०१ श्रावण २०८२, रिपोर्टिंग नेपाल ,बर्दिया — बारबर्दिया नगरपालिका वडा नम्मर ३ बनगाईका १४ वर्षीय यस कुमार थारु बबई नहरमा डुबेको अवस्थामा मृत फेला परेका छन्।
बिज्ञापन-AI-AD
स्थानीयका अनुसार उनी साथीहरूसँग गेम खेल्न जाने भन्दै घरबाट हिँडेका थिए। त्यसपछि उनी बारबर्दिया नगरपालिका–७ मा पर्ने नेपाली सेनाको रम्मापुर चेकपोस्टको दक्षिण तर्फ रहेको बबई नहरको बाँधमा डुबेको अवस्थामा फेला परेका हुन्।
आज बिहान करिब १०:३० बजे स्थानीयले नहरमा शव देखेपछि प्रहरीलाई खबर गरेका थिए। सूचना पाएपछि इलाका प्रहरी कार्यालय बानियाभार, जयनगर, शसस्त्र प्रहरी बल कतर्निया र नेपाली सेनाको टोली संयुक्त रुपमा घटनास्थलमा पुगेर शव उद्धार गरेको हो। उद्धारपछि मृतकको शव पोस्टमार्टमका लागि गुलरिया पठाइएको छ। घटनाबारे थप अनुसन्धान भइरहेको प्रहरीले जनाएको छ।
