बारबर्दियाले गर्यो आगामी आर्थिक बर्षको निम्ति सुझाव संकलन

२६ जेष्ठ २०८१, बर्दिया l आज मिति २०८१ जेष्ठ २६ गते शनिबार बारबर्दिया नगरपालिकाले आगामी आर्थिक बर्ष २०८१/८२ को बार्षिक निती तथा कार्यक्रम एवं बजेट निर्माणका निम्ति सुझाव संकलन तथा अन्तरक्रिया कार्यक्रम संचालन गरेको छ ।


उक्त कार्यक्रम नगर प्रमुख छबीलाल थारूको अध्यक्षतामा बारबर्दिया नगरपालिकाको वडा नम्मर ६ मा रहेको जयनगर सामुदायिक सिकाई केन्द्रको सभाहलमा सम्पन्न भयको छ l कार्यक्रममा अतिथिको रुपमा नगर उपप्रमुख रत्ना पाण्डे, प्रमुख प्रशासकीय अधिकृत धर्मराज न्यौपाने, विभिन्न पार्टीका प्रतिनिधि ,वडा अध्यक्षहरु हरुले आशनग्रहण गरेका थिए l

प्रमुख प्रशासकीय अधिकृत धर्मराज न्यौपानेले उक्त कार्यक्रममा उपस्थित अतिथिहरुलाई स्वागत मन्तब्य दिदै कार्यक्रमबारे स्पस्ट पार्नुभएको थियो l जनताको निम्ति कामगर्ने क्रममा कानुनि रुपमा कस्ता नीति सुधार्नुपर्ने हुन सक्छ र कस्ता कस्ता नीति तथा कार्यक्रमहरु ल्याउदा बारबर्दियाली जनताको उन्नति तथा बारबर्दिया नगरपालिकाको सम्वृद्धि हुन्छ यसबारे लिखित तथा मौखिक रुपमा सल्लाह सुझाब दिन आग्रह गर्दै आफ्नो स्वागत मन्तव्यको अन्त्य गर्नुभयको थियो l

उक्त कार्यक्रमा २५ भन्दा धेरै जनाले सल्लाह सुझाब र गुनासो राख्नु भयको थियो l सुझाव संकलनमा गरिएका गुनासो तथा प्रस्नहरुको प्रतिउत्तर दिदै आगामी दिनमा पालिकाबाट काम गर्ने क्रममा गल्ति भयको रहेछ भने सच्चाउने र सल्लाह सुझाब सकेसम्म कार्यान्वयन गर्ने उप प्रमुख रत्ना कुमारी पाण्डेले आजको कार्यक्रमा मार्फत प्रतिबद्धता समेत गर्नुभयको छ l


सबैको सल्लाह सुझाब संकलन गर्ने उदेश्यले आयोजना गरिएको कार्यक्रममा उपस्थित भै सल्लाह सुझाब दिनुहुने प्रति धन्यबाद दिदै सबैको सल्लाह सुझाबलाई मनन गरि स्थानीय सरकारले समेट्न सक्ने बिषय स्थानीय सरकारले समेटने र स्थानीय सरकारले मात्र गर्न नसक्ने कार्यक्रमहरु प्रदेश तथा केन्द्र सरकार सित हातेमालो गरि सकेसम्म सल्लाह सुझाब अनुसार नीति तथा बजेट ल्याउने भन्दै उपस्थित सबैलाई जानकारी गराउनुभयो l आफ्नो अहिले सम्मको २ बर्षे कार्यकालमा सबै नागरिक, राजनीतिक दल संघ संस्थाहरुबाट साथ् सहयोग भयको र बाकि कार्यकालमा पनि सहयोग हुने अपेक्षा सहित उपस्थित सबैलाई धन्यबाद ज्ञापन गर्दै कार्यक्रम समापन गर्नुभयो l

बिज्ञापन-YM-ADCustom Text

कोहलपुर–२ मा क्रमिक विकासका प्रयास: वडाध्यक्षको जनमुखी प्रतिबद्धता

२८  बैशाख २०८२ ✍️ रिपोर्टिंग नेपाल – संवाददाता, बाके 

कोहलपुर नगरपालिका–२, जहाँ नगरभित्रकै करिब १८ देखि २० प्रतिशत जनसंख्या बसोबास गर्छ, लामो समयदेखि भोट बैंकको रुपमा मात्रै हेरिँदै आएको आरोप सर्वसाधारणले लगाउँदै आएका छन्। तर, पछिल्लो समय वडाध्यक्षको सक्रियताले केही सकारात्मक संकेत देखिएको छ।

वडाध्यक्षका अनुसार संघीयता कार्यान्वयनको आठ वर्ष नजिकिँदा पनि वडामा अझै वर्षातको समयमा हिलोमय बाटोमा हिँड्न बाध्य जनताका गुनासा टड्कारो छन्। यद्यपि, वडामा समानुपातिक बजेट व्यवस्थापन रहे पनि चुनौतीहरू स्पष्ट छन्।

“मैले हार मानेको छैन,” वडाध्यक्ष बताउँछन्, “जनताको आवश्यकता पहिचान गर्दै, क्रमिक रुपमा विकासका काम अघि बढाइरहेका छौं। गाउँ–गाउँमा पुगेर जन गुनासो सुन्दै, सबैसँग हातेमालो गर्दै, खुसी बाँड्दै अगाडि बढिरहेको छु।”

स्थानिय स्तरमा सिंहदरबारको सेवा पुगोस् भन्ने उद्देश्यले सुरु गरिएको संघीय शासन प्रणालीप्रति जनताको विश्वास बलियो बनाउने दिशामा वडाध्यक्षको प्रयास उल्लेखनीय छ। उनी भन्छन्, “जनतामा संघीयताप्रतिको विश्वास घट्दै गएको देखिन्छ, तर म विश्वास दिलाउन चाहन्छु कि सेवा र विकास दिन सकिन्छ।”

उनको यो अभिव्यक्तिले नेतृत्वको प्रतिबद्धता मात्र नभई, जिम्मेवारीप्रतिको समर्पण पनि झल्काउँछ।

बिज्ञापन-YM-ADCustom Text

बारबर्दियाका भूमिहीन सुकुम्बासीहरुको प्रश्न , हामीलाई निस्सा खोइ ?

१२ कार्तिक २०८०, बर्दिया | छैन भनेर पनि कसरि भन्नु बस्ने बास छैन भनौ भने बसेकै छौ २ / ४ कट्ठा जोत भोग गरि धौ धौ हातमुख जोडेकै छौ तर हाम्रो यो दिनचार्य र यसरि जोतभोग गर्न लागेको पनि बर्सौ भयो तर आफ्नो नाममा कहिले हुनेहो केहि थाहा छैन | सरकारले भुमि आयोग गठन गरेको छ छिटै भूमिहीन सुकुम्बासीहरुले जग्गा पाउनुहुन्छ भनेको सुनिन्छ तर यसो भन्न लागेको पनि ७ वर्ष हुन लाग्यो अहिले सम्म के भैरहेको छ हामीलाई केहि थाहा छैन हजुर एक सुकुम्बासी बस्तीमा बस्ने बारबर्दिया बासीले हामीलाई गुनासो गरे | यसै बिषयमा अर्का एक छिमेकीले भन्दै थिए हामि र हाम्रो परिवारको जिन्दगि यस्तै हालतमा बित्ने भो हजुर भोट माग्ने बेला आउछन , भोट माग्दा भन्छन “जितेपछि तुरुन्त जग्गा दिन्छु ढुक्क हुनुस” जितेपछि कता जान्छन कता कमसे कम हाम्रो नाममा जग्गा भयको भय यो जग्गा देखायारा सानो तिनो ब्यापार गर्न सकिन्थ्यो कि ? खै कसले सुनिदिने हाम्रो पिडा |

यो पिडा र गुनासो हो बारबर्दिया नगरपालिकामा बस्ने भूमिहीन सुकुम्बासी जनताहरुको | २०७४ सालमा बनेको स्थानीय सरकारले लागत संकलन गर्ने भनेर बारबर्दिया नगरपालिकामा कर्मचारी खटाइ लागत संकलन गरेको थियो , लागत संकलन गरेको केहि समय पश्चात निस्सा वितरण गरिने भानिएता पनि तेसबेला जनताले निस्सा प्राप्त गर्न सकेनन |

जग्गा वितरण गर्नु भनेको तेती सजिलो बिसय पनि होइन र स्थानीय सरकारको निर्देसनामा तुरुन्त वितरण हुने पनि होइन तर तुरुन्त निस्सा वितरण हुन्छ भनेर सुनेका सुकुम्बासी बसोबासी तथा स्थानीयले दोस स्थानीय सरकारलाई नै दिए | यसबारे जनतालाई स्पस्ट पार्न नसक्नु , यस प्रक्रिया बारे के भैरहेकोछ जनतामा सुचनाहरु अध्धाबधिक हुन नसक्नु र यसबारे स्थानीय मिडिया र स्थानीय सरकार बीच समन्वय नहुनु अनि लागत संकलन गरेपश्चात निस्सा वितरणको निम्ति प्रक्रियालाई छिटो छरितो रुपमा अगाडी बढाउन नसक्नुको कारण जनतालाइ थाहा नहुनु यस अघिको सरकारको कमजोरी भयको ठहर स्थानीय हरुको रहेको छ | तेतिबेला निस्सा वितरण गर्न नसक्ता तेसको प्रतक्ष्य असर २०७९ सालको स्थानीय निर्वाचनमा मावोबादी पार्टीले बेहोर्नु पर्यो | जनतालाई यथार्थ बुझाउन हामि चुक्यौ एक मावोबादी नेताले हामीलाई जानकारी गराय |

बारबर्दियाका भूमिहीन सुकुम्बासीहरुको बारम्बार र अत्त्याधिक आइरहने गुनासो भनेकै लागत संकलन गरेर पनि हाल सम्म किन निस्सा वितरण नगरेको र फाइल कहा पुग्यो , यस बारे केके भैरहेको छ फाइल गायब गरेकी के गरे भन्ने नै हो |

बारबर्दियाको नगर प्रमुख  छबिलाल थारुले  राष्ट्रिय भूमि आयोग सञ्चालन भयकै बेला बारबर्दियामा लागत संकलन भयको तर त्यो दर्ता अनलाइन प्रक्रियामा नभएको कारणले गर्दा सबै कार्य रोकिन गएको जानकारी गराउनु भयो | ” हामिले स्थानीय सरकारमा नेतृत्व गरे पश्चात यसलाई  द्रुत गतिमा अनलाइन सिस्टममा बनाइसकेका छौं अब दशैँ तिहार पछी सम्पूर्ण काम सुरुहुनेछ” बारबर्दियाका नगर प्रमुख थारुले बताउनु भयो |

बारबर्दियाका भूमिहीन सुकुम्बासीहरुको समस्याको समाधान कसरि हुदैछ यसबारे बारबर्दियाका नगर प्रमुख सित गरियको सम्पूर्ण अन्तर्वार्ता यस भिडियो हेर्नुहोस |

बिज्ञापन-YM-ADCustom Text

बारबर्दियाको सामुदायिक बिध्यालायाहरुमा गैरकानुनी रुपमा शुल्क उठाउने कारोबार सिक्षा शाखा प्रमुखको मिलेमतोमा हुन्छ ?

१९ फाल्गुन २०८०, बर्दिया

बारबर्दिया नगरपालिका भित्र रहेका विभिन्न सामुदायिक बिद्यालयले यस अघिको परिक्षामा मनपरी रुपमा परिक्षा शुलक उठाएको बारेमा जानकारी गराएको ९ महिना बितिसक्दा पनि बारबर्दिया नगरपालिकाको शिक्षा साखाले कुनै पनि चासो देखायको छैन । नगरपालिकाको शिक्षा शाखा प्रमुख टिकानाथ गोसाइले परीक्षा शुल्क लिनु गलत हो पनि भन्ने र सुल्क लिनेलाइ कारबाहिको दायरामा ल्यान नखोज्नु ले यस्ता गलत कृयाकलाप सिक्षासाखाकै सेटिङमा हुन्छ कि भनेर आम नगरबासिको शंका छ ।

भिडियो हेर्नुहोस

बिज्ञापन-YM-ADCustom Text

४०० जनाको उपस्थितिमा राष्ट्रिय सहकारी दिवश

२० चैत्र २०८०, बर्दिया | बारबर्दिया नगरपालिकामा आज ६७ औ राष्ट्रिय सहकारी दिवश विभिन्न नारा लेखियको कार्ड सहित र्याली गर्दै विबिध कार्यक्रम गरि भव्यताका साथ मनाइएको छ। करिब ४०० जनाको उपस्थितिमा आयोजित उक्त कार्यक्रमको उद्घाटन ७ वटा मैन बत्ती बालेर कार्यक्रमका प्रमुख अतिथी बारबर्दिया नगर प्रमुख छविला थारुले गरेका थिय ।

कार्यक्रमको अध्यक्षता आर्थिक बिकाश समिति संयोजक राम फेरन थारुले गरेका थिय भने बिशेष अतिथिमा उप प्रमुख रत्ना कुमारी पाण्डे र बिशिष्ठ अतिथिमा प्रमुख प्रशाशकिय अधिकृत धर्मराज न्यौपानेले आशनग्रहण गरेका थिय । अतिथिहरुमा क्रमश : बारबर्दिया नगर सहकारी संजाल संयोजक दत्त प्रसाद अधिकारी , नगर प्रबक्ता वडा नम्मर ४ का वडा अदक्ष सिताराम योगी लगायतका व्यक्तिहरु थिय।

सुभकामना मन्तब्य दिने क्रममा प्रमुख प्रशाशकिय अधिकृत न्यौपानेले सम्पूर्ण सहकारीहरू विधिबाट चल्नु पर्छ र जनताको हित हुने काम र योजना निर्माण गर्न एक्लो सहकारीले नसकेमा अन्य सहकारीहरू मिलेर सहकार्य गर्नुपर्ने बतायका छन् । सहकारीको सदस्यहरुको ५० प्रतिशत उपस्थिति बिना कार्यक्रम गरि बजेट स्वीकृत गर्ननहुने र त्यस्तो कार्य गरेमा कहिँ कतै बाट उजुरी परेमा कानुनि कारबाही हुने जानकारी समेत गराएका छन्।आफ्नो स्वार्थको निम्ति सहकारीको नीति नियम र कानुनको पालना नगर्ने यौटा कुनै अमुक सहकारीको स्वार्थका कारण बर्दिया जिल्ला बन्धक बनेको समेत बताए । मन्तव्यका क्रममा सहकारीहरूले सहकारी भित्र मात्र लगानी गर्नुपर्ने र आफ्नो सहकारीको सदस्य भित्र लगानी नगर्दा सहकारीलाई जोखिम हुने बताउदै सहकारीहरुको उत्तरोत्तर प्रगतिको कामना सहित आफ्नो स्वागत मन्तब्य अन्त्य गरेका थिय ।

बिशिष्ट अतिथि रत्ना पाण्डेले सहकारीहरू चुस्त दुरुस्त राख्न निर्देशन दिदै बचतकर्ताले बचत गरेको रकम आफुहरुले नपाएको गुनासो र उजुरी परेको बताईन । अनुगमनमा जादा सहकारीको कार्यालय बन्द हुने कहिल्यै नखुल्ने र संचालक तथा कर्मचारी कोहि पनि कहिल्यै नभेटिने समस्या रहेको गुनासो पोखिन। नगरपालिकाको न्यायपालिकामा बचतकर्ताले बचत गरेको रकम नपाएको उजुरी परेको र बचतकर्ताले बचत गरेको रकम फिर्ता दिनु भनि निर्देशन दिदा र बारम्बार पत्र काट्दा पनि बेवास्ता गरिरहेको हुदा अब त्यस्ता सहकारिहरुलाई कानुनी दायरामा ल्याइने जानकारी गराइन ।

बिशिष्ट अतिथि रत्ना पाण्डे पश्चात प्रमुख अतिथि छबिलाल थारुले सुभकामना मन्तब्य दिएका थिय । सुभकामना मन्तव्यको क्रममा सहकारीहरूले सदस्यहरुलाई वित्तीय साक्षारता दिन नसके सहकारी पछाडी पर्ने हुदा सहकारीहरूले आफ्ना शेयर सदस्यहरुलाई वित्तीय साक्षारता गराउनुपर्ने धारणा ब्यक्त गरेकाछन । सहकारीहरूले आआफ्नो उदेश्य अनुसार कार्य गर्नुपर्ने बताउदै कृषी सहकारीहरूले रिण दिने ब्याज उठाउने र लगानी गर्ने मात्र नभई आफ्ना कृषक हरुलाई उचित समयमा मल बिउ बिजन तथा औसधि समेत समयमै उपलब्ध गराउनुपर्ने बताए । नगरपालिकाले सहकारीलाइ सक्षम र सबल गराउन हातेमालो गर्न तयार रहेको बताउदै सहकारीका पदाधिकारीहरु आफ्नो स्वार्थलाई छोडेर एकीकरण प्रक्रियामा जानुजरुरी भयको स्पस्ट पारेकाछन ।

अथितिहरुको सुभकामना मन्तब्य पश्चात सहकारी संस्था हरु बीच हाजिरी जवाफ प्रतियोगिता संचालन भयको थियो। प्रतियोगितामा सहकारीकै बिषयबस्तुलाइ लियर प्रश्न तयार परिएको थियो। उक्त प्रतियोगितामा ९ वटा सहकारी समूह प्रतिस्प्रधामा उत्रियका थिय जस मध्ये प्रथम ,द्वितीय र तृतीय क्रमश: सैदान बचत तथा ऋण सहकारी संस्था , बुढान साना किसान कृषि सहकारी संस्था र भाग्यशाली महिला बिकाश बहुउदेश्य सहकारी भयका छन्।

सहकारी बाट ऋण लियर उत्कृस्ट व्यवसाय संचालन गर्न सफल बारबर्दिया वडा नम्मर ४ पदनाहाका कृषक राम मिलन थारु उत्कृस्ट व्यवसायीको रुपमा सम्मानित भयका थिय।

कार्यक्रमको अध्यक्ष आर्थिक बिकाश समिति संयोजक राम फेरन थारुले कार्यक्रमको समापन गरेको घोसणा पश्चात कार्यक्रम सकियको थियो ।

बिज्ञापन-YM-ADCustom Text

पाञ्चजन्यमा शिक्षाको बहस : पाञ्चजन्य माध्यमिक विद्यालयमा शैक्षिक सुधार अन्तरक्रिया सम्पन्न

५ असोज  २०८२ / बारबर्दिया — बारबर्दिया नगरपालिका–४ मा अवस्थित पाञ्चजन्य माध्यमिक विद्यालयले विजया दशमी तथा दिपावलीको पावन अवसर पारेर विद्यालयको शैक्षिक, भौतिक तथा आर्थिक सुधारबारे अन्तरक्रिया कार्यक्रम सम्पन्न गरेको छ।

बारबर्दिया नगरपालिका वडा नं. ४ का वडा अध्यक्ष तथा विद्यालय व्यवस्थापन समिति (बि.व्य.स.) का अध्यक्ष सीताराम योगीको अध्यक्षतामा सम्पन्न कार्यक्रममा बारबर्दिया नगरप्रमुख छबिलाल थारु प्रमुख अतिथि रहनुभएको थियो। विशेष अतिथि पूर्व बि.व्य.स. अध्यक्ष पूर्ण शर्मा हुनुहुन्थ्यो भने कार्यक्रम सञ्चालन तोयानाथ सापकोटाले गर्नुभएको थियो। कार्यक्रममा शिक्षा शाखा संयोजक हरि प्रसाद पोख्रेल, पूर्व संयोजक कृष्ण प्रसाद पोख्रेल, वडा नं. २ का वडा अध्यक्ष राम फेरन थारु, वडा नं. ४ का बडघर, बुद्धिजीवी, अभिभावक, विद्यार्थी प्रतिनिधि लगायतको सक्रिय उपस्थिति रहेको थियो।

कार्यक्रममा स्वागत मन्तव्य विद्यालयका सहायक प्र.अ. गोमा चालिसेले राख्नुभएको थियो भने प्र.अ. सोभा आचार्यले विद्यालयको उद्देश्य, प्रगति र चुनौतीबारे प्रष्ट पार्दै शिक्षा गुणस्तर वृद्धिका लागि भइरहेको प्रयासबारे जानकारी दिनुभयो। उहाँले विद्यालयले पछिल्ला वर्षमा शैक्षिक गुणस्तरमा सुधार ल्याउन विभिन्न कार्यक्रम अघि सारेको जानकारी दिनुभयो। जसअन्तर्गत कक्षा १ देखि ८ सम्मका लागि उपचारात्मक कक्षा सञ्चालन, कक्षा ८ र १० का लागि दिवा तथा रात्रीकालीन छात्रावासको व्यवस्था, टोल–टोलमा अभिभावक भेला तथा सहयोग समिति गठन, गणित, कृषि, कम्प्युटर प्रयोगशाला, पुस्तकालय र विज्ञान प्रयोगशालाका लागि सामग्री व्यवस्थापन तथा किशोरी विद्यार्थीका लागि महिनावारी आराम कक्षको स्थापना गरिएको छ।

कार्यक्रमका प्रमुख अतिथि नगरप्रमुख छबिलाल थारुले विद्यालयको शैक्षिक सुधारमा नगरपालिकाले उच्च प्राथमिकता दिएको उल्लेख गर्दै भन्नुभयो कि घोकन्ते शिक्षा अब पुरानो ढर्रा भएको छ। उहाँले अबको आवश्यकता भनेको विद्यार्थीलाई बुझ्ने, सोच्ने र सिर्जना गर्ने बनाउने शिक्षा भएको बताए। उहाँका अनुसार शिक्षकले विद्यार्थीको स्तर अनुसार बुझाउन सक्ने तरिकाले पढाउनुपर्छ। नगरपालिकाले शिक्षामा कुल बजेटको ३८ प्रतिशत विनियोजन गरेको छ। यो ठूलो लगानी भएको तर यो लगानी तब मात्र सार्थक हुने उहाँले बताउनुभयो जब विद्यार्थीले वास्तविक ज्ञान आर्जन गर्छन्। नगरको पैसा खेर नजाओस् भनेर विद्यार्थीलाई बुझ्ने गरी पढाएर बारबर्दियालाई शैक्षिक क्षेत्रमा अग्रस्थानमा पुर्याउनुपर्ने उहाँको भनाइ थियो। नगरप्रमुख थारुले विद्यालयमा गुणस्तरीय पूर्वाधार, दक्ष शिक्षक र नियमित मूल्यांकन प्रणालीले मात्र शैक्षिक गुणस्तर बढाउने विश्वास पनि व्यक्त गर्नुभयो।

विशेष अतिथि पाञ्चजन्य माविकै पूर्व बि.व्य.स. अध्यक्ष पूर्ण शर्माले विद्यालयको आर्थिक सुदृढीकरणमा आफूले पुर्‍याएको योगदान सम्झिँदै आफू सहकारीको अध्यक्ष हुँदा विद्यालयको भविष्यका लागि विद्यालयमा भएको ७० लाख रुपियाँ सहकारीमा जम्मा गर्न लगाएर १० प्रतिशत ब्याज दिएको उल्लेख गर्नुभयो। उहाँका अनुसार त्यस ब्याजबाट निजीस्रोतका शिक्षकलाई तलब दिनेदेखि विद्यालय सञ्चालनसम्म ठूलो सहजता भएको थियो।

यस विषयमा विद्यालय व्यवस्थापन समिति अध्यक्ष एबम वडा नम्मर ४ का वडाअध्यक्ष  सीताराम योगीले आफ्नो विचार राख्दै विद्यालयमा विगतमा भएको योगदानको कदर गर्दै त्यस रकमको सदुपयोगबारे स्पष्ट विवरण समेत आवश्यक रहेको बताउनु भयो । उहाले भन्नुभयो  “त्यो ७० लाख विद्यालयमा जम्मा भएको अहिले त्यो रकम कहाँ गयो ? यसको हिसाब–किताब खोज्नुपर्छ। ” भन्दै उहाले विद्यालयको स्रोत र साधन कसरी व्यवस्थापन गर्ने भन्नेमा पारदर्शिता, जवाफदेहिता र साझा जिम्मेवारी महत्वपूर्ण हुनेमा जोड दिनुभयो। उहाँका अनुसार विद्यालयको दिगो विकासका लागि शिक्षक, विद्यार्थी, अभिभावक र स्थानीय समाज सबैले समान रूपमा जिम्मेवारी बोक्नुपर्ने हुन्छ। उहाँले विद्यार्थीलाई पढाउँदा उनीहरूको मनोविज्ञान बुझेर सिकाउने अभ्यासलाई अझै बढाउनुपर्ने र अभिभावकले पनि घरमै बालबालिकाको सिकाइमा साथ दिनुपर्नेमा जोड दिनुभयो।

यसरी सम्पन्न शैक्षिक सुधार अन्तरक्रिया कार्यक्रममा विद्यालयका प्रगति, चुनौती र सुधारका योजनामाथि गहन छलफल भएको छ। स्रोत र साधनको पारदर्शी उपयोगबारे उठेका प्रश्नहरूले विद्यालयलाई अझै व्यवस्थित र जवाफदेही ढंगले अघि बढ्न प्रेरणा दिएको छ। कार्यक्रममा सहभागीहरूको निष्कर्ष अनुसार यो अन्तरक्रियाले बारबर्दियामा शैक्षिक सुधारबारे नयाँ दृष्टिकोण र बहसको सुरुवात गरेको छ ।

बिज्ञापन-YM-ADCustom Text

बारबर्दिया नगर अस्पतालमा मोरिंगा बिरुवा रोपेर विश्व वातावरण दिवस मनाइयो

बारबर्दिया, जेठ २२, २०८२ — विश्व वातावरण दिवसको अवसरमा बारबर्दिया नगरपालिका अन्तर्गत रहेको नगर अस्पताल परिसरमा विशेष वातावरणीय कार्यक्रम आयोजना गर्दै मोरिंगा (सितल चिनी) को बिरुवा रोपिएको छ। स्वास्थ्य सेवा र वातावरण संरक्षणबीचको सम्बन्धलाई उजागर गर्ने उद्देश्यले गरिएको सो कार्यक्रमले अस्पतालको वातावरणलाई हरियाली बनाउने र समुदायमा हरित सन्देश फैलाउने लक्ष्य राखेको थियो।

कार्यक्रममा अस्पतालमा कार्यरत  मेडिकल अधिकृत  डा. माधव पन्त र डा. जितेन्द्र यादव, वरिष्ठ अहेब तुलसी पोखरेल, ल्याब असिस्टेन्ट आइतवारी चौधरी, फार्मेसी सहायक विनोद कुमार देमनदौरा , निर्मल थारू लगायत अस्पतालका अन्य कर्मचारीहरूको सक्रिय सहभागिता रहेको थियो। साथै जयनगर रेडक्रस उपशाखाका अध्यक्ष श्रीराम चौधरीले पनि बिरुवा रोपणमा सहभागिता जनाएका थिए।

मोरिंगा बिरुवा बहुपयोगी औषधीय गुणले भरिपूर्ण मानिन्छ, जसले पोषणमा टेवा पुर्‍याउने मात्र होइन, वातावरणीय सन्तुलनमा पनि योगदान दिन्छ। यस प्रकारका बिरुवाको प्रवर्द्धनले स्वास्थ्य र वातावरण दुवै क्षेत्रमा सकारात्मक प्रभाव पार्ने अपेक्षा गरिएको छ।

उक्त कार्यक्रमका लागि आवश्यक बिरुवाको व्यवस्थापन नगर अस्पतालका अध्यक्ष तिर्थराज पौडेलले गर्नुभएको थियो। अस्पताल परिवारको समन्वयमा सम्पन्न भएको यस कार्यक्रमले हरित सोच र वातावरणीय जिम्मेवारीप्रति जनचेतना फैलाउने कार्यमा सघाउ पुर्‍याएको छ। सहभागीहरूले यस्ता अभियानलाई आगामी दिनहरूमा अझ व्यापक बनाउने प्रतिबद्धता व्यक्त गरेका छन्।

बिज्ञापन-YM-ADCustom Text

बारबर्दिया नगरपालिका एचपीभी खोप अभियान : किशोरी छात्राहरुलाई २२ गते देखि खोप लगाइने

बारबर्दिया, २०८१ माघ ११ गते – बारबर्दिया नगरपालिका स्वास्थ्य शाखाले एचपीभी (Human Papillomavirus) खोप अभियान २०८१ को शुरुवात गर्दै, यस अभियानलाई सफल बनाउन नगर प्रमुख छबिलाल थारुको अध्यक्षतामा एक अभिमुखीकरण र अन्तरक्रिया गोष्ठी सम्पन्न गरेको छ ,उक्त गोष्ठीमा नगर खोप समन्वय समितिका पदाधिकारीहरु, संचारकर्मीहरु र विभिन्न सरोकारवाला व्यक्तिहरु सहभागी थिए। गोष्ठीमा विभिन्न सरोकारवालाले अभियानको सफलता सुनिश्चित गर्नका लागि समन्वय र साझा प्रयासको महत्त्वलाई जोड दिए।

यस गोष्ठीको मुख्य उद्देश्य एचपीभी (Human Papillomavirus) खोप अभियानको बारेमा जनचेतना फैलाउन र यस अभियानको सफल कार्यान्वयनका लागि सबै सरोकारवालाहरुसँग सहकार्य गर्नु थियो l

बारबर्दिया नगरपालिकाले एचपीभी खोप अभियान अन्तर्गत बारबर्दिया नगरपालिकाको निजि तथा सामुदायिक विद्यालयका कक्षा ६ देखि १० सम्मका छात्रा र विद्यालय छाडेका १० देखि १४ वर्षका किशोरीलाई लक्षित गरेको छ। २२, २३, २४ र २५ गते यो खोप विद्यालयलाइ पाएक पर्ने नजिकैको  स्वास्थ्य केन्द्रमा उपलब्ध गराइने छ।

स्वास्थ्य शाखा प्रमुख गोविन्द्र पौडेलले गोष्ठीमा एचपीभी खोप अभियानको बारेमा स्पस्ट पार्दै   शिक्षक, सरोकारवाला एवं संचारकर्मीहरुले एचपीभी खोपको प्रचार प्रसारमा सक्रिय भूमिका खेल्नुपर्ने बताउँदै, एचपीभी खोपको महत्व र फाइदा बारे जानकारी गराउनुभयो ।

एचपीभी (Human Papillomavirus) खोप एक प्रकारको भाइरस विरुद्धको खोप हो, जसले गर्भाशयको  मुखको क्यान्सर जस्ता गम्भीर रोगहरूबाट सुरक्षा प्रदान गर्दछ। एचपीभी भाइरस किशोरीहरूको शरीरमा प्रवेश गर्नबाट रोक्न यस खोपको महत्त्व अत्यधिक छ। यो खोप प्राय: किशोरीहरूलाई दिइन्छ, ताकि भविष्यमा उनीहरूले गर्भाशय मुखको क्यान्सर जस्तो गम्भीर रोगबाट बच्न सकून्।

समापनको क्रममा  नगर प्रमुख छबिलाल थारुले भन्नु भयो , “खोप अभियानको सफलता सबैको सहभागितामा निर्भर गर्दछ। हामी सबैको जिम्मेवारी हो कि यस अभियानलाई सफल पार्न कुनै पनि लक्षित किशोरीलाई खोपबाट बन्चित हुन दिनु हुँदैन।” उहाले थप्नुभयो , “हामीले प्रत्येक किशोरी र छात्रालाई खोप लगाउन प्रेरित गर्नका लागि स्थानीय समुदायका सबै सदस्यहरु, विद्यालयका शिक्षकहरु, र स्वास्थ्यकर्मीहरु सक्रिय हुनु जरुरि छ ।” खोप नलगाउँदा एचपीभी भाइरसको संक्रमणको सम्भावना बढ्न सक्छ, जसको परिणामस्वरूप गर्भाशय मुखको क्यान्सर जस्ता गम्भीर रोगहरु उत्पन्न हुन सक्छ। त्यसैले सबैलाई खोप लगाउन प्रेरित गरिनु अत्यन्त आवश्यक छ। यो खोप निशुल्क उपलब्ध छ।

 यस खोप अभियानको प्रभावकारिता जनचेतना र समुदायका सबै सदस्यहरुको सक्रिय सहभागीतामा निर्भर गर्दछ । नगर खोप समन्वय समितिका पदाधिकारी , शिक्षक , सरोकारवाला एवं संचारकर्मीहरुले यस अभियानका बारेमा किशोरीहरुलाई अझ बढी सचेत बनाउने कार्य महत्वपूर्ण छ । यस अभियानको सफल कार्यान्वयनले भविष्यमा किशोरीहरूको स्वास्थ्यको हिफाजत गर्नेछ र गर्भाशय मुखको क्यान्सरजस्ता गम्भीर रोगहरूबाट बच्न मद्दत पुर्याउनेछ।

बिज्ञापन-YM-ADCustom Text

बारबर्दिया नगरपालिकामा सामुदायिक स्वास्थ्य तथा नर्सिङ घरदैलो कार्यक्रम सुरु

१२ भाद्र २०८२ / बारबर्दिया — बारबर्दिया नगरपालिकामा सामुदायिक स्वास्थ्य तथा नर्सिङ सेवा घरदैलो कार्यक्रम सञ्चालनका लागि तीनदिने नव नियुक्त नर्सहरुको अभिमुखिकरण र सेवा प्रवेश तालिम सुरु भएको छ। भाद्र १२ गतेदेखि १४ गतेसम्म नगरकार्यपालिका हलमा हुने तालिमको आयोजना नगरपालिका स्वास्थ्य शाखा, जयनगरले गरेको हो भने सहजीकरण नर्सिङ तथा सामाजिक सुरक्षा महाशाखा, टेकु, काठमाडौंले गरेको छ।

नेपालकै छैठौं नर्सिङ कार्यक्रमको रुपमा सुरु भएको यस अभियान अन्तर्गत बारबर्दियामा १४ जना नर्स नियुक्त भएका छन्। यसमा ११ जना सामुदायिक नर्स, २ जना विद्यालय नर्स र १ जना सामुदायिक नर्स अधिकृत रहेका छन्। नियुक्त नर्सहरु नगरपालिकाका सबै ११ वटै वडामा पुगेर स्वास्थ्य सेवा प्रदान गर्नेछन्। विद्यालय नर्सहरुले किशोरी विद्यार्थीलाई लक्षित गर्दै जनता माध्यमिक विद्यालय रम्मापुर र धर्मभक्त माध्यमिक विद्यालय कतर्नियामा स्वास्थ्य सेवा उपलब्ध गराउने व्यवस्था गरिएको छ। यसका लागि नर्सिङ तथा सामाजिक सुरक्षा महाशाखा, नगरपालिका र विद्यालयबीच त्रिपक्षीय सम्झौता भएको छ।

तालिमको उद्घाटन समारोहमा नर्सिङ तथा सामाजिक सुरक्षा महाशाखाकी निर्देशक हिराकुमारी निरौलाले विद्यालय र सामुदायिक स्वास्थ्य सेवाको महत्वबारे प्रकाश पार्दै भन्नुभयो, “नर्सहरुको भूमिका समुदायमा स्वास्थ्य सेवाको पहुँच बढाउन र स्वास्थ्य सचेतना फैलाउन अत्यन्त महत्वपूर्ण छ। सुरक्षित मातृत्व, बाल–किशोर स्वास्थ्य, मानसिक स्वास्थ्य र रोग नियन्त्रणमा उनीहरुको योगदान अमूल्य हुनेछ।”

वरिष्ठ अस्पताल नर्सिङ प्रशासक वाला राईले स्थानीय तहस्तरमा प्रभावकारी समन्वय र समितिको भूमिकाको महत्वबारे धारणा राख्दै भन्नुभयो, “सामुदायिक नर्सको कार्य प्रभावकारी हुन स्थानीय समुदाय, विद्यालय र नगरपालिकाबीचको सहकार्य आवश्यक छ। त्रिपक्षीय सम्झौता यस कार्यलाई थप बलियो बनाउनेछ।”

सामुदायिक स्वास्थ्य तथा नर्सिङ घरदैलो कार्यक्रम परिवार केन्द्रित अवधारणामा आधारित छ। यस अन्तर्गत नर्सहरुले स्वास्थ्य परीक्षण, उपचार, स्वास्थ्य शिक्षा, रोग रोकथाम र व्यवहार परिवर्तनका कार्यक्रम घरमै पुगेर सञ्चालन गर्नेछन्। कार्यक्रमले मातृ–शिशु स्वास्थ्य, किशोर–किशोरी स्वास्थ्य, प्रजनन स्वास्थ्य, मानसिक स्वास्थ्य, सर्ने तथा नसर्ने रोग नियन्त्रण तथा जेष्ठ नागरिक स्वास्थ्य सेवा विस्तारमा विशेष योगदान पुर्‍याउने लक्ष्य राखेको छ।

यसअघि भक्तपुर, वर्दिबास, चन्द्रागिरी, वालिङ र इटहरीमा लागू भइसकेको यो कार्यक्रम चालु आर्थिक वर्षदेखि बारबर्दिया नगरपालिकामा औपचारिक रूपमा सुरु गरिएको हो। नगरपालिकाले यस अभियान मार्फत स्थानीय जनतामा स्वास्थ्य सम्बन्धी चेतना बढाउने र गुणस्तरीय स्वास्थ्य सेवा घरदैलोमा उपलब्ध गराउने प्रतिबद्धता जनाएको छ।

उद्घाटन कार्यक्रममा नगरप्रमुख छबिलाल थारुले शिक्षा र स्वास्थ्यलाई सामाजिक विकासको मुख्य आधारका रूपमा प्राथमिकतामा राखेर काम भइरहेको जानकारी दिनुभयो। उहाँले भन्नुभयो,
“स्वस्थ र सुसक्षम समाज निर्माण गर्न शिक्षा र स्वास्थ्य दुवै स्तम्भलाई मजबुत बनाउनु आवश्यक छ। विद्यालय र समुदायमा नर्सिङ सेवा उपलब्ध गराउनु भनेको हाम्रो समाजको भविष्य सुरक्षित बनाउने कदम हो। बारबर्दियाका सबै नागरिकले गुणस्तरीय स्वास्थ्य सेवा पाउनुपर्ने अधिकार राख्छन्। नगरपालिकाले नर्सहरुको उच्च मनोबल कायम राख्न र प्रभावकारी सेवा विस्तारमा निरन्तर साथ दिनेछ।”

मेयर थारुले नर्सहरुलाई आफ्नो जिम्मेवारी उच्च मनोबलसहित निर्वाह गर्न प्रेरित गर्दै, नगरपालिकासँग सहकार्य र सहयोगका लागि नर्सिङ्ग तथा सामाजिक सुरक्षा महाशाखालाई धन्यवाद ज्ञापन गर्नुभयो। 

नगरपालिकाले यस कार्यक्रमलाई प्रभावकारी बनाउन स्थानीय स्वास्थ्य समिति, विद्यालय, परिवार र समुदायसँग सहकार्यमा विशेष ध्यान दिनुपर्नेमा जोड दिएको छ। तालिममा सहभागी नर्सहरुले आगामी दिनमा आफ्नो कार्य प्रभावकारी बनाउन आवश्यक ज्ञान, सीप र व्यवहारिक अभ्यास प्राप्त गर्नेछन्।

यस कार्यक्रमको सफल कार्यान्वयनले बारबर्दियामा मातृ–शिशु स्वास्थ्य, किशोर–किशोरी स्वास्थ्य, प्रजनन स्वास्थ्य, मानसिक स्वास्थ्य र समुदायमा रोग नियन्त्रण सेवा विस्तारमा ठूलो योगदान पुर्‍याउने अपेक्षा गरिएको छ।

बिज्ञापन-YM-ADCustom Text

वडा नं. ७ को नवनिर्मित कार्यालय भवनको भव्य उद्घाटन सम्पन्न

१६  असार २०८२, रिपोर्टिंग  नेपाल ,बर्दिया   —  बारबर्दिया नगरपालिका वडा नं. ७ मा नवनिर्मित वडा कार्यालय भवनको भव्य उद्घाटन समारोह आज एक विशेष कार्यक्रमका साथ सम्पन्न भएको छ। कार्यक्रमका सभाध्यक्ष वडा नं. ७ का वडा अध्यक्ष इन्द्र बहादुर चौधरी रहनुभएको थियो भने प्रमुख अतिथिको रूपमा बारबर्दिया नगरपालिकाका नगर प्रमुख छबिलाल थारु तथा विशिष्ट अतिथिका रूपमा नगर उपप्रमुख रत्नकुमारी पाण्डे उपस्थित हुनुहुन्थ्यो। साथै, कार्यक्रममा नगरका ११ वटै वडाका अध्यक्षहरूको गरिमामय उपस्थिति रहेको थियो।

प्रमुख अतिथि नगर प्रमुख छबिलाल थारुले समारोहलाई सम्बोधन गर्दै भन्नुभयो,
“स्थानीय सरकार जनताको पहुँचमा पुग्ने सरकार हो। त्यसैले सेवा सरल, प्रभावकारी र समयमै उपलब्ध गराउने संरचना निर्माण गर्नु हाम्रो पहिलो प्राथमिकता हो। वडा नं. ७ को यो नवनिर्मित कार्यालय भवन त्यसैको प्रतिफल हो।”

उहाँले थप भन्नुभयो, “हामीले यो भवनको निर्माण सार्वजनिक टेण्डर प्रक्रियाबाट पारदर्शी रूपमा सम्पन्न गरेका छौं। यो भवन जनताको साझी सम्पत्ति हो, यसलाई जिम्मेवारीका साथ संरक्षण गर्नु हामी सबैको कर्तव्य हो।”

नगर उपप्रमुख रत्नकुमारी पाण्डेले भन्नुभयो , “जनताको सेवा सुविधा सहज र सर्वसुलभ होस् भन्ने उद्देश्यले हामीले वडास्तरमै कार्यालय भवनहरू निर्माण गरिरहेका छौं। यस भवनले सेवा प्रवाहलाई अझ प्रभावकारी बनाउने विश्वास लिएको छु।”

वडा अध्यक्ष इन्द्र बहादुर चौधरीले आफ्नो भनाइमा भन्नुभयो, “पुरानो वडा कार्यालय साँघुरो मात्र नभई वर्षाको समयमा पानी पस्ने समस्या अत्यन्तै ठूलो थियो, जसले गर्दा कार्यालयबाट नियमित सेवा प्रवाहमा कठिनाइ आइरहन्थ्यो। अहिलेको यो नयाँ भवनले ती सबै समस्याको समाधान गर्दै जनतालाई सहज र सम्मानजनक सेवा दिने वातावरण तयार पारेको छ।”

आजको उद्घाटन कार्यक्रममा वडा नं. ७ का सक्रिय जनप्रतिनिधि, समाजसेवी, शिक्षक, युवा, महिला समूह र आम नागरिकहरूको उल्लेखनीय उपस्थिति हाम्रो लागि गर्वको कुरा हो। हाम्रो वडामा विकास निर्माणका हरेक प्रयासमा जनताको सहभागिता रहँदै आएको छ — चाहे त्यो सरसफाइ अभियान होस्, विद्यालय सुधार, सडक मर्मत होस् वा सामाजिक सचेतना कार्यक्रमहरू। म यस अवसरमा वडावासी जनताप्रति विशेष धन्यवाद दिन चाहन्छु जसले हामीलाई सधैं साथ दिनु भएको छ।”

हामी सबैको सहकार्य, एकता र सकारात्मक सोचले वडा नं. ७ लाई सेवा, विकास र समृद्धिको दिशामा अघि बढाइरहेको छ। यही भावना अझै बलियो बनोस् भन्ने कामना गर्दै, म भविष्यमा पनि यस्तो निरन्तर जनसहभागिता र विश्वास कायम रहोस् भन्ने अपेक्षा गर्दछु।

समाजसेवी दयालाल रिजाल, जसले सिउनिया आधारभूत स्वास्थ्य केन्द्रको लागि २६० वर्ग मिटर  जग्गा दान गर्नुभएको थियो, SEE परीक्षामा बारबर्दिया नगरभित्रका सामुदायिक विद्यालयमध्ये प्रथम स्थान हासिल गर्न सफल श्री जनता माध्यमिक विद्यालय रम्मापुरका प्रधानाध्यापक रामप्रसाद ढकाल र  वडा नं. ७ को भवन समयमै निर्माण सम्पन्न गर्न महत्त्वपूर्ण भूमिका निर्वाह गर्नुभएका दीप निर्माण सेवाका सञ्चालक देबचन्द्र रानालाई बारबर्दिया नगरपालिकाका नगर प्रमुख श्री छबिलाल थारु र उपप्रमुख श्रीमती रत्नकुमारी पाण्डेको संयुक्त उपस्थितिमा दोसल्ला ओढाइ र सम्मानपत्र प्रदान गरी सम्मानित गरिएको छ ।

समारोहमा नगरका जनप्रतिनिधि, शिक्षक, समाजसेवी, पत्रकार, महिला समूह, युवा र स्थानीय नागरिकहरूको उल्लेखनीय उपस्थिति रहेको थियो।

बिज्ञापन-YM-ADCustom Text
123Page 3 of 3

बिज्ञापन

Custom Text

भर्खरै राखिएको