२९ जेष्ठ २०८२, सुमित्रा पण्डित, नेपालगञ्ज
नेपालगञ्जमा केन्द्रीय कार्यालय रहेको योग समिति नेपालले खजुरा गाउँपालिका–१, बाकेमा २०८२ जेठ २६ गतेका दिन ४५औं योग केन्द्रको भव्य उद्घाटन सम्पन्न गरेको छ। उद्घाटन कार्यक्रममा योग समिति नेपालका पदाधिकारी, विभिन्न केन्द्रका संयोजक, उपसंयोजक, प्रशिक्षक, तथा ३१औं, ३५औं, ३७औं, ४२औं र ४३औं योग केन्द्रका प्रतिनिधिहरूको उत्साहजनक उपस्थिति रहेको थियो।
कार्यक्रममा खजुराकी महिला दिदीबहिनीहरूको समूहले पञ्चेबाजा बजाउँदै केन्द्रबाट आएको टोलीलाई भव्य स्वागत गरेको थियो। साथै, केही योगी कलाकारहरूले आ–आफ्नो कला प्रस्तुति दिएका थिए।
कार्यक्रमको शुभारम्भ खजुरा गाउँपालिका वडा नं. १ का अध्यक्ष मनबिर क्षेत्री र योग गुरुको हातबाट पानसमा बत्ती बालेर गरिएको थियो। उद्घाटन सत्रमा अध्यक्ष क्षेत्रीले योग समिति नेपालसँग सधैं सहकार्य गर्दै पालिकाका नागरिकलाई स्वस्थ राख्ने अभियानमा सक्रिय सहयोग गर्ने प्रतिबद्धता व्यक्त गर्नुभयो।
चिरञ्जीवी ज्ञवालीद्वारा सञ्चालित कार्यक्रममा खजुरा गाउँपालिका स्वास्थ्य इकाईका प्रमुख दिपक ढकालले शुभकामना मन्तव्य व्यक्त गर्दै योग समितिको योगदानप्रति प्रशंसा गर्नुभयो। उहाँले शारीरिक तथा मानसिक स्वास्थ्यप्रति जनचेतना फैलाउने अभियानमा समिति नेतृत्वदायी भूमिका निर्वाह गरिरहेको उल्लेख गर्नुभयो।
समितीका सचिव चिरञ्जीवी ज्ञवालीले संन्चालन गर्नुभएको कार्यक्रममा खजुरा गाउँ पालिका स्वास्थ्य युनिटका प्रमुख दिपक ढकालले शुभकामना मन्तब्य दिदै उहाँले योग समिति नेपालमार्फत नेपाली समाजमा फैलिएको स्वदेशी चेतना, शारीरिक तथा मानसिक स्वास्थ्यप्रति जागरूकता, बाके जिल्ला मा नै केन्द्रिय कार्यालय स्थानियहरु बाट सुरु गरिएको सस्था योग समिति नेपाल नेपाली शुद्धता ,नेपाली कर्म वीरहरु नेपालीहरुले गरेको नेतृत्व अनुशासन प्रति गर्विलो योग परम्पराको , गुरु परम्पराको पूर्वीय दर्शनको खुलेर प्रशंसा गर्नुभयो।आफु जहाँ गए पनि आफु पनि योग समिति नेपाल को सदस्य को नाताले पनि समितिको आदर्शलाई मानि पद मा रहदा न रहदा सदा सर्बदा समर्पित हुने प्रतिबद्वता ब्यक्त गनु भयाे ।
कार्यक्रममा ४५औं केन्द्रकी प्रमुख संयोजक पुष्पा थापाले केन्द्र स्थापनाको उद्देश्यमाथि प्रकाश पार्नुभयो भने वडा नं. १२ की संयोजक पुष्पा खनालले योगसम्बन्धी कविता वाचन गर्नुभयो। साथै, जानकी योग केन्द्र र जलपोखरी योग केन्द्रका संयोजक उषा नेपालले योगको महत्वबारे मन्तव्य दिनुभयको थियो ।
योग गुरु तथा आयुर्वेदाचार्य गिरिराज भट्टराईले “स्वास्थ्य नै धन हो, शान्ति नै शक्ति हो” भन्ने सन्देश दिँदै योग अभ्यासलाई दैनन्दिन जीवनशैलीमा समावेश गर्नुपर्ने आवश्यकता औँल्याउनुभयो। उहाँले योगासन, सुष्म क्रिया, प्राणायाम र ध्यानजस्ता अभ्यासहरू मार्फत शरीर, मन, मस्तिष्क र समाजबीचको सन्तुलन नै साँचो स्वास्थ्य हो भन्ने धारणा प्रस्तुत गर्दै सहभागीहरूलाई प्रेरित गर्नुभयो। साथै, उहाँले सन्तुलित आहार–विहार, मर्यादित रहन–सहन र अनुशासित जीवनशैलीले नै दीर्घकालीन स्वास्थ्य र मानसिक शान्तिमा योगदान पुर्याउने कुरामा विशेष जोड दिनुभयो।
कार्यक्रमको अन्त्यमा ४५औं योग केन्द्रको व्यवस्थापन समिति गठन गरिएको छ। समितिको संरचना निम्नानुसार रहेको छ:
प्रमुख संयोजक – पुष्पा थापा
संयोजक – कमान सिंह साउद
सदस्यहरू – जयलाल अधिकारी, हस्तबहादुर शाही, रमेश थापा, सुकमाया थापा, मनकुमारी थापा, भक्तबहादुर थापा, किसन थापा, नन्दलाल थापा, अरुणा कुमारी गुरुङ, भुवन सिंह, लालु माया थापा, नैनसरा आले, सिता मल्ल
सल्लाहकारहरू – मनबिर क्षेत्री र नवराज थापा
योग समिति नेपालले देशभर योगको उज्यालो फैलाउने अभियानलाई निरन्तरता दिँदै आएको छ। गुरु गिरिराज ज्युको मार्गदर्शनमा स्थापित यस ४५औं केन्द्रले पनि सो अभियानलाई अझ सशक्त बनाउने विश्वास लिइएको छ।
योग समिति नेपालले गुरु गिरिराजको मार्गदर्शनमा देशभर योगमार्फत सकारात्मक सामाजिक परिवर्तन ल्याउने अभियानलाई निरन्तरता दिँदै आएको छ। समितिका अनुसार ४५औं केन्द्रले पनि उक्त उज्यालोलाई अझ विस्तार गर्ने विश्वास लिएको छ।
