सामाजिक, प्रशासनिक वा व्यक्तिगत रूपमा घटेका अप्रिय घटना, दुर्घटना, अपराध, हिंसा, आपतकालीन अवस्था, वा अन्य संकटजनक परिस्थितिहरू यस श्रेणीमा पर्दछन्।
यस अन्तर्गत प्रहरी कारबाही, बन्दूक काण्ड, आगलागी, बाढी, दुर्घटना, प्रकोपहरू र अपराधसम्बन्धी समाचारहरू समेटिन्छन्।
रिपोर्टिंग नेपाल-२३ श्रावण २०८०,भरतपुर
कालिखोलालगायतका स्थानमा पहिरो जाँदा मुग्लिन–नारायणगढ सडकखण्ड अवरुद्ध भएको छ ।
बिहानैदेखि सडक डिभिजन कार्यालय भरतपुरले पहिरो पन्छाउने कार्य गरिरहेकोले पुन: पहिरो नआए तीन/चार घण्टामा सवारी चलाउन सकिने सडक डिभिजन कार्यालय भरतपुरले बताएको छ ।
रिपोर्टिंग नेपाल-२३ श्रावण २०८०, बुटवल
पाल्पाको तिनाउ गाउँपालिका वडा नम्मर ३ रामापिथेकस पार्क क्षेत्रमा माथिबाट ठूलो पहिरो खसेपछि मंगलबार बिहानैदेखि सिद्धार्थ राजमार्गको बुटवल–पाल्पा खण्ड अवरुद्ध भएको छ |
पहिरो झरेपछि पाल्पा हुँदै बुटवलतर्फ आउने र बुटवलबाट पाल्पा हुँदै विभिन्न जिल्ला जाने सवारी साधनहरु बीचमै रोकिएको छ ।
सिद्धबाबा सुरुङमार्गको निर्माणाधीन उत्तरतर्फको प्रवेश विन्दु पहिरो झरेको उक्त स्थानमा सिद्धबाबा सुरुङमार्ग निर्माण कम्पनि चाइना स्टेट कन्स्ट्रक्सन इञ्जिनियरिङ कर्पोरेसनले रिप पोर्टल निर्माण गरिरहेको छ । साउनको पहिलो हप्ता देखि पटक-पटक त्यस स्थानमा पहिरो खस्दा सुरुङमार्गको स्लोप प्रोटेक्सन (रिप पोर्टल) मा क्षति पुर्याएको छ ।
पहिरोसँगै ठूलाठूला ढुंगाहरू सडकमा झरेकाले अवरुद्ध सडक खुलाउन केही समय लाग्न सक्ने छ ।
By
रिपोर्टिंग नेपाल,२२ श्रावण २०८०
काठमाडौं । भारतको दिल्लीमा रहेको अल इन्डिया इन्स्टिच्युट अफ मेडिकल साइन्सेज (एम्स) अस्पतालमा सोमबार बिहान आगलागी भएको छ ।
आगलागीको कारण , आगलागीबाट कुनै क्षति भए नभएको जानकारी आउन बाकि भारतीय सञ्चार माध्यमले उल्लेख गरेका छन् ।
एम्सको आकस्मिक कक्षको माथि इन्डोस्कोपी कोठामा आगलागी भएको बीबीसी हिन्दीले उल्लेख गरेको छ ।
