०२ असार २०८२, रिपोर्टिंग  नेपाल ,मकवानपुर – मकवानपुर जिल्लाको राक्सिराङ गाउँपालिका–१ मा अवैध लागुऔषध तथा हातहतियार लुकाएर राखिएको सूचना पाएपछि प्रहरीले संयुक्त अपरेशन सञ्चालन गरी एक व्यक्तिलाई पक्राउ गरेको छ।  जेठ ३१ गते करिब ७ बजे साँझ बागमती प्रदेश प्रहरी कार्यालय हेटौंडा र जिल्ला प्रहरी कार्यालय मकवानपुरबाट खटिएको संयुक्त टोलीले घर खानतलासी गर्दा लागुऔषध, हतियार र गोलीसहित एकजनालाई नियन्त्रणमा लिएको हो।

प्राप्त विवरण अनुसार राजु स्याङतानको घर अगाडि निजलाई फेला पारेर खानतलासी गर्दा सुत्ने कोठाभित्र सिरानी मुनी कपडामा बेरेर राखिएको अवस्थामा ७.६५ एमएमको Universal made in Italy लेखिएको म्यागजिनसहितको पेस्तोल १ थान, खाली म्यागजिन १ थान, र १३ राउण्ड गोली फेला पारिएको थियो।

गोठको दोस्रो तलाको मकैको खोस्टा र पत्करभित्र कपडामा बेरेर राखिएको झोलाभित्रबाट अर्को कटुवा पेस्तोल १ थान, ८ एमएम लेखिएको १२ राउण्ड गोली, अफिमजस्तो देखिने १ किलो ३१० ग्राम गिलो पदार्थ, र २२ किलो ८०० ग्राम गाँजा बरामद गरिएको प्रहरीले जानकारी दिएको छ।

अनुसन्धानको क्रममा राजु स्याङतानको घरबाट करिब ५०० मिटर टाढा रहेको चन्द्रलाल मोक्तानको बारीमा, आँपको रुखको फेदमा प्लास्टिकमा बेरेर लुकाइएको सेतो झोलाबाट थप कटुवा पेस्तोल १ थान, ५ राउण्ड गोली, र अफिमजस्तो देखिने १ किलो ४८० ग्राम पदार्थ पनि बरामद गरिएको छ।

प्रहरीले बरामद भएको सबै लागुऔषध र हतियार प्रमाणको रूपमा संकलन गरी राजु स्याङतानलाई लागुऔषध तथा हातहतियार खरखजना सम्बन्धी कसुरमा मकवानपुर जिल्ला अदालत हेटौंडाबाट ७ दिनको म्याद लिई थप अनुसन्धान गरिरहेको जानकारी दिएको छ।

प्रहरीको प्रारम्भिक अनुमान अनुसार, यो अवैध कारोबार स्थानीय स्तरमा मात्र नभई ठूलो गिरोहसँग सम्बन्धित हुन सक्ने सम्भावना पनि रहेको छ।

बिज्ञापन-AI-AD

कोहलपुर, २८ वैशाख, २०८२— आज करिब ५ बजे आएको तेज हावाहुरीका कारण बाँके जिल्लाको कोहलपुर नगरपालिका–२ स्थित आनन्दनगर क्षेत्रमा विद्युत संरचनामा  क्षति पुगेको छ। सीटीभीटी कर्नरको पूर्व साइडमा रुख ढल्दा त्यसको चपेटामा परेर १ वटा ट्रान्सफर्मरसहित ७ वटा विद्युत पोल ढलेका छन्।

यस घटनाले पुरै क्षेत्रको विद्युत आपूर्ति पूर्णरूपमा अवरुद्ध भएको छ। स्थानीयवासीहरू आज अन्धकारमा बस्न बाध्य भएका छन् भने घरायसी कामकाज, विद्यार्थीहरूको पठनपाठन जस्ता दैनिक सेवा प्रभावित भएका छन्।

घटनाको जानकारी पाएलगत्तै कोहलपुर नगरपालिका–२ का वडा अध्यक्ष  हरि कठायतले घटनास्थल पुगेर स्थलगत वस्तुस्थिति बुझी  नेपाल विद्युत प्राधिकरणलगायत सम्बन्धित निकायहरूको ध्यानाकर्षण गराई यथाशीघ्र मर्मत कार्य अगाडि बढाउन आग्रह  गरेकाछन ।

स्थानीय बासिन्दाका अनुसार हावाहुरी निकै तेज थियो जसका कारण  रुख ढल्न पुग्यो र रुखले विद्युत पोल र ट्रान्सफर्मरमा ठुलो क्षति पुर्‍याए। यसबाट सो क्षेत्रका कैयौ घरधुरी प्रभावित भएका छन् ।

 मर्मत कार्य भोलि २९ गते  देखि सुरु हुने  जानकारी प्राप्त भएको  छ  पहिलो चरणमा पोल र ट्रान्सफर्मर प्रतिस्थापन गरिनेछ भने दोस्रो चरणमा लाइन विस्तार गरी विद्युत आपूर्ति पुनः सञ्चालन गरिने बताइएको छ।

बिज्ञापन-AI-AD

बर्दिया l २३ भाद्र २०८१ l रिपोर्टिंग नेपाल सम्बाददाता

मिति २०८१ भदौ २१ गते बर्दिया रास्ट्रीय निकुञ्ज क्षेत्रमा पर्ने मधुबन नगरपालिका वडा नम्मर १ डल्ला स्थित शिब सामुदायिक वनमा पैदल सफारी जादा गैँडाको आक्रमणमा परि घाइते भएका पर्यटक अमेरिकी नागरिक MC Lendon Shawn खतरामुक्त रहेको मधुवन नगरपालिका १ का वडा अध्यक्ष मिन बहादुर थापाले जानकारी गराउनु भएको छ l

बिहान ८ बजेको समयमा वन हेरालु शेरचु चौधरी र नेचर गाईड मनमोहन चौधरीको साथमा अमेरिकी नागरिक एमसी लेन्डन शान गैडा अबलोकन गर्न वन क्षेत्रमा प्रवेश गरेका थिए l बर्दिया रास्ट्रीय निकुञ्जको डल्ला पोष्ट देखी करीब दुई सय मिटर भित्र जंगलमा  एक्कासी बच्चा सहितको गैँडा संग जम्काभेट हुँदा गैँडाले नेचर गाईड मनमोहन चौधरीलाइ र अमेरिकी नागरिकलाइ आक्रमण गरेको थियो l आक्रमणमा परेका  नेचर गाईड मनमोहन चौधरीको घटना स्थलमै मृत्यु भयको थियो भने अमेरिकी नागरिक लेन्डन शान घाइते भएका थिए l घाइते शानलाइ उपचारका लागि ठाकुरबाबा नगर अस्पताल भुरीगाउँबाट  शुक्रवारनै काठमाडौँ  लगिएको थियो । हाल घाइते शानको स्वास्थ्य स्थिति सामान्य रहेको छ l

ठाकुरबाबा नगरपालिका वडा नम्मर ९ बस्ने वर्ष ३५ का नेचर गाईड मृतक मनमोहन चौधरीको हिजो शनिवार परम्परा अनुसार दाहसंस्कार गरीएको छ । डिभिजन वन कार्यालय, बर्दिया रास्ट्रीय निकुञ्ज, मधुवन नगर पालिका १ का वडा अध्यक्ष मिन बहादुर थापा र ठाकुरबाबा नगरपालिका ९ का वडा अध्यक्ष सहितको संयुक्त टोलि शनिवार मृतकको परीवार सग भेटगरी क्रियाखर्च उपलब्ध गराएको छ भने परिवारलाई राहतको लागि ईलका प्रहरी कार्यालय ढोढरी द्धारा सर्जिमिन मुचुल्का तयार पारि  डिभिजन वन कार्यालय, बर्दियामा पेश गरी राहतका लागि पहल गर्ने मधुवन नगर पालिका वडा  १ का वडाध्यक्ष थापाले जानकारी गराउनु भएको छ  ।

बिज्ञापन-AI-AD

बाँके | २४ श्रावण २०८१

कोहलपुरबाट ढकेरीतर्फ जाँदै गरेको ना ४ ख ४५७० नम्बरको ज्ञान कुञ्ज स्कुल कोहलपुरको बसले बाँकेकाे कोहलपुर ढकेरी सडक खण्ड अन्तर्गत झिझिरी नजिक ठक्कर दिँदा बाँकेको राप्ती सोनारी गाउँपालिका – ९ का २६ वर्षीय गोविन्द वलीको घटनास्थलमै मृत्यु भएको छ भने चराइरहेका १८ वटा खसी-बाख्रा पनि मरेका छन् ।

घटनापछि स्थानीयले पूर्व-पश्चिम राजमार्ग अवरूद्ध गरेका छन्। पूर्वपश्चिम राजमार्ग अवरूद्ध भएपछि वैकल्पिक मार्गबाट सवारी पास भैरहेको छ ।

बिज्ञापन-AI-AD

बर्दिया | २२ श्रावण २०८१

दोधारा चादनी घर भै बारबर्दिया नगरपालिका  वडा नम्मर ८ भगतपुर मामाघर आएका अन्दाजी १६ बर्षका  बालकको वडा नम्मर ८ औरी अवस्थित नहरमा पौडी खेल्ने क्रममा डुबेर  मृत्यु भयको छ ।

हिजो साझ करिब ६ बजे नहरको ढिकमा कपडा , चप्पल र साइकल राखी पौडि खेल्न नहरमा जादा नहरमा डुबेको स्थानियले जानकारी गराएका छन ।

स्थानियले शसस्त्र प्रहरी बल कतर्नियालाई जानकारी गराए पस्चात शसस्त्र प्रहरी बल कतर्नियाले खोजिकार्य जारी राख्दा साझको करिब ६ बजे डुबेका बालकलाई  करिब रातको १०:३० बजे फेला पारेकाथिए ।

पौडी खेल्न नहरमा पसेको स्थान देखि करिब ७०० मिटर तल नहरले बगाएर पुरायको शवलाइ नहरको पानी बन्द गरि पानी कम भय पस्चात शसस्त्र प्रहरीले फेला पारेका हुन ।

आमाको गर्भमै हुदा बुवा सम्पर्क बिहिन र आमा १२ बर्ष देखि सम्पर्क बिहिन भएकोले बालक साहिल सुनार प्राय भारतमा ६० बर्षिय हजुरआमाको साथमा बस्दै आएका थिए ।  हजुरआमाको साथमा नागरिकता बनाउनका निम्ति भारत बाट हजुरआमा सित मामाघर आएका बालक शाहिल सुनारको पानीमा पौडिखेल्दा हाम फाल्ने क्रममा छातिमा चोट लागेर पौडिन नसक्दा मृत्यु भयको स्थानियको भनाइ छ ।
शवलाई पोस्टमार्टमको निम्ति आज बिहान जिल्ला अस्पताल गुलरिया लगिएकोछ ।

बिज्ञापन-AI-AD

३ चैत्र २०८०, बर्दिया | हिजो मिति २०८० चैत्र २ गते राति करिब २ बजे बारबर्दिया नगरपालिका वडा नम्मर ८ मा नजिकैको बिहेमा भान्से बन्न गएकी महिला घर फर्किएर घर ढोका खोल्ने क्रममा एक युवकले पछाडी बाट लुकेर आइ एक महिलालाइ जबर्जस्ति हातपात गरेको आरोपमा जयनगर इलाका प्रहरी कार्यालयले पक्राउ गरेको छ । पिडित महिलाको बयानको आधारमा आरोपित लाइ भोलिपल्ट करिब ११ बजे प्रहरीले घरमा गइ उक्त व्यक्तिलाइ पक्राउ गरेको हो।

इलाका प्रहरी कार्यालय जयनगरले अनुसन्धानको लागि भन्दै आज ३ गते सम्म आरोपित लाइ जयनगरमै राखेको छ। जयनगर प्रहरीले लिखित रुपमा जाहेरी दिया पश्चात मात्र बानियाभार इलाका प्रहरीमा चलान गर्ने जानकारी पीडितले गरायका छन्। बारबर्दिया नगरपालिकाको वडा ८ मा यस्तो प्रकारको घटना बिगत केहि वर्ष देखि बढदो देखिन्छ यस साल मात्र बलत्कार र प्रयासको घटना ३ वटा जति घटना घटेर प्रहरीमा उजुरी परेको स्थानीयहरूको भनाइ छ।

पीडितका अनुसार घटनाको जानकारी
पिडित नजिकै गोतियारको घरमा बिबाह कार्यक्रम भयको र त्यस बिबाहमा भान्सेको रुपमा सहयोग गर्न गयकी थिए । बिबाहको सम्पूर्ण कार्यक्रम सकेर राति घर फर्केर घरमा ढोका खोल्ने क्रममा त्यो मान्छे कता लुकेर बसेको थियो थाहा भयन एक्कासि पछाडी बाट मलाइ समातेर लछार पछार गरि जबर्जस्ति करनी गर्न लागेको थियो। म उ बाट फुत्केर खेत खेतै बिबाह भएकै घरतिर भाग्न लागेकी थिय फेरी बाटो पुग्नई लाग्दा मलाइ समातेर पल्टायर ममाथि चढ्यो म बचाउ बचाउ भन्दै चिल्लाय। उसले चिल्लाउछेस मारिदिन्छु भन्दै मुख र घाटी बुझ्यो। मैले जबर्जस्ति मेरो मुखबाट उसको हात फुत्कायर चिल्लाय। मेरो आवाज सुनेर नजिकैका छिमेकी र गोतियार आयपछी उक्त ब्यक्ती भागेको थियो। मेरो घरमा म एक्लै छु मेरो श्रीमान कमाउन जानुभयको छ र मेरो छोरा नेपालगन्जमा कोरियन भासा सिक्न उतै बस्छ। मलाइ घरमा बस्न पनि असुरक्षित भए । म भाग्न नसकेको भय शायद मलाइ बलात्कार गरि मरिदिन्थ्यो होला।

गाउका केहि भद्र भलादमी बसेर माफी मगायर केहि पैसा लियर मिल भन्दै थिय हामीले पैसाले मेरो इज्जत आउछ भनेर नमिल्ने दोषीलाई कारबाही हुनु पर्छ भनेपछि भद्र भलादमी गाउ समाजलेनै तपाइहरु नामिल्ने भए यस बिसयमा हामीले कसैलाई दबाब दिन र बोल्न मिल्दैन भन्दै आफ्नो घरतिर जानुभयो। मेरो छोराले प्रहरीको नम्मर पत्ता लगाई प्रहरीमा खबर गरेपछि प्रहरी आयर मलाइ सोध पुछ गरि त्यस व्यक्तिलाई पक्राउ गरेर लग्यो।

म गरिब छु म सित वकिललाई पैसा दियर उजुरी लेखाउने पैसा पनि छैन तर प्रहरीले हिजो मेरो छोरालाई बोलायर वकिल सित गयर जाहेरी लेखाइ ल्याउनुस भन्नु भयको थियो पैसा लाग्ने होला भन्ने सोचेर मैले वकिललाई जाहेरी लेखाएको छैन । जाहेरी लेखाउन पैसा लाग्ने भय मसित पैसा पनि छैन , वकिललाई पैसा लाग्ने होकी होइन तेस बारे मलाइ जानकारी पनि भयन। आज इलाका प्रहरी जयनगरमा जाहेरी दिन बोलाउनु भयको छ ।

बिज्ञापन-AI-AD

२९ फाल्गुन २०८०, बर्दिया

बिज्ञापन-AI-AD

७ पुष २०८०, बर्दिया | आज बिहान ११ बजेको समयमा बारबर्दिया नगरपालिका वडा नम्मर ४ बैरियाघाटमा बाघको आक्रमण बाट एक बालकको मृत्यु भयको छ | रामशंकर थारुको ११ बर्षिय बालक समिर थारुको बाघको आक्रमण बाट मृत्यु भयको छ |

समिर थारु नुहाई धुवाई गरेर खेल्नको लागि घरदेखि केहि पर बाटोमा जादै गर्दा बाघले आक्रमण गरेको थियो | घाइते बालकलाई बारबर्दियाकै नगर अस्पतालमा उपचारको निम्ति ल्याउने क्रममा मृत्यु भैसकेको नगर अस्पतालले जानकारी गरायको छ |

बिज्ञापन-AI-AD