१४ कार्तिक २०८०
[dflip id=”1012″ type=”thumb” ][/dflip]
बिज्ञापन-YM-AD
घोरपिट्टामा पुरुष फुटबल तथा महिला कबड्डी खेल प्रतियोगिता संचालन
२२ जेष्ठ २०८१, बर्दिया | बर्दिया जिल्लाको बारबर्दिया नगरपालिका वडा नम्मर ४ घोरपिट्टामा २ पालिका बारबर्दिया र गुलरिया अन्तर्गतको वार्ड स्तरीय पुरुष फुटबल तथा महिला कबड्डी खेल प्रतियोगिताको संचालन भैरहेको छ l
हिजो २१ गतेका दीन प्रमुख अतिथि प्रदेश सभासद माननीय राजकुमार थारुको प्रमुख आतिथ्य, बारबर्दिया नगरपालिका प्रमुख छबिलाल थारु र सामाजिक बिकाश डिभिजन कार्यालय बाकेका कार्यालय प्रमुख उद्धब प्रसाद श्रेष्ठको बिशेष आतिथ्यमा उदघाटन भयको हो l अतिथिमा वडा नम्मर ४ का वडा अध्यक्ष तथा नगर प्रबक्ता सिताराम योगीले अतिथिको आसन ग्रहण गर्नुभएको थियो भने कार्यक्रमको अध्यक्षता कार्यक्रमको आयोजक क्लब श्री शिव शक्ती युवा क्लब ४ घोरपिट्टाका अध्यक्ष ओम प्रकाश थारुले गर्नुभयको थियो l
कार्यक्रम संचालनको निम्ति प्रदेश सभासद माननीय राजकुमार थारुको पहलमा सामाजिक बिकाश डिभिजन कार्यालय मार्फत आर्थिक सहयोग गरेको कार्यक्रमको अध्यक्ष ओम प्रकाश थारुले जानकारी गराउनु भयो l
बिज्ञापन-YM-AD
अन्नपूर्ण बेसक्याम्पमा खटिएका असईको मृत्यु
१५ कार्तिक २०८०, पोखरा | अन्नपूर्ण बेसक्याम्पमा सुरक्षाका लागि खटिएका प्रहरी सहायक निरीक्षक (असई) टीकाराम ढुंगानाको निधन भएको छ । मृत्यु हुने प्रहरी सहायक निरीक्षक (असई) टीकाराम ढुंगाना घान्द्रुक चौकी इन्चार्ज हुन् |
हिजो कार्तिक १४ मंगलबार अन्नपुर्ण बेसक्याम्पबाट फर्किएर माछापुच्छ्रे गाउँपालिका-११ का वडाध्यक्षको घरमा बसेका असई ढुंगानालाइ आज बिहान श्वासप्रस्वासमा समस्या आएपछि उपचारका निम्ति हेलिकप्टरमार्फत पोखरा अस्पतालमा ल्याइएको थियो तर असई ढुंगानाको निधन भैसकेको अस्पतालले घोषणा गरेको कास्की प्रहरी प्रमुख एसपी मोहन थापाले जानकारी गराउनु भयो ।
राष्ट्र संघका महासचिव एन्टोनियो गुटेरेसको सुरक्षाका लागि कार्तिक १२ गते अन्नपूर्ण बेस क्याम्पमा खटिएका घान्द्रुक चौकी इन्चार्ज प्रहरी सहायक निरीक्षक (असई) टीकाराम ढुंगानाको लेक लागेर निधन भएको जिल्ला प्रहरी कार्यालय कास्कीले जानकारी दियको छ ।
बिज्ञापन-YM-AD
प्रहरीको गोलीले भारतीय नागरिक घाइते
१५ कार्तिक २०८०, काठमाडौं । काठमाडौंको गोठाटारमा प्रहरीले गोली प्रहार गरी दुइ जना लागू औषध कारोबारीलाई नियन्त्रणमा लियको छ ।जसमा एक भारतीय नागरिक र एक नेपाली रहेको छन्|
प्रहरीले गोलि प्रहार गर्दा भारतको ४८ वर्षीय मोहमद करिम घाइते भएका छन् भने झापाका हर्क लिम्बु लाई नेपाल प्रहरी ले नियन्त्रणमा लिएको छ। प्रहरीले उनीहरुलाई नियन्त्रणमा लियर तलासी लिदा एउटा पेस्तोल र २ सय ग्राम ब्राउन सुगर बरामद भएको जानकारी मा आयको छ । नेपाली नागरिक हर्क लिम्बु भारतिय नागरिक मोहमद करिमका सहयोगी भएको बुझिएको छ।
लागू औषध कारोबारीलाई नियन्त्रणमा लिनेक्रममा गोली चलाउनुपरेको काठमाडौं उपत्यका अपराध अनुसन्धान कार्यालय स्रोतले जनाएको छ।
बिज्ञापन-YM-AD
भूकम्पमा परेर १४० जना भन्दा बढी घाइते : १२८ जनाको ज्यान गयो
१८ कार्तिक २०८०, जाजरकोट| पश्चिम नेपालको जाजरकोटलाई केन्द्रबिन्दु बनाएर हिजो राति ११ बजेर ४९ मिनेटमा गयको भूकम्पमा परेर हाल सम्म १२८ जनाको ज्यान गएको जानकारी प्राप्त भयको छ |
दुई जिल्ला जाजरकोटमा ९२ जना र रुकुम पश्चिममा ३६ जनाको ज्यान गएको छ भने १४० जना भन्दा बढी घाइते भएका छन्।
नेपाल प्रहरीका प्रवक्ता कुबेर कडायतका अनुसार जाजरकोट र रुकुम पश्चिम जिल्लामा सबैभन्दा धेरै क्षति भएको र उद्धार तथा खोजमा नेपाल प्रहरी केन्द्रित रहेकोछ ।
नेपाल प्रहरी, नेपाली सेना र सशस्त्र प्रहरीका अधिकारीहरू उद्धार कार्यमा खटिएका छन् साथमा हेलिकोप्टर परिचालन गरिएको छ।
राष्ट्रिय भूकम्प मापन केन्द्रका अनुसार उक्त ६.४ म्याग्निट्यूड भूकम्प गयको थियो भने पछि पनि केही साना परकम्पहरू केन्द्रबिन्दु आसपास लगायत अन्य जिल्ला हरुमा भूकम्पको धक्का महसुस गरियको थियो |
बिज्ञापन-YM-AD
प्रधानमन्त्री पुष्पकमल दाहाल ‘प्रचण्ड’को निमन्त्रणामा संयुक्त राष्ट्रसङ्घका महासचिव नेपालमा
१२ कार्तिक २०८०
नेपाल भ्रमणको लागि संयुक्त राष्ट्रसङ्घका महासचिव एन्टोनियो गुटेरेस नेपाल आइपुगेका हुन् । गुटेरेसलाई स्वागत गर्नका लागि पराराष्ट्रमंत्री नारायणप्रकाश साउद त्रिभुवन अन्तर्राष्ट्रिय विमानस्थल पुगेका थिए । उनले गुटेरेसलाइ त्रिभुवन अन्तर्राष्ट्रिय विमानस्थलको अतिविशिष्ट कक्षमा स्वागत गरेका थिए । महासचिव एन्टोनियो गुटेरेस नेपालमा ४ चारदिने औपचारिक भ्रमणकालागि आयका हुन् ।
महासचिव एन्टोनियो गुटेरेस आज राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’ लाई शिष्टाचार भेट गरेका छन् । महासचिव एन्टोनियो गुटेरेस पूर्वप्रधानमन्त्री एवं नेपाली कांग्रेसका सभापति शेरबहादुर देउवा, पूर्वप्रधानमन्त्री एवं नेकपाएमालेका अध्यक्ष केपी शर्मा ओली,उपप्रधानमन्त्रीद्वय पूर्णबहादुर खड्का , नारायणकाजी श्रेष्ठ र परराष्ट्रमन्त्री नारायणप्रकाश साउदसंग छुट्टाछुट्टै भेटवार्ता गर्ने योजना रहेको छ ।
भेटवार्ता पश्च्यत महासचिव एन्टोनियो गुटेरेस ऐतिहासिक एवं पुरातात्विक महत्वको सम्पदास्थल पाटन दरबार क्षेत्रको अवलोकन गर्ने छन । महासचिव गुटेरेसको सम्मानमा प्रधानमन्त्री पुष्पकमल दाहाल प्रचण्डले आज साझ रात्रिभोजको आयोजना छन उक्त रात्रिभोजमा सास्कृतिक कार्यक्रम समेत गरिने छ। भोली गुटेरेस नाम्चे ,अन्नपुर्ण आधार सिविर पोखरा ,र लुम्बिनी भ्रमण जाने छन।
मङ्गलबार दिउसो ०४ बजे गुटेरेसले सङ्घीय संसद्को संयुक्त बैठकलाई सम्बोधन गर्ने कार्यक्रम रहेको संसद् सचिवालयले जनाएको छ । नेपाल भ्रमणमा आएका गुटेरेस नेपालको दिगो विकास,जलवायु परिवर्तन, शान्ति प्रक्रिया लगायतका बिषयमा छलफल गर्ने मन्त्रालयले जनायको छ ।
महासचिव एन्टोनियो गुटेरेस प्रधानमन्त्री पुष्पकमल दाहाल ‘प्रचण्ड’ को निमन्त्रणामाऔपचारिक भ्रमणकालागी नेपालआएका हुन।
बिज्ञापन-YM-AD
सिको साकोस बर्दियाका अध्यक्ष दामोदर अधिकारी नेफस्कुनको प्रबक्ता
२५ पुष २०८०, बर्दिया । नेपाल बचत तथा ऋण केन्द्रिय सहकारी संघ लिमिटेड (नेफ्स्कुन) को प्रबक्तामा दामोदर अधिकारीलाई चयन गरेको छ । दामोदर अधिकारी संघ का बरिस्ठ उपाध्यक्ष तथा सिको साकोस बर्दियाका अध्यक्ष समेत रहेका छन ।
हिजो भयको सङघको सन्चालक समितिको ३२२ औं बैठकले अधिकारीलाई उक्त जिम्मेवारी प्रदान गरेको हो ।
सन्चालक समितिका निर्णय हरु तथा सदस्य संघ संस्था र सरोकारवालाहरु सङ्ग सम्बन्धित आधिकारिक जानकारी तथा सुचनाहरु संघको प्रबक्ता मार्फत सम्प्रेषण गरिने समितिले जानकारी गरायको छ ।
बिज्ञापन-YM-AD
नरिवलको नियति
१२ कार्तिक २०८१ l बर्दिया l गोपीलाल कँडेल
यदि तपाई कहिल्यै समुन्द्रको बीचमा कुनै विकट उष्ण टापुलाई हेर्नुहुन्छ भने तपाईले त्यहाँ देख्नुहुन्छ- त्यस निर्जन टापुमा नरिवलका अग्ला अग्ला रुखहरु खडा छन् । भएन त अचम्म ? आखिर यो त्यस टापुमा कसरी पुग्यो ?
के तपाईंलाई थाहा छ- त्यस नरिवलले बिलकुल प्रतिकुल वातावरणमा एउटा असम्भब लाग्ने यात्रा गरेको छ ? के तपाईंलाई लाग्छ- त्यससंग कुनै नक्सा थियो ? थिएन । न त त्यस नरिवलसंग कुनै नक्सा थियो, न आजकलको उपकरण जस्तो कुनै जिपिएस नै थियो । यस्तो पनि हैन कि ऊसंग त्यहाँसम्म पुग्नको लागि कुनै डुङ्गा वा ईन्जिन थियो । तर, साँचो त यहि हो- यो लामो र दुर्गम यात्रा गर्नका लागि त्यस सानो नरिवलभित्र उसलाई जरुरत पर्नै सबै थोक थियो । समुन्द्रमा जीवित रहनको लागि सफा पानीको जरुरत हुन्छ, साथै जब त्यो नरिवल कतै किनारा तिर पुग्यो भने त फेरि अङ्कुरित हुनका लागि पनि उसलाई सफा पानी नै चाहिन्छ ।
यस पूरा यात्राका क्रममा नरिवल आफू भित्र मीठो पानीले भरिईरहन्छ । नरिवलको जटायुक्त खोल पुरै यात्राको दौरान एक रक्षा कवच हुनुका साथै तैरिनमा उसलाई सहयोगी हुन्छ । यसैकारण नरिवल पानीमा डुब्दैन, पानीको सतह भन्दा माथि तैरिईरहन्छ र डुङ्गाको पालले जस्तै हावाको बेगलाई पनि समात्ने काम त्यो जटाले गर्दछ ।
बडा उत्साहका साथ यो नरिवल आफ्नो अज्ञात गन्तब्य तिर अघि बढ्दै रहन्छ । रुखबाट झरेर सागरको फिँजयुक्त छालद्वारा बारम्बार तरङ्गित भैरहन्छ । यसले बारम्बार खुला सागरमा पुग्ने प्रयास गरिरहन्छ । एकपटक जब यो नरिवल सागरमा पुग्दछ अनि तत्काल सागरको छाल र हावाको गति समातेर आफ्नो गन्तब्य स्थलतिर बढिरहन्छ । कहिल्यै सोच्नुभएको छ- यति बिशाल सागरको बीचमा प्रचण्ड छालहरुको झापड सहेर यो सानो नरिवल बिलकुलै आत्तिदैन । मानवले बिशालकाय जहाज, ट्याङ्कर, पनडुब्बी आदि बनाएका छन् तर जब समुद्रमा तुफान आउँछ ति ठूला ठूला जनयानहरु पनि नजिकको बन्दरगाहमा शरण लिन्छन् र आफूलाई सुरक्षित राखेर तुफान हट्ने प्रतीक्षा गर्दछन् । तर, यो नरम नरिवलले त्यसो गर्दैन । हरेक तेज छाल संगसंगै माथि उछालिन्छ र हरेक दोश्रो छालसंगै तल पछारिन्छ । तुफानले यसका लागि एउटा यस्तो उपकरणको जस्तै काम गर्दछ जो एक किसिमले यस यात्रामा सहयोगी बन्न जान्छ ।
एक दिन समुन्द्रको कुनै ठुलो छालले त्यो नरिवललाई कुनै नयाँ किनारामा हुरर्याईदिन्छ । त्यो नयाँ ठाउँमा पुगेर यो नरिवलले चुपचाप आफ्नो जरा फिजाउँछ र एक दिन यस्तो पनि आउनेछ- त्यस नयाँ ठाउँमा नरिवलको एउटा रुख आफ्नो फललाई फेरि पनि समुन्द्रका छाललाई सुम्पिनका लागि तयार हुनेछ ।
जे जति पनि नरिवलसंग छ, त्यसले बढी भन्दा बढी आफ्नो क्षमताको उपयोग गर्दछ, कुनै हिचकिचाहट बिना, केहि नसोचीकन यस्ता हरेक अवसरहरुलाई समात्छ, जो उसले पाउँछ र अन्ततः त्यो त्यस ठाउँमा पुग्न सफल हुन्छ, जहाँ उसले आफूलाई फेरि पनि सृजना गर्न सक्छ, फेरि स्थापित गर्न सक्छ ।
हामीसंग पनि ती सम्पूर्ण जरुरी ताकत छन्, ती तमाम शक्ति छन्, जसको सहि प्रयोग गरेर हामी त्यस लक्षित बिन्दुलाई, त्यस स्थानलाई प्राप्त गर्न सक्छौँ । आफ्नो जिज्ञासा र आफ्नो साँचो उत्साहले हामी आफू भित्रको त्यो स्थान प्राप्त गर्न सक्छौँ, खोज्न सक्छौँ जहाँ सहि अर्थमा, हामी आफै आफूसंग, पूर्ण सहजताका साथ, पुरै शांतिका साथ त्यस आनन्दलाई अनुभूति गर्न सक्छौँ- जो हामी भित्रै छ । ( साभार- Splitting the Arrow by Prem Rawat )
बिज्ञापन-YM-AD
योगराज ढकाल विरुद्ध को रिट , सुनुवाइका लागि पेसी तोकियो
१४ कार्तिक २०८०, काठमाडौँ– भारती मानन्धर का श्रीमान चेतन मानन्धरको हत्या अभियोगमा जन्म कैद सुनायाका(रिगल) योगराज ढकाल विरुद्ध को रिट न्यायाधीशत्रय ईश्वरप्रसाद खतिवडा, सपना प्रधान मल्ल र डा. कुमार चुडालको इजलासमा सुनुवाइका लागि पेसी तोकिएको छ ।
चेतन मानन्धर को हत्या अभियोगमा जन्मकैदको फैसला सुनाइएका अपराधीलाई राष्ट्रपति रामचन्द्र पौडेल बाट कैद छुट दिइएको भन्दै सर्वोच्च अदालतमा मुद्दा परेको थियो ।
चेतन मानन्धरकी पत्नी ले आफ्नु श्रीमानको हत्या अभियोगमा जन्मकैदको फैसला सुनाइएका अपराधी लाई आठ बर्ष जेल बसेर कैदमुक्त भएपछि आफूहरू त्रासमा रहेको र अपराधीलाई गर्नुपर्ने सजाय नपुगेको भन्दै सर्वोच्च अदालतमा बाँकी कैद कट्टाविरुद्ध रिट दर्ता गराएकी थिइन् ।
उक्त रिटमा भारतीले रिगल भन्ने योगराज ढकाल ,महान्यायाधिवक्ताको कार्यालय, राष्ट्रपतिको कार्यालय, प्रधानमन्त्री तथा मन्त्रीपरिषद्को कार्यालय, गृह मन्त्रालय, जिल्ला प्रशासन कार्यालय बाँके, जिल्ला प्रशासन कार्यालय दाङ, कारागार कार्यालय दाङ लाई समेत विपक्षी बनाएकी थिइन् ।
बांके नेपालगन्ज–१६ ज्योति सिम्ताली होटल अगाडी मैन रोडमै रिगल सहितको करिब १५ जनाको समूहले चेतन ढकालको हत्या गरेको थियो । चेतन ढकालको हत्या अभियोगमा रिगललाई बाँके जिल्ला अदालतका न्यायाधीश विष्णु सुवेदीको इजलासले २०७५ साल वैशाख ११ गते फैसला गर्दै रिगललाई सर्वस्वसहित जन्मकैदको फैसला सुनाएको थियो । रिगल लाई २०७२ भदौ ७ गते पक्राउ परेका कारण २०९२ साल भदौ ६ गतेसम्म जेलमा राख्नुपर्ने फैसला गरिएको थियो।
तर संविधान दिवसको अवसर परि रिगल लाई बाकी सजाय माफ गरियको थियो । उक्त मुद्दामा यसअघि अन्तिम पटक गत असोज २५ गते सुनुवाइ भएको थियो ।
हाल सम्म पनि न्याय नपायकोले भारतीले श्रीमानको न्यायका लागि दसैं लगत्तै फेरि काठमाडौंको माइतीघरमा अनशन सुरू गरेकी छन्।
बिज्ञापन-YM-AD
७ वटा बिधालयहरुको बिधार्थी उत्तीर्ण संख्या : शून्य
३० चैत्र २०८०, बर्दिया | बर्दिया जिल्लाको बढैयाताल गाउपालिका भित्र रहेका निजि तथा सामुदायिक बिधालयहरुले सन्चालन गरेको आधारभूत तह कक्षा ८ उतिर्ण परिक्षामा केहि बिधालयहरुले १ जना बिधार्थी पनि उत्तीर्ण गराउन सकेका छैनन । पालिका भित्रका परिक्षा संचालन भयका निजि तथा सामुदायिक जम्मा २७ बिधालय मध्ये एक जना पनि उत्तिर्ण गराउन नसकेको असफल बिधालय ७ वटा रहेका छन भने १ जना विद्यार्थी मात्र उत्तिर्ण हुने बिधालय ५ वटा र २ जना मात्र विद्यार्थी उत्तिर्ण हुने बिधालय यौटा रहेको छ । एक जना विद्यार्थी पनि उत्तिर्ण गराउन नसकेको बिधालयहरुमा जगदम्बिका मा वि जमुनी , सरस्वती नेरा आवि सोरहवा , नेरा आ वि गोब्रपुर , प्रगति आ वि मैनापोखर , युवक आ वि बोकटिया, मयुर आ वि मयुरबस्ती , मुन लाइट एकेडेमी परेकाछन भने १ जना मात्र विद्यार्थी उत्तीर्ण हुने बिधालयहरु भवानी मा वि सेमरा , नेरा इ भु मा वि बढैयाताल , शारदा मा वि मैनापोखर, जय कालिका मावि मुनालबस्ती , मुक्त कमैया आ वि जनता नगर रहेका छन ।
केहि समय अगाडि यसै गाउपालिकाका शिक्षा शाखा प्रमुख बिष्णु प्रसाद ढकाललाई भ्रस्टाचार गरेको आरोपमा नेकपा क्रान्तिकारीले कालोमोसो समेत दलेको थियो l
बिज्ञापन-YM-AD
