मा गरिदिने छन ।
१९ कार्तिक २०८०, बिराटनगर । झापा स्थित नेपाल टेलिकम सुरुङ्गा शाखाका लेखा अधिकृत ३१ बर्सिय दिलिप सुवेदी ५१ दिनदेखि सम्पर्कविहीन छन् । उनको परिवारले विराटनगरमा पत्रकार सम्मेलन गरि खोजीका लागि सहयोग अपिल गरेका छन । भदौ ३० गते देखि झापाको कन्काई नगरपालिका वडा ३ मा रहेको कार्यालयको क्वाटरबाट बेपत्ता भएका उनी अझै फेला नपरेको बुबा नेत्रप्रसादले पत्रकार सम्मेलनमा बताय ।
दाजु लक्ष्मीप्रसाद सुबेदिले भाइ हराएको लामो समयसम्म अत्तोपत्तो नभएको जानकारी गराय । दिलिप कार्यालयकै सुरक्षागार्ड ओमप्रकाश खरेलसँग भदौ ३० गते बिहान ६ः३० बजेतिर चिया खान स्कुटरमा निस्किएका थिए । सुरक्षा गार्डका अनुसार चिया पिएर दुवै जना करिब ७ बजे कार्यालयमा आएको, त्यसपछि कार्यालयकै माथिल्लो तलाको ‘गेस्ट हाउस’मा आराम गर्छु भनेर दिलिप गए का थिय ।
बिहान करिब २७ मिनेटजति दिलिपले बुहारी बजुना भट्टराईसँग मोबाइलबाट भिडियो कलमा कुराकानी भएको देखिन्छ ।’ त्यसपछि मोबाइल ‘अफ’ रहेको छ दिलिपका दाइ लक्ष्मी ले बताय । दाइका अनुसार कार्यालयबाटै हराएको उल्लेख गर्दै उनले अहिलेसम्म नभेटिनुले घटना रहस्यमय र शंकास्पद रहेको बताए । चाबी, चस्मा, पर्स, एटीएम कार्ड, चप्पल, कपडालगायत भाइले चलाउने स्कुटर कार्यालयभित्रै थियो । झापा प्रहरीका प्रवक्ता डीएसपी खगेन्द्र रिजालले बेपत्ता दिलिप सुवेदीको खोजी भइरहेको , प्रहरीको विशेष टोली नै दिलिपको खोजीमा केन्द्रित रहेको तर अहिलेसम्म अवस्था पत्ता नलागेको बताएका छन ।
१४ कार्तिक २०८०, बारा । बाल एकता माविको सञ्चालक तथा प्रिन्सिपल रूपेश सर्राफको हत्याको शुरुवाती कारण पत्ता लागेको प्रहरिले जानकारी गरायको छ ।
हत्यामा संलग्न ३ जनालाई प्रहरीले पक्राउ गरेपछि हत्याको कारण पत्ता लागेको हो । बारा प्रहरीका अनुसार प्रिन्सीपल सर्राफ लामो समयदेखि एक महिलासँग प्रेम सम्बन्धमा रहनुनै मृत्युको कारण रहेको प्रहरीले खुलासा गरेको छ ।
बारा प्रहरी प्रमुख एसपी सुरेश काफ्लेका अनुसार विवाहित सर्राफसँग प्रेममा रहेकी ति महिला अर्का एकजना पुरूषसँग पनि प्रेमसम्बन्धमा थिइन् । ती पुरूषले सर्राफलाई आफ्नी प्रेमिकासँग सम्बन्ध तोड्न बारम्बार दबाब दियका थिए , तर सर्राफले प्रेमिका छाड्न मानेका थिएनन् । महिलाको अर्का प्रेमीले गत साउन १३ र भदौ २८ गते पनि सर्राफलाई गोली हान्ने प्रयास गरेका थिए तर सफल हुन सकेका थिएनन् । सर्राफ हत्यामा महिलाको दोहोरो भूमिका रहेको अनुसन्धानबाट खुलेको प्रहरीले जनाएको छ । पक्राउ परेकी महिलाले अर्का प्रेमीले कि आफूलाई मार्ने कि सर्राफलाई मार्ने धम्की दिएपछि आफूले सर्राफको हत्या गर्न सहयोग गरेको बयान प्रहरीलाई दिएकी छन् ।
घटना संलग्न एकजना महिला र २ जना पुरुषलाई प्रहरीले पक्राउ गरिसकेको छ।
१४ कार्तिक २०८०, बारा | बाल एकता माध्यमिक विद्यालयका सञ्चालक तथा प्रिन्सिपल रुपेश सराफ माथि सोमवार दिउँसो गोली प्रहार गरि हत्या गरियको घटना प्रति खेद प्रकट गर्दै राष्ट्रिय निजी तथा आवासीय विद्यालय एसोसिएसन (नेशनल प्याब्सन) अध्यक्ष डा. नन्दन यादव र सचिव जितेन्द्र प्रसाद यादवले विज्ञप्ति जारी गरि यस घटना को कडा निन्दा र भर्त्सना गर्नुभयको छ ।
बाल एकता माध्यमिक विद्यालयका सञ्चालक तथा प्रिन्सिपल रुपेश सराफ माथि सोमवार दिउँसो गोली प्रहार गरिएको थियो । स्थानीयका अनुसार दुई मोटरसाइकलमा आएका चार जनाको समूहले प्रिन्सिपल सर्राफमाथि गोली चलाएका थिए र रुपेश सर्राफ सडकमै ढलेपछि उनीहरु दक्षिण तिर भारततर्फ भागेका थिए । गोली लागेका घाइते रुपेश सर्राफ उपचारको क्रममा वीरगञ्ज अस्पतालमा मृत्यु भएको थियो ।
राष्ट्रिय निजी तथा आवासीय विद्यालय एसोसिएसन (नेशनल प्याब्सन)ले यस घटना को कडा निन्दा र भर्त्सना गर्दै प्रेस बिज्ञप्ति जारि गरेको छ ।
बिज्ञप्तिमा यसो लेखियको छ :
बारा जिल्लाको कलैयामा संचालित बाल एकता मा वि को संचालक प्रिन्सपल रुपेश सराफ ज्यूलाई दिनदहाडै अग्यात समूहद्वारा विद्यालय नजिक गोलि प्रहार गरि निर्मम हत्या गरेको कायरतापूर्ण कार्यको कडा शब्दमा निन्दा गर्दै घोर भर्त्सना गर्दछौ | विद्यालय जस्तो पवित्र संस्थाको संचालकको दिनदहादै हत्या भएको घटनाले विद्यार्थी अभिभावक लगायत कुनै पनि नागरिक सुरक्षित नरहेको र प्रहरि प्रशासन निरिह रहेको प्रमाणित हुन्छ |
प्र.अ. सरॉफको निर्मम हत्याले मधेश प्रदेशका सम्पूर्ण शिक्षा क्षेत्रनै शोकाकूल बनेको छ। यस दुखद घडिमा हामी मृतक सराफ प्रति हार्दिक श्रद्धान्जलि अर्पण गर्दै परिवारजनमा गहिरो सम्बेदना प्रकट गर्दछौ।
यस हत्याको विरोदमा मिति २०८० कार्तिक १४ गले मङ्गलवार मधेश प्रदेशका नेशनल प्यासन अन्तर्गतका सम्पूर्ण विद्यालयहरु बन्द रहनेछ । निज को हत्यामा सँलग्न दोषिलाई यथाशिघ्र पक्राउ गरि पिडितलाई न्याय दिलाउन सम्बन्धित निकायसंग अपिल गर्दछौ। न्याय दिलाउन ढिलासुस्ती भए थप चरणवद्ध आन्दोलनका कार्यक्रम सार्वजनिक गर्न बाध्य हुने जानकारि गराउँदछौ ।
१४ कार्तिक २०८०, काठमाडौँ– भारती मानन्धर का श्रीमान चेतन मानन्धरको हत्या अभियोगमा जन्म कैद सुनायाका(रिगल) योगराज ढकाल विरुद्ध को रिट न्यायाधीशत्रय ईश्वरप्रसाद खतिवडा, सपना प्रधान मल्ल र डा. कुमार चुडालको इजलासमा सुनुवाइका लागि पेसी तोकिएको छ । चेतन मानन्धर को हत्या अभियोगमा जन्मकैदको फैसला सुनाइएका अपराधीलाई राष्ट्रपति रामचन्द्र पौडेल बाट कैद छुट दिइएको भन्दै सर्वोच्च अदालतमा मुद्दा परेको थियो । चेतन मानन्धरकी पत्नी ले आफ्नु श्रीमानको हत्या अभियोगमा जन्मकैदको फैसला सुनाइएका अपराधी लाई आठ बर्ष जेल बसेर कैदमुक्त भएपछि आफूहरू त्रासमा रहेको र अपराधीलाई गर्नुपर्ने सजाय नपुगेको भन्दै सर्वोच्च अदालतमा बाँकी कैद कट्टाविरुद्ध रिट दर्ता गराएकी थिइन् । उक्त रिटमा भारतीले रिगल भन्ने योगराज ढकाल ,महान्यायाधिवक्ताको कार्यालय, राष्ट्रपतिको कार्यालय, प्रधानमन्त्री तथा मन्त्रीपरिषद्को कार्यालय, गृह मन्त्रालय, जिल्ला प्रशासन कार्यालय बाँके, जिल्ला प्रशासन कार्यालय दाङ, कारागार कार्यालय दाङ लाई समेत विपक्षी बनाएकी थिइन् । बांके नेपालगन्ज–१६ ज्योति सिम्ताली होटल अगाडी मैन रोडमै रिगल सहितको करिब १५ जनाको समूहले चेतन ढकालको हत्या गरेको थियो । चेतन ढकालको हत्या अभियोगमा रिगललाई बाँके जिल्ला अदालतका न्यायाधीश विष्णु सुवेदीको इजलासले २०७५ साल वैशाख ११ गते फैसला गर्दै रिगललाई सर्वस्वसहित जन्मकैदको फैसला सुनाएको थियो । रिगल लाई २०७२ भदौ ७ गते पक्राउ परेका कारण २०९२ साल भदौ ६ गतेसम्म जेलमा राख्नुपर्ने फैसला गरिएको थियो। तर संविधान दिवसको अवसर परि रिगल लाई बाकी सजाय माफ गरियको थियो । उक्त मुद्दामा यसअघि अन्तिम पटक गत असोज २५ गते सुनुवाइ भएको थियो । हाल सम्म पनि न्याय नपायकोले भारतीले श्रीमानको न्यायका लागि दसैं लगत्तै फेरि काठमाडौंको माइतीघरमा अनशन सुरू गरेकी छन्।
