बर्दिया ८ आश्विन २०८०
बिज्ञापन-YM-AD
“सत्ता होइन, सेवा हो मेरो धर्म” : अध्यक्ष टंक प्रसाद अधिकारी
२९ जेष्ठ २०८२, रिपोर्टिंग नेपाल , गुलरिया
धेरैले भन्छन्—राजनीति बदनाम छ।
तर गुलरिया–२ मा राजनीति आशाको किरण बनेर उदाएको छ।
यहाँका वडा अध्यक्ष टंक प्रसाद अधिकारी नेता हैनन्—नेतृत्वको परिभाषा हुन्।
उहाँ भन्छन् – “कुर्सी भनेको आसन हैन, अभिभावकत्व हो। वडाबासी रोए भने, म निदाउन सक्दिनँ।”
कहिलेकाहीँ नेतृत्व केवल कुर्सी होइन, जीवन र आशाको स्रोत पनि बन्न सक्छ। गुलरिया नगरपालिकाको वडा नं. २ मा सामाजिक विकासको उज्यालो किरण फैलिँदै गएको छ। यो उज्यालो पछाडि जसको दृढ प्रतिबद्धता, स्पष्ट दृष्टिकोण र सेवा भाव रहेको छ, उनी हुन – वडा अध्यक्ष टंक प्रसाद अधिकारी। विकास भनेको केवल सडक र भवन मात्र होइन, मानव जीवनको आधारभूत पक्ष – स्वास्थ्य, शिक्षा, र सम्मानजनक जीवन हो भन्ने विश्वासका साथ उनले बजेटको सही सदुपयोगमार्फत अति बिपन्न वर्गलाई केन्द्रमा राखेर ऐतिहासिक काम गरेका छन्।
आज जुन गाउँमा हिजो उपचार खर्च नहुँदा मान्छे पिडामा थिय , आज त्यहाँ औषधिको व्यवस्था भएको छ। जहाँ अभावले पढ्न नसक्ने विद्यार्थी थिए, त्यहाँ आज ल्यापटप वितरण भएको छ। जहाँ कसैको मृत्युले परिवारलाई दुईचोटि पीडा दिन्थ्यो- एक आफन्त गुमाउनुको र अर्को आर्थिक संकटको – आज त्यही आर्थिक संकटको पीडालाई वडा कार्यालयले काँध थापेको छ।
विकास भौतिक मात्रै हो भन्ने सोचलाई चुनौती
बहुसंख्यक स्थानीय तहमा अहिले पनि विकासको नाममा ढल, सडक, पर्खाल, टोल सुधार लाई प्राथमिकता दिइएको पाइन्छ। तर, गुलरिया–२ का अध्यक्ष टंक प्रसाद अधिकारीको सोच मान्छे–केन्द्रित छ। उहाँ भन्छन्: “विकासको अर्थ मान्छेले महसुस गर्न सक्नुपर्छ। विद्यालय जान नपाउने बच्चाको घर अगाडि बाटो बनाउनु मात्र विकास होइन। जब ऊ विद्यालय पुग्छ, किताब पढ्छ, स्वस्थ हुन्छ – त्यो हो साँचो विकास।”
चार यस्ता कार्यक्रम, जसले बाँच्न संघर्ष गरिरहेकालाई जिउनको आधार दियो
- स्वास्थ्य बीमा: रोग होइन, राहत पाउने अधिकार
राहत वितरण होइन, अधिकारको सुनिश्चितता हो यो कार्यक्रम। अध्यक्ष अधिकारीले सुरु गर्नुभएको अति बिपन्न परिवारहरूका लागि स्वास्थ्य बीमा योजनाले वडा नं. २ मा अति बिपन्न परिवारहरूलाई राहत महसुस भएको छ। यो योजनाबाट धेरै परिवारहरू अस्पताल खर्चको बोझबाट मुक्त भएका छन्।
- औषधि खर्च: साना रोगको भारी बिसाउने चौतारी वडा कार्यालय
पाँच रुपैयाँको औषधि नहुँदा थलिएको वृद्ध, टाउको दुख्दा पानीपात्रो सुम्सुम्याउने बालक… अहिले ती सबैलाई तपाईंका लागि वडा कार्यालय छ भन्न सकिने अवस्था छ। उपचार खर्च तिर्न नसक्ने अवस्थाका नागरिकका लागि वडा कार्यालयले नगद औषधि सहयोगको व्यवस्था गरेको छ। वडामा अब सामान्य चेकजाँचपछि औषधि नकिनी बस्नुपर्ने अवस्था हटेको छ। औषधि खर्चका लागि वडा कार्यालयले नगद राहत दिन थालेको छ। एक जना वृद्धाले आँशु झार्दै भनिन्: “अघिल्लोचोटि दुखाइ हुँदा तेल मालिस गरेर सुतें। योपल्ट वडा कार्यालयले सहयोग गरेकै कारण डाक्टरसम्म पुगें।”
- मृत्यु काज सहयोग : अन्तिम सस्कारमा पनि वडा सरकार आफन्त महसुस
अति बिपन्न गरिब परिवारमा कुनै सदस्यको मृत्यु भयो भने क्रिया खर्चको जोहो गर्नु चुनौती थियो। वडा अध्यक्षले यो कुरालाई ध्यानमा राख्दै मृत्यु काज खर्च सहयोग कार्यक्रम ल्याउनुभयो। एक स्थानीय भन्छिन्: हामी जस्तो गरीब परिवारमा कसैको मृत्यु भएपछि क्रिया खर्चको जोहो गर्न गाह्रो पर्थ्यो। तर वडा कार्यालयबाट क्रिया खर्च सहयोग उपलब्ध हुदा ठूलो राहत पुगेको छ।
गरीबीले अन्तिम सस्कारमा आर्थिक बोझले च्यापिने घर परिवारलाई वडा कार्यालयले मृत्यु–काज खर्च सहयोग गरेर ‘सरकार भनेको बाँचुन्जेल मात्र होइन, मरेपछि पनि साथ दिने’ सन्देश दिएको छ।
- ल्यापटप सहयोग: डिजिटल भविष्य निर्माणको साहसी कदम
अति बिपन्न घरका दुई विद्यार्थीलाई वडा कार्यालयले ३०% लागत सहभागितामा ल्यापटप सहयोग गर्दै आइरहेकोछ । ती विद्यार्थीहरू अहिले अनलाइन क्लास, प्रोजेक्ट तथा अनुसन्धानमा सहभागी हुन सक्षम भएका छन्। एक बिद्यार्थी भन्छन : यो केवल सामग्री वितरण हैन, सपना हेर्ने स्क्रिन हो ।
टंक अधिकारीको नेतृत्वमा सामाजिक विकासले पायो नयाँ परिभाषा
धेरै नेता भन्छन्, “हामी गरिबसँग छौं।”
तर, अध्यक्ष टंक प्रसाद अधिकारीले भनेर होइन, गरेर देखाउनुभएको छ।
अध्यक्ष अधिकारीको सामाजिक सोचलाई वडा सदस्यहरूको सक्रिय समर्थन प्राप्त भएको छ। “हामी सबै सामाजिक विकासलाई प्राथमिकतामा राखेर सहमत भएका थियौँ,” भन्छन् वडा सदस्य केशब बुढा ।
वडा सचिव कर्ण बस्नेत बताउनुहुन्छ: “बजेट आउँछ, योजना बन्छ, तर कार्यान्वयनमा धक्का लाग्छ भन्ने गुनासो आम हो। तर हाम्रो वडामा योजनाको डिजाइनदेखि कार्यान्वयन सम्म अध्यक्ष स्वयं संलग्न हुनुहुन्छ। त्यसैले परिणाम देखिन्छ।”
वडा सचिव बस्नेतले पनि कार्यान्वयन पक्षमा सहयोगपूर्ण नेतृत्व दिनुभएकोछ । “योजना कागजमा मात्र सीमित भएन, हामीले परिणाम देख्यौँ,” उहाँको भनाइ छ।
अध्यक्ष अधिकारीको यो सोचमा वडा सदस्यहरू पनि उत्तिकै संलग्न छन्। वडा सदस्य निर्मला नेपाली भन्छिन : “हामी सबै एकजुट भएर ‘गरिबप्रेमी बजेट’ बनाउन सहयोग गरिरहेका छौ । उहाँले सबैलाई समेट्नुहुन्छ । हामीले समर्थन गर्न पाएकोमा गर्व लाग्छ।”
स्थानीयको भावना: अध्यक्ष होइन, अभिभावक हो उहाँ
वडाका अधिकांश लाभान्वितहरू अध्यक्ष अधिकारीलाई आफ्नो घरको अबिभाबक मान्छन्।
एक युवाले भने: “अध्यक्ष टंक अधिकारीको काम देखेपछि मेरो सोच परिवर्तन भएको छ – राजनीति राम्रो पनि हुन सक्छ।” उहाँको विचार, कर्म, र सामाजिक प्रतिबद्धता नेतृत्व कसरी हुनुपर्छ भन्ने पाठ बनिरहेको छ । उहाँ केवल एक वडा अध्यक्ष होइन, यो समयका लागि एक प्रेरक पात्र हुनुहुन्छ।
एक वृद्धाले भने —
“चुनाव सकियो, नेताहरू हराए तर उहाँ फेरि दोस्रो पटक वडा अध्यक्ष बनेर आउनुभयो– अझै नजिक, अझै जनताको सपना बोकेर, जनताको समस्याको समाधान बनेर ।”
अध्यक्षको दृष्टिकोण: भौतिकभन्दा अघि सामाजिक
पुनः निर्वाचित अध्यक्ष टंक प्रसाद अधिकारी भन्छन्, “सडक र भवन आवश्यक छन् तर त्यो भन्दा पहिला मान्छेले उपचार, शिक्षा, सम्मान र सुरक्षाको अनुभूति पाउनुपर्छ। त्यही भएर म भौतिक पूर्वाधारको साथ् साथै सामाजिक विकासलाई प्राथमिकता दिन्छु।”
विकासको परिभाषा जब जनताको मुहारमा देखिन्छ, तब त्यो नेतृत्वको सफलता मानिन्छ। वडा नं. २ का टंक प्रसाद अधिकारीले जनताको विश्वास जित्नु मात्र होइन, सामाजिक न्याय र समावेशी विकासको आदर्श स्थापित गर्नुभएको छ। यस प्रकारको सोच र काम मुलुकभर नै उदाहरण बन्नसक्ने खालको छ ।
प्रभावकारी नेतृत्व, उदाहरणीय सेवा: टंक अधिकारी जस्ता प्रतिनिधिको खोजी गर्दैछ देश
यस्ता उदाहरणहरू विरलै भेटिन्छन् , जहाँ जनप्रतिनिधिले भाषण होइन, काम गर्छन् , जहाँ योजना चुनाबी प्रतिबद्धताको कागज होइन, जनताको समस्याको समाधानको दस्ताबेज बन्छ , जहाँ जनताको आँशु मात्र देखिँदैन पुछिन्छ पनि।
अध्यक्ष अधिकारीले देखाउनुभएको सामाजिक न्याय, आत्मीय सेवा, र गरिबमुखी बजेट योजनाको यात्रा, आज गुलरिया–२ का लागि मात्र होइन, पुरै स्थानीय तहको लागि पाठ हो, प्रेरणा हो, उदाहरण हो।
बिज्ञापन-YM-AD
बारबर्दियाबाट यान्त्रिक कृषिको क्रान्ति : ५०% अनुदानमा कृषि यन्त्र वितरण, किसानमुखी इतिहास निर्माण
०८ असार २०८२, रिपोर्टिंग नेपाल ,बर्दिया —खेतमा पसिना झार्ने ती हातहरू, कहिले जोत्न ट्रयाक्टर पाउने कि नपाउने भनेर आकाश ताक्थे। ऋण काढेर, सापटी खोजेर, कहिले गहना समेत राखेर ट्रयाक्टर भाडाको जोहो गर्थे किसानहरु आज केहि हद सम्म त्यो घाउको पिडामा मलम लगाउने काम भएको छ भाबि दिन हरुमा पूर्ण रुपमा किसानको पिडा निको हुनेछ ।
बारबर्दिया नगरपालिकाले कृषिमा यान्त्रिककरणको ऐतिहासिक सुरुवात गर्दै, किसानको जीवनशैलीलाई आधुनिक, व्यावसायिक र उत्पादक बनाउने दिशामा ठोस कदम चालेको छ। ५० प्रतिशत अनुदानमा पावर ट्रीलर, मिनी ट्रीलर र पानि तान्ने मोटर वितरण गर्ने यो कार्यक्रम नगर प्रमुख छबिला थारुको नेतृत्वमा सञ्चालित भएको र कृषकको सशक्तीकरण तर्फको निर्णायक पाइला बनेको छ।
|
“हामीले वाचा गरेका थियौं — |
जनताको शासन, किसानको साथ : कार्यक्रमका मुख्य विशेषता
नगरपालिका आर्थिक विकास समितिका संयोजक तथा वडा नं. २ का वडाध्यक्ष राम फेरन थारुको सभाध्यक्षतामा नगर प्रमुख छबिलाल थारुको प्रमुख आतिथ्य , विशिष्ट अतिथि रत्ना कुमारी पाण्डे, विशेष अतिथि प्रमुख प्रशासकीय अधिकृत टिका नाथ गोसाई, साथै वडाध्यक्षहरू, समितिका संयोजक, समाजसेवी, पत्रकार, सरोकारवाला लगायतको उपस्थिति रहेको कार्यक्रममा पारदर्शिता, सहभागिता र परिणाममुखी वितरण पद्धति अपनाइएको देखियो।
कृषि शाखा प्रमुख झलक खड्काले कार्यक्रमको उद्देश्य प्रस्तुत गर्दै भन्नुभयो:
“हामी कृषकको लागत घटाउने, उत्पादन बढाउने, चक्लाबन्दी प्रवर्द्धन गर्ने र कृषकलाई आर्थिक रूपमा सशक्त बनाउने दिशामा अगाडि बढिरहेका छौं।”
उपकरण वितरण : प्रतिस्पर्धी प्रणालीबाट गुणस्तरीय यन्त्र
- कुल लागत अनुमान: २ करोड ४४ लाख रुपैयाँ
- प्रतिस्पर्धी ठेक्काबाट: १ करोड ९३ लाख ४४ हजार रुपैयाँमा सम्झौता
- वितरण यन्त्रहरू:
- ८७ वटा पावर ट्रीलर (प्रति थान खरिद मूल्य १,४५,९००)
- १०० वटा मिनी ट्रीलर (प्रति थान खरिद मूल्य ६३,९००)
- ३९ वटा पानि तान्ने मोटर
“ सम्पूर्ण प्रक्रिया नेशनल इ–बिडिङ प्रणालीबाट पारदर्शी रूपमा सम्पन्न गरिएको हो ” प्रमुख प्रशासकीय अधिकृत टिका नाथ गोसाईले स्पष्ट पार्नुभयो
नगर उपप्रमुखको धारणा : “अब खेत बाझो राख्नुपर्ने छैन”
नगर उपप्रमुख रत्ना कुमारी पाण्डेले विगतमा समयमै यन्त्र नपाएर खेत बाझो राख्नुपरेको अवस्थाप्रति चिन्ता व्यक्त गर्दै भन्नुभयो : “अब किसानले समयमै यन्त्र पाउँछन्। विदेश जानुपर्ने बाध्यता घट्नेछ, स्थानीय रोजगारी र उत्पादन बढ्नेछ।”
“जनताले दिएको जिम्मेवारी सजिलो थिएन…” : नगर प्रमुख
नगर प्रमुख थारुले भन्नुभयो: “हामीलाई नगर सरकारको जिम्मेवारी जनताले दिएका हुन्। त्यो समय चुनावको दौड थियो, म गाउँ गाउँ डुल्थेँ। मैले किसानको खेतमा त्यो माटो समाएँ, त्यो पिँढीमा बसेर किसान दाजुभाइको आँखाको पीडा पढेँ।”
उहाँले किसानको विगत सम्झाउँदै भन्नुभयो :
“एकजना किसानसँग म बसेको थिएँ। किसानले भन्नुभयो — ‘वकिलसाब, खेत जोत्न ट्रयाक्टर पाउँदैनौं, पैसा छैन, ऋणमा जोत्नुपर्छ, तर त्यसै खेतको कमाइले खान पाइँदैन।’ त्यो दिन मेरो आत्मा रोएको थियो।”
“त्यो दिन मलाई महसुस भयो, किसानको पसिना सस्तो हुनुहुदैन किनकि किसान राष्ट्रको गौरव हो। उसलाई सम्मान चाहिन्छ। अनि त्यो सम्मान यन्त्रले दिलाउन सकिन्छ।”
“त्यतिबेला मैले एउटा वाचा गरेँ — अब यो बारबर्दिया नगरमा खेती समयमै हुनेछ। कसैले अरुको ट्रयाक्टर कुरेर रात बिताउनु पर्नेछैन।
“आज म भन्न सक्छु, त्यो वाचा मैले केहि पुरा गरे र बाकि पुरा गर्दै जानेछु । म किसानको पक्षमा यहाँ उभिएको छु।”
नगर प्रमुखले स्पष्ट पार्नुभयो , अब किसानले खेत जोत्न अरूको ट्रयाक्टरको कुरो गर्नुपर्ने छैन। आफ्नै पालिकाबाट पाएको यन्त्र प्रयोग गरेर समयमै खेती गर्न सक्नेछन्।
“हाम्रो घोषणापत्रमा भनेका थियौं — किसानसँग आफ्नै कृषि यन्त्र हुनु पर्छ।
आज त्यो वाचा कार्यान्वयनको चरणमा आएको छ। हामी भाषण होइन, परिणाम देखाइरहेका छौं।”
समावेशी वितरण, पारदर्शी छनोट प्रक्रिया
उहाँले जोड दिँदै भन्नुभयो:
“वडा नं. १ देखि ११ सम्मका किसानहरूलाई न्यूनतम मापदण्ड पुरा गरेर निवेदनको आधारमा छनोट गरिएको हो। यन्त्र वितरणमा कुनै भेदभाव गरिएको छैन। यो सबै किसानको योजना हो, न त पार्टीको, न त क्षेत्रको।”
उहाँले किसानहरूप्रति आग्रह गर्दै भन्नुभयो : “जसले यन्त्र पाउनुभएको छ, उहाँहरूले आफ्नो खेत जोतेपछी अरू किसानलाई पनि न्युनतम शुल्कमा सघाउनुहोस्। सहकार्यको भावना नबढे हामी समृद्धिको बाटोमा जान सक्दैनौं।”
सभाध्यक्षको भनाइ : “कृषकको आवाज कार्यान्वयनमा परिणत”
सभा अध्यक्ष राम फेरन थारुले किसानहरूको चासो–उपचासोप्रति पालिकाले तत्काल प्रतिक्रिया दिएको उल्लेख गर्दै भन्नुभयो : “खेती गर्नुपर्ने समय आइसक्यो भन्ने आवाज धेरै थियो। आज हामी त्यो प्रश्नको जवाफ यन्त्र वितरण गरेर दिइरहेका छौं।”
कृषकहरूको आशा : “अब हामी निर्भर होइन, सक्षम छौं”
कृषकहरूले कार्यक्रमप्रति कृतज्ञता जनाउँदै जनप्रतिनिधिले व्यावहारिक काम गरेको महसुस भएको बताए।
“पहिले खेत जोत्न ऋण गर्नुपर्थ्यो, अब आफ्नै पालिकाले सहयोग गरेको छ।
अब म समयमै जोत्न सक्छु, अब मिहेनत कम हुन्छ, आम्दानी बढी,” एक कृषकले भने।
घोषणाबाट कार्यान्वयनसम्म, मेयरको सक्रिय नेतृत्व
बारबर्दिया नगरपालिकाले कृषिमा यान्त्रिकरणको अभूतपूर्व योजना कार्यान्वयन गरेर किसानलाई समय, श्रम र आर्थिक अभावको बोझबाट राहत दिएको छ। नगर प्रमुख छबिला थारुको दृढ नेतृत्वमा सञ्चालित यो योजना नैतिक–प्रशासनिक पारदर्शिताको नमूना बन्न पुगेको छ। बारबर्दिया नगर पालिका एक — कृषि यान्त्रीकरणको नेतृत्व गर्ने उदाहरण हो। यहाँ योजना केवल सुनिने मात्र होइन , देखिन्छ पनि।
बिज्ञापन-YM-AD
वडा नं. ७ को नवनिर्मित कार्यालय भवनको भव्य उद्घाटन सम्पन्न
१६ असार २०८२, रिपोर्टिंग नेपाल ,बर्दिया — बारबर्दिया नगरपालिका वडा नं. ७ मा नवनिर्मित वडा कार्यालय भवनको भव्य उद्घाटन समारोह आज एक विशेष कार्यक्रमका साथ सम्पन्न भएको छ। कार्यक्रमका सभाध्यक्ष वडा नं. ७ का वडा अध्यक्ष इन्द्र बहादुर चौधरी रहनुभएको थियो भने प्रमुख अतिथिको रूपमा बारबर्दिया नगरपालिकाका नगर प्रमुख छबिलाल थारु तथा विशिष्ट अतिथिका रूपमा नगर उपप्रमुख रत्नकुमारी पाण्डे उपस्थित हुनुहुन्थ्यो। साथै, कार्यक्रममा नगरका ११ वटै वडाका अध्यक्षहरूको गरिमामय उपस्थिति रहेको थियो।
प्रमुख अतिथि नगर प्रमुख छबिलाल थारुले समारोहलाई सम्बोधन गर्दै भन्नुभयो,
“स्थानीय सरकार जनताको पहुँचमा पुग्ने सरकार हो। त्यसैले सेवा सरल, प्रभावकारी र समयमै उपलब्ध गराउने संरचना निर्माण गर्नु हाम्रो पहिलो प्राथमिकता हो। वडा नं. ७ को यो नवनिर्मित कार्यालय भवन त्यसैको प्रतिफल हो।”
उहाँले थप भन्नुभयो, “हामीले यो भवनको निर्माण सार्वजनिक टेण्डर प्रक्रियाबाट पारदर्शी रूपमा सम्पन्न गरेका छौं। यो भवन जनताको साझी सम्पत्ति हो, यसलाई जिम्मेवारीका साथ संरक्षण गर्नु हामी सबैको कर्तव्य हो।”
नगर उपप्रमुख रत्नकुमारी पाण्डेले भन्नुभयो , “जनताको सेवा सुविधा सहज र सर्वसुलभ होस् भन्ने उद्देश्यले हामीले वडास्तरमै कार्यालय भवनहरू निर्माण गरिरहेका छौं। यस भवनले सेवा प्रवाहलाई अझ प्रभावकारी बनाउने विश्वास लिएको छु।”
वडा अध्यक्ष इन्द्र बहादुर चौधरीले आफ्नो भनाइमा भन्नुभयो, “पुरानो वडा कार्यालय साँघुरो मात्र नभई वर्षाको समयमा पानी पस्ने समस्या अत्यन्तै ठूलो थियो, जसले गर्दा कार्यालयबाट नियमित सेवा प्रवाहमा कठिनाइ आइरहन्थ्यो। अहिलेको यो नयाँ भवनले ती सबै समस्याको समाधान गर्दै जनतालाई सहज र सम्मानजनक सेवा दिने वातावरण तयार पारेको छ।”
आजको उद्घाटन कार्यक्रममा वडा नं. ७ का सक्रिय जनप्रतिनिधि, समाजसेवी, शिक्षक, युवा, महिला समूह र आम नागरिकहरूको उल्लेखनीय उपस्थिति हाम्रो लागि गर्वको कुरा हो। हाम्रो वडामा विकास निर्माणका हरेक प्रयासमा जनताको सहभागिता रहँदै आएको छ — चाहे त्यो सरसफाइ अभियान होस्, विद्यालय सुधार, सडक मर्मत होस् वा सामाजिक सचेतना कार्यक्रमहरू। म यस अवसरमा वडावासी जनताप्रति विशेष धन्यवाद दिन चाहन्छु जसले हामीलाई सधैं साथ दिनु भएको छ।”
हामी सबैको सहकार्य, एकता र सकारात्मक सोचले वडा नं. ७ लाई सेवा, विकास र समृद्धिको दिशामा अघि बढाइरहेको छ। यही भावना अझै बलियो बनोस् भन्ने कामना गर्दै, म भविष्यमा पनि यस्तो निरन्तर जनसहभागिता र विश्वास कायम रहोस् भन्ने अपेक्षा गर्दछु।
समाजसेवी दयालाल रिजाल, जसले सिउनिया आधारभूत स्वास्थ्य केन्द्रको लागि २६० वर्ग मिटर जग्गा दान गर्नुभएको थियो, SEE परीक्षामा बारबर्दिया नगरभित्रका सामुदायिक विद्यालयमध्ये प्रथम स्थान हासिल गर्न सफल श्री जनता माध्यमिक विद्यालय रम्मापुरका प्रधानाध्यापक रामप्रसाद ढकाल र वडा नं. ७ को भवन समयमै निर्माण सम्पन्न गर्न महत्त्वपूर्ण भूमिका निर्वाह गर्नुभएका दीप निर्माण सेवाका सञ्चालक देबचन्द्र रानालाई बारबर्दिया नगरपालिकाका नगर प्रमुख श्री छबिलाल थारु र उपप्रमुख श्रीमती रत्नकुमारी पाण्डेको संयुक्त उपस्थितिमा दोसल्ला ओढाइ र सम्मानपत्र प्रदान गरी सम्मानित गरिएको छ ।
समारोहमा नगरका जनप्रतिनिधि, शिक्षक, समाजसेवी, पत्रकार, महिला समूह, युवा र स्थानीय नागरिकहरूको उल्लेखनीय उपस्थिति रहेको थियो।
बिज्ञापन-YM-AD
बारबर्दिया न.पा. वडा ८ मा एक महिने मुढा बनाउने तालिम सम्पन्न, वडा अध्यक्ष र सभाध्यक्षबाट व्यवसायिक विस्तारको आह्वान
बारबर्दिया, जेष्ठ २३, २०८२ गते
गरिबी निवारणका लागि लघु उद्यम विकास कार्यक्रम अन्तर्गत बारबर्दिया नगरपालिका–८ मा सञ्चालित एक महिने मुढा बनाउने तालिम आज औपचारिक रूपमा सम्पन्न भएको छ। २०८२ सालको बैशाख २२ गतेदेखि सुरु भएको तालिम जेष्ठ २२ गते सम्पन्न भएको हो भने समापन समारोह आज जेष्ठ २३ गते आयोजित गरिएको थियो।
बारबर्दिया नगरपालिका उद्यम विकास शाखाको आयोजनामा सम्पन्न उक्त तालिममा वडा नम्बर ८ का १३ जना महिला र २ जना पुरुष गरी कुल १५ जना सहभागीले मुढा बनाउने सीप सिकेका थिए। तालिमको प्रशिक्षक दिलमाया महतो रहेकी थिइन्। सहभागीहरूले सौहार्दपूर्ण वातावरणमा सहज र व्यवहारिक तरिकाले तालिम प्राप्त गरेको बताएका छन्।
वडा अध्यक्ष चन्दको प्रतिबद्धता: “२ वर्षअघिको पहल आज सार्थक भयो”
तालिम समापन समारोहका प्रमुख अतिथि बारबर्दिया–८ का वडा अध्यक्ष नरबहादुर चन्द (भरत) ले उक्त तालिम आफैँले दुई वर्षअगाडिदेखि नगरपालिकासँग पहल गर्दै आएको बताउँदै अहिले आएर त्यो प्रयासले मूर्तरूप लिएकोमा खुसी व्यक्त गरे।
उहाँले भन्नुभयो, “म यो तालिमबाट यहाँहरूले प्राप्त गर्नुभएको सीपलाई आम्दानीको स्रोत बनाउन सक्नुहुन्छ भन्नेमा ढुक्क छु। मुढा बनाउने काममा तपाईंहरूको परिवारले पनि साथ दिनेछ, जसले गर्दा उत्पादन बढ्नेछ र त्यसले तपाईंहरूको आर्थिक अवस्थामा सकारात्मक प्रभाव पार्नेछ।”
उहाँले सहभागीहरूलाई सिकेको सीपलाई केवल सिकाइमै सिमित नराख्न आग्रह गर्दै यसलाई व्यवसायिक रूपमा विस्तार गर्न प्रेरित गर्नुभयो।
सभाध्यक्ष योगीको घोषणा: “उपकरण पनि दिएका छौँ, उत्पादन ल्याउनुहोस् बजार हामी दिन्छौं”
कार्यक्रमको सभाध्यक्ष तथा नगर प्रवक्ता एवं बारबर्दिया–४ का वडा अध्यक्ष सीताराम योगीले सहभागिहरूलाई मुढा बनाउन आवश्यक पर्ने औजारहरू समेत वितरण गरिएको जानकारी गराउँदै त्यसलाई उत्पादनमा रूपान्तरण गर्न सुझाव दिनुभयो।
उहाँले भन्नुभयो, “४००, ५००, १००० – जति मुढा बनाउन सक्नुहुन्छ, बनाउनुहोस्। बेच्न समस्या भयो भने नगरपालिकामा ल्याउनुहोस्, बजार व्यवस्थापनको जिम्मा हामी लिन्छौं। तपाईंहरू ढुक्क भएर यो तालिमलाई आम्दानीमा रूपान्तरण गर्नुहोस्।”
उहाँले सीपमूलक तालिमको वास्तविक परिणाम तब मात्र देखिने बताउनुभयो जब त्यो सीपले उत्पादन र आम्दानीमा रूपान्तरण गर्न सक्ने हुन्छ।
उद्योग विकासतर्फ नगरको जोड
बारबर्दिया नगरपालिकाको उद्योग विकास शाखाले सञ्चालन गरेको यो तालिम गरिबी निवारण र स्वरोजगार प्रवर्द्धन मा केन्द्रित कार्यक्रमको एउटा उदाहरण हो। स्थानीयस्तरमा महिलाहरूको सीप विकास गर्दै आत्मनिर्भरता र लघु उद्यमको प्रवर्द्धन गर्न नगरले यस्ता कार्यक्रमलाई प्राथमिकता दिएको देखिन्छ।
समापन कार्यक्रममा सहभागीहरूलाई प्रमाणपत्र वितरणसमेत गरिएको थियो। सहभागीहरूले यस तालिमबाट प्राप्त सीपलाई घरमै बसेर आम्दानीको स्रोत बनाउन सहज हुने बताएका छन्।
बिज्ञापन-YM-AD
बारबर्दिया नगर अस्पतालमा मोरिंगा बिरुवा रोपेर विश्व वातावरण दिवस मनाइयो
बारबर्दिया, जेठ २२, २०८२ — विश्व वातावरण दिवसको अवसरमा बारबर्दिया नगरपालिका अन्तर्गत रहेको नगर अस्पताल परिसरमा विशेष वातावरणीय कार्यक्रम आयोजना गर्दै मोरिंगा (सितल चिनी) को बिरुवा रोपिएको छ। स्वास्थ्य सेवा र वातावरण संरक्षणबीचको सम्बन्धलाई उजागर गर्ने उद्देश्यले गरिएको सो कार्यक्रमले अस्पतालको वातावरणलाई हरियाली बनाउने र समुदायमा हरित सन्देश फैलाउने लक्ष्य राखेको थियो।
कार्यक्रममा अस्पतालमा कार्यरत मेडिकल अधिकृत डा. माधव पन्त र डा. जितेन्द्र यादव, वरिष्ठ अहेब तुलसी पोखरेल, ल्याब असिस्टेन्ट आइतवारी चौधरी, फार्मेसी सहायक विनोद कुमार देमनदौरा , निर्मल थारू लगायत अस्पतालका अन्य कर्मचारीहरूको सक्रिय सहभागिता रहेको थियो। साथै जयनगर रेडक्रस उपशाखाका अध्यक्ष श्रीराम चौधरीले पनि बिरुवा रोपणमा सहभागिता जनाएका थिए।
मोरिंगा बिरुवा बहुपयोगी औषधीय गुणले भरिपूर्ण मानिन्छ, जसले पोषणमा टेवा पुर्याउने मात्र होइन, वातावरणीय सन्तुलनमा पनि योगदान दिन्छ। यस प्रकारका बिरुवाको प्रवर्द्धनले स्वास्थ्य र वातावरण दुवै क्षेत्रमा सकारात्मक प्रभाव पार्ने अपेक्षा गरिएको छ।
उक्त कार्यक्रमका लागि आवश्यक बिरुवाको व्यवस्थापन नगर अस्पतालका अध्यक्ष तिर्थराज पौडेलले गर्नुभएको थियो। अस्पताल परिवारको समन्वयमा सम्पन्न भएको यस कार्यक्रमले हरित सोच र वातावरणीय जिम्मेवारीप्रति जनचेतना फैलाउने कार्यमा सघाउ पुर्याएको छ। सहभागीहरूले यस्ता अभियानलाई आगामी दिनहरूमा अझ व्यापक बनाउने प्रतिबद्धता व्यक्त गरेका छन्।
बिज्ञापन-YM-AD
बारबर्दिया नगरपालिकाको ९६ करोडको बजेट सार्वजनिक
१० असार २०८२, रिपोर्टिंग नेपाल ,बर्दिया — बारबर्दिया नगरपालिकाले आगामी आर्थिक वर्ष २०८२/०८३ का लागि करिब ९६ करोड ७७ लाख रुपैयाँ बराबरको बजेट र नीति कार्यक्रम सार्वजनिक गरेको छ। नगर उपप्रमुख तथा नगरसभा उपाध्यक्ष रत्न कुमारी पाण्डेले नगरपालिकाको १७ औं नगरसभा अधिवेशनमा बजेट प्रस्तुत गर्दै आत्मनिर्भर र न्याययुक्त समाज निर्माणका लागि स्पष्ट कार्यदिशा प्रस्तुत गर्नुभएको हो। उहाँले नगरको समृद्धिको यात्रालाई गति दिने गरी बजेटको संरचना तयार पारिएको जानकारी दिनुभयो।
प्रस्तुत बजेटअनुसार चालु खर्चका लागि ६६ करोड १९ लाख रुपैयाँभन्दा बढी र पुँजीगत खर्चका लागि ३३ करोड ५८ लाख रुपैयाँ विनियोजन गरिएको छ। नगरपालिकाले यो वर्ष शिक्षा, स्वास्थ्य, कृषि, पशुपालन, पूर्वाधार विकास, सूचना प्रविधि, सामाजिक सुरक्षा, महिला तथा बालबालिका लगायतका क्षेत्रमा सन्तुलित र समावेशी ढंगले बजेट बाँडफाँड गरेको जनाएको छ।
नगरपालिकाले “कृषि, उद्योग र पर्यटनमा वृद्धिः बारबर्दियाको समृद्धि” भन्ने नारालाई आत्मसात गर्दै आगामी वर्षको योजना अघि सारेको छ। अघिल्लो आर्थिक वर्ष २०८१/०८२ मा करिब ९९ करोड ५२ लाख रुपैयाँको संशोधित बजेटमध्ये जेष्ठ मसान्तसम्म ४६ करोड ६० लाख चालु खर्च र १८ करोड ८८ लाख विकास खर्च गरेर वित्तीय प्रगतिमा सन्तोषजनक उपलब्धि हासिल गरिएको बताइएको छ। सो अवधिमा कभर्ड हल निर्माण, सडक कालोपत्रे, नाली निर्माण, वडा कार्यालय र प्रशासकीय भवन निर्माण तथा सुधार, सेनिटरी प्याड वितरण लगायतका सेवा तथा पूर्वाधारमुखी योजनाहरू कार्यान्वयन गरिएको छ।
पूर्ण पाठको भिडियो Youtube च्यानल YM TV Nepal मा हेर्न सकिनेछ
नयाँ बजेटमा शिक्षा क्षेत्रमा करिब ७ करोड ६५ लाख रुपैयाँ विनियोजन गरिएको छ, जसअन्तर्गत शैक्षिक गुणस्तर अभिवृद्धि, विद्यालयमा सुशासन प्रवर्द्धन र सार्वजनिक शिक्षाको रूपान्तरणलाई प्राथमिकता दिइने उल्लेख छ। त्यस्तै, कृषिमा यान्त्रिकीकरण तथा प्रविधिको पहुँच विस्तारका लागि ५० लाख, पशुपालनमा नस्ल सुधार, रोकथाम र आहार व्यवस्थापनका लागि ४१ लाख २५ हजार रुपैयाँ छुट्याइएको छ।
महिला सशक्तीकरण, बालबालिकाको संरक्षण तथा दलित समुदायको सामाजिक सुरक्षा सुनिश्चित गर्न २३ लाख ५० हजार रुपैयाँ विनियोजन गरिएको छ। आयुर्वेद, योग तथा अध्यात्मलाई नगरवासीको स्वास्थ्य सुधारको एक महत्वपूर्ण पाटोका रूपमा अगाडि ल्याउने योजनाअनुसार १२ लाख रुपैयाँ छुट्याइएको छ। त्यसैगरी सूचना प्रविधिको प्रयोगमार्फत सेवा प्रवाहलाई थप प्रभावकारी बनाउने उद्देश्यले ४ लाख २५ हजार र युवा तथा खेलकुदमा सक्रिय सहभागिता प्रोत्साहन गर्न ११ लाख ४७ हजार रुपैयाँ विनियोजन गरिएको छ। न्यायिक समिति सशक्तीकरण, लैङ्गिक हिंसा न्यूनीकरण तथा उपमेयर कार्यक्रम सञ्चालनका लागि पनि छुट्टै २२ लाख ९५ हजारको व्यवस्था गरिएको छ।
नगरपालिकाले डिजिटल प्रविधिको उपयोगलाई संस्थागत बनाउँदै डिजिटल नागरिक बडापत्र कार्यान्वयनमा लैजाने लक्ष्यसहित योजना अगाडि सारेको छ। यसै अन्तर्गत घर नम्बरिङ प्रणाली, कर शिक्षामा जनचेतना र राजश्व दायरा विस्तारमा समेत प्राथमिकता दिइने उल्लेख गरिएको छ। संघीय तथा प्रदेश सरकारबाट प्राप्त सशर्त, विशेष तथा समपूरक अनुदानहरू तोकिएको मापदण्डअनुसार खर्च गरिनेछ भने जेष्ठ नागरिक, अपाङ्गता भएका व्यक्ति, दलित तथा सीमान्तकृत वर्गका लागि सामाजिक सुरक्षाका कार्यक्रमलाई निरन्तरता दिइनेछ।
बजेट प्रस्तुत गर्दै उपप्रमुख पाण्डेले संविधान, लोकतन्त्र र सामाजिक रूपान्तरणका लागि बलिदान दिने सम्पूर्ण ज्ञातअज्ञात शहीदहरूप्रति श्रद्धाञ्जली अर्पण गर्नुभयो। नगर विकासको लागि सबै राजनीतिक दल, संघीय तथा प्रदेश सरकार, निजी क्षेत्र, नागरिक समाज र आम नगरवासीहरूको सहकार्य अपरिहार्य रहेको उल्लेख गर्दै उहाँले समृद्ध बारबर्दिया निर्माणका लागि सबै पक्षलाई एकजुट भई अघि बढ्न आग्रह गर्नुभयो।
बिज्ञापन-YM-AD
बटनी खेत कतर्नियाको त्यो आधा बाटो… तीन पुस्ताको पर्खाइ अन्त्य
३१ जेष्ठ २०८२, रिपोर्टिंग नेपाल ,बर्दिया – बारबर्दिया नगरपालिका वडा नम्मर -९, कतर्निया गाउँका किसानहरूको जीवनमा विगत ३ पुस्तादेखि रहेको ठूलो समस्यालाई वडा अध्यक्ष देवेन्द्र कुमार बिष्टले आफ्नो अटूट संकल्प र कठोर, तर न्यायपूर्ण ढंगका साथ समाधान गरेका छन् । किसानहरू जसले ५०० मिटर हिडे पुगिने आफ्नो खेत ३ किलोमिटर घुमेर पुग्नु पर्थ्यो हाल किसान र खेत बीच थुनिएको त्यो दूरी अब भत्किएको छ ।
स्थानिय भन्छन् – उनि अलि कडा र ठाडो बोल्ने स्वभावका छन्, कहिलेकाहीं खरो बोलीले ठेस पुर्याए पनि, मन चसक्क पारेपनि त्यो स्वरमा कहिल्यै कुनै पाप वा इर्ष्या नदेखिने हुन्छ, तर यहि स्वभावका कारण देवेन्द्र बिष्टका आलोचकहरू थुप्रै थिए । “खरो बोल्ने, रूखो स्वभावका नेताबाट के आशा गर्ने ?” भन्न पनि भ्याए तर अहिले चुप लागेर सबैकुरा सहने र जनताको समस्यामा मौन रहने नेताभन्दा बरु खरो बोल्ने, रूखो स्वभावको भएपनि काम गर्ने देबेन्द्र जस्तै नेता ठिक भन्ने मा पुगेका छन् वडा नम्मर ९ का वडावासीहरु आजभोली l
“हामीले बिर्सिसकेको थियौँ कि यो बाटो खुल्ने सपना , तर देवेन्द्रजीको पहलले असम्भवजस्तो देखिएको कुरा सम्भव बनायो,” एक किसानको भावुक अभिव्यक्ति थियो। हिजो गालि बर्साउनेहरूले आज देबेन्द्रको काममा तालि बर्साइरहेका छन् । बोलि त कडा हुन्छ, तर मनमा कुनै पाप छैन। जसको मनमा पाप हुदैन , ऊ बोल्न र काम गर्न डराउँदैन।” स्वभावले कठोर, बोली ठाडो र नडराउने, तर अन्तर्मनमा पूर्णरूपले वडा वासीको पक्षधर – यो परिचय बन्दैछ यस बाटो खोल्ने कार्य पश्चात वडाध्यक्ष देवेन्द्र बिष्टको। “उहाँको बोलीले कहिलेकाहीँ चस्काउँछ, तर कामले सबैको मन जित्छ,” वडाबासीहरू खुलेर प्रशंसा गर्छन्। अहिले किसानहरू यति भावुक छन् कि कसैले त बाटोको नाम नै ‘देवेन्द्र मार्ग’ राख्ने प्रस्ताव गरेका छन्।
यो एउटा बाटो मात्र होइन, यो बाटो भनेको आशाको मार्ग, सम्भावनाको श्रोत र पुस्तौँदेखि अड्किएको सपना पूरा भएको एउटा जीवनरेखा बनेको छ। उनले खोलिदिएको बाटोले मात्र भौतिक दूरी होइन, किसानहरूको मनमा नयाँ आशा र भरोसाको पुल पनि जोडेको छ। यो कुनै सामान्य बाटो होइन, यो त्यो बाटो हो जसले सयौँ किसानको खेतलाई बाहिरी दुनियाँसँग जोड्ने काम गर्छ। तीन पुस्तासम्म असहज बाटो हुँदै खेतमा पुग्दा सम्म अनायासै बग्ने पसिना आज किसानले आफ्नो खेतमा उत्पादनका निम्ति बगाउन पाएका छन् ।
हिजो विरोध गर्नेहरू आज आफैँ स्याबासी दिइरहेका छन्, प्रारम्भमा एक–दुई जनाले केही नबुझी विरोध जनाए पनि अहिले सबै जनताको साथ पाइएको अध्यक्ष बिष्ट बताउँछन्। वडाध्यक्ष देवेन्द्र बिष्टले आफू जनताको सेवक मात्र भएको बताउँदै भने, “मेरो जनता हो, मेरा किसान हुन्। बाटो नखोल्नु भनेको दुवै खुट्टा बाधेर हिडनुहोस् भनेर आदेश दिए जस्तै हो । कसैको खेतमा पाइला राख्न पनि बाटो नहुनु भनेको बाँच्दाबाँच्दै जेलमा भएको जस्तै हो। यो बाटो जनताको अधिकार थियो, मैले त केवल ढोका खोल्ने जिम्मेवारी लिएको मात्र हु सबै योगदान किसान र वडावासी कै हो ।”
वडा नं. ९ मा भएको यो विकास कार्य कुनै निर्माणमात्र होइन, जनविश्वास र नेताको प्रतिबद्धताको उदाहरण बनेको छ । देवेन्द्र बिष्टजस्ता जनप्रतिनिधिहरूले देखाएको साहस, निष्ठा र जनपक्षीय कार्यशैलीले अबको पुस्तालाई पनि प्रेरणा दिनेछ।
यो बाटो केवल माटो र मिहेनतले मात्र बनेको छैन, यो बाटो बनेको छ दुःख, संघर्ष, धैर्यता र साँचो नेतृत्वबाट। जहाँ भोलिका दिनमा वडा अध्यक्ष देबेन्द्र कुमार बिष्टकै कार्यकालमा ग्रेवल हालेर अझ बलियो र सहज हुनेछ भन्ने भरोसा र बिस्वास राखेका छन् यहाका जनताले ।
बिज्ञापन-YM-AD
बारबर्दिया नगरपालिकाको १७औं नगरसभा सम्पन्न, पूर्वाधारदेखि सामाजिक सुरक्षासम्म प्राथमिकता सहितको नीति तथा कार्यक्रम सार्वजनिक
९ असार २०८२, रिपोर्टिंग नेपाल ,बर्दिया — बारबर्दिया नगरपालिकाले आफ्नो १७औं नगरसभा सम्पन्न गर्दै आर्थिक वर्ष २०८२/८३ का लागि नीति तथा कार्यक्रम सार्वजनिक गरेको छ। नगरपालिकाले पूर्वाधार सुदृढीकरण, सामाजिक न्याय, सूचना प्रविधिको विस्तार, कृषि, ऊर्जा तथा समावेशी सेवा प्रणालीलाई उच्च प्राथमिकतामा राख्दै दीर्घकालीन तथा समग्र विकासलाई केन्द्रमा राखेको छ।
नगर क्षेत्रका सबै ११ वटै वडामा रहेका अस्थायी तथा जीर्ण काठेपुलहरू विस्थापित गर्दै नयाँ र टिकाउ संरचना निर्माण गरिनेछ। यस्तै, ६ मिटरभन्दा कम चौडाइ भएका सडकहरूमा अब लगानी नगर्ने स्पष्ट नीति लिएको छ, जसले विकासलाई लामो समयसम्म दिगो बनाउन मद्दत गर्ने विश्वास लिइएको छ।
नगरपालिकाले सबै बस्तीमा इन्टरनेट सेवा विस्तार गर्ने तथा मुख्य बजार क्षेत्रमा निःशुल्क वाईफाई सेवा उपलब्ध गराउने योजना अघि सारेको छ। सूचना पहुँचको अधिकारलाई व्यवहारिक बनाउन यो कदमले महत्वपूर्ण योगदान पुर्याउने विश्वास लिइएको छ।
शिक्षालाई आधुनिक बनाउँदै नवप्रवर्तन कार्यक्रम प्रस्तावनाको आधारमा अनुदान दिइनेछ। सुत्केरी बिदामा बसेका शिक्षिकाहरूको विकल्पमा सत्ता शिक्षकको व्यवस्थासमेत गरिएको छ। साथै, समावेशी तथा वातावरणमैत्री शौचालय र स्वच्छ खानेपानीको व्यवस्था नगरका सबै विद्यालयहरूमा गरिनेछ।
विद्युत सेवा अझ सुदृढ बनाउन प्रयाप्त भोल्टेज सहितको सुविधा बस्ती–बस्तीसम्म पुर्याइने नीति अघि सारिएको छ। यो कदम ग्रामीण तथा अर्धशहरी क्षेत्रका उद्योग, शिक्षालय, स्वास्थ्य चौकी र डिजिटल सेवामा प्रत्यक्ष लाभदायक हुने विश्वास गरिएको छ।
कृषि क्षेत्रलाई आधुनिकीकरण गर्न पालिकाले आलु, प्याज लगायतका बालीका लागि चिस्यान केन्द्र बनाउने तथा रैथाने बालीको संरक्षण तथा प्रवर्धन गर्ने नीति लिएको छ। साथै, कृषकलाई मौसमसम्बन्धी जानकारी घरदैलोमै पुर्याउने सूचना प्रणाली विकास गरिनेछ।
दूध संकलन तथा प्रशोधन केन्द्र स्थापना गरिनेछ भने सहकारीमार्फत कृषकहरूलाई बजारसँग प्रत्यक्ष जोड्ने कार्यक्रम पनि समावेश गरिएको छ।
८० वर्षभन्दा माथिका जेष्ठ नागरिक, अपांगता भएका व्यक्ति तथा सुत्केरी महिलालाई घरमै पुगेर गुणस्तरीय सेवा दिने विशेष कार्यक्रम कार्यान्वयन गरिनेछ। स्वास्थ्य सेवालाई नागरिकमैत्री बनाउने यो नीति सुदूर बस्तीहरूमा अझ प्रभावकारी हुने अनुमान गरिएको छ।
युवाहरूमाझ लोकप्रिय हुँदै गएका खेलहरू — जस्तै पेनकेक सिलाट, कराते, भारोत्तोलन र उस्सु — लाई व्यवस्थित गर्न आवश्यक पूर्वाधार र तालिम केन्द्रको व्यवस्था गरिनेछ। स्थानीय स्तरमा प्रतियोगिताहरू सञ्चालन गरेर खेलकुदको विकासलाई थप मजबुत बनाउने योजना पनि यसै कार्यक्रमअन्तर्गत समावेश गरिएको छ।
स्थानीय आपतकालीन कार्य सञ्चालन केन्द्रलाई थप सुदृढ बनाउँदै २४ सै घण्टा सञ्चालनमा ल्याइनेछ। साथै, सार्वजनिक सम्पत्तिको लगत संकलन गरी संरक्षण गर्ने कार्यलाई व्यवस्थित बनाउने लक्ष्य राखिएको छ।
बारबर्दिया नगरपालिकाको यसपटकको नीति तथा कार्यक्रमले पूर्वाधार विकास र सामाजिक उत्तरदायित्वलाई सँगसँगै लिएर अघि बढाउने संकेत दिएको छ। दीर्घकालीन सोच, स्थानीय आवश्यकता र डिजिटल युगको मागलाई सम्बोधन गर्नेगरी बनाइएको नीति कार्यान्वयनमा गएमा नगरवासीको जीवनस्तरमा गुणात्मक परिवर्तन आउने अपेक्षा गर्न सकिन्छ।
बिज्ञापन-YM-AD
कोहलपुर–२ मा क्रमिक विकासका प्रयास: वडाध्यक्षको जनमुखी प्रतिबद्धता
२८ बैशाख २०८२ ✍️ रिपोर्टिंग नेपाल – संवाददाता, बाके
कोहलपुर नगरपालिका–२, जहाँ नगरभित्रकै करिब १८ देखि २० प्रतिशत जनसंख्या बसोबास गर्छ, लामो समयदेखि भोट बैंकको रुपमा मात्रै हेरिँदै आएको आरोप सर्वसाधारणले लगाउँदै आएका छन्। तर, पछिल्लो समय वडाध्यक्षको सक्रियताले केही सकारात्मक संकेत देखिएको छ।
वडाध्यक्षका अनुसार संघीयता कार्यान्वयनको आठ वर्ष नजिकिँदा पनि वडामा अझै वर्षातको समयमा हिलोमय बाटोमा हिँड्न बाध्य जनताका गुनासा टड्कारो छन्। यद्यपि, वडामा समानुपातिक बजेट व्यवस्थापन रहे पनि चुनौतीहरू स्पष्ट छन्।
“मैले हार मानेको छैन,” वडाध्यक्ष बताउँछन्, “जनताको आवश्यकता पहिचान गर्दै, क्रमिक रुपमा विकासका काम अघि बढाइरहेका छौं। गाउँ–गाउँमा पुगेर जन गुनासो सुन्दै, सबैसँग हातेमालो गर्दै, खुसी बाँड्दै अगाडि बढिरहेको छु।”
स्थानिय स्तरमा सिंहदरबारको सेवा पुगोस् भन्ने उद्देश्यले सुरु गरिएको संघीय शासन प्रणालीप्रति जनताको विश्वास बलियो बनाउने दिशामा वडाध्यक्षको प्रयास उल्लेखनीय छ। उनी भन्छन्, “जनतामा संघीयताप्रतिको विश्वास घट्दै गएको देखिन्छ, तर म विश्वास दिलाउन चाहन्छु कि सेवा र विकास दिन सकिन्छ।”
उनको यो अभिव्यक्तिले नेतृत्वको प्रतिबद्धता मात्र नभई, जिम्मेवारीप्रतिको समर्पण पनि झल्काउँछ।
बिज्ञापन-YM-AD
