७ पुष २०८०, बर्दिया | आज बिहान ११ बजेको समयमा बारबर्दिया नगरपालिका वडा नम्मर ४ बैरियाघाटमा बाघको आक्रमण बाट एक बालकको मृत्यु भयको छ | रामशंकर थारुको ११ बर्षिय बालक समिर थारुको बाघको आक्रमण बाट मृत्यु भयको छ |
समिर थारु नुहाई धुवाई गरेर खेल्नको लागि घरदेखि केहि पर बाटोमा जादै गर्दा बाघले आक्रमण गरेको थियो | घाइते बालकलाई बारबर्दियाकै नगर अस्पतालमा उपचारको निम्ति ल्याउने क्रममा मृत्यु भैसकेको नगर अस्पतालले जानकारी गरायको छ |
बर्दिया l २९ भाद्र २०८१ l गोपीलाल कँडेल
एक सन्यासी पुरै संसारको यात्रा गरेर आफ्नो आश्रम तर्फ फिर्ता हुँदै थिए । बाटोमा एउटा सानो राज्यमा बास बस्न पुगे । यो कुरा त्यस राज्यका राजाले थाहा पाए । राजाले गएर ती सन्यासीलाई भने- स्वामी जी ! एउटा प्रश्न २० बर्ष देखि निरन्तर सोधिरहेको छु तर समाधान पाउन सकेको छैन । तपाईले समाधान दिनुहुन्छ? स्वामीजीले भने- अवश्य दिनेछु । आज तपाई यहाँबाट खाली हात फर्किनु हुनेछैन, सोध्नुहोस् । राजाले भने- म ईश्वरलाई भेट्न चाहन्छु । ईश्वरको बारेमा मलाई सम्झाउने कोसिस न गर्नुहोला, म सोझै ईश्वरसंग भेट गर्न चाहन्छु । कसरी भेट्न सकिन्छ, त्यसको उपाय बताईदिनुस् । ती सन्यासीले भने- अहिले नै भेट गर्न चाहनुहुन्छ कि केहि समय पर्खेर ? राजाले भने- क्षमा गर्नुहोला । सायद तपाईले कुरा बुझ्नु भएन । मैले परमपिता परमात्माको कुरा गरिरहेको छु । म कुनै ईश्वर नामको मानिससंग भेट गर्न चाहिरहेको छैन । म त परमपिता परमेश्वरलाई भेट्न चाहन्छु । सायद तपाईले मैले भनेको कुरा बिर्सनुभयो कि ? ती सन्यासीले भने- महाशय ! बिर्सने कुनै गुन्जाईस नै छैन । म त चौबिसे घण्टा परमात्मासंग भेट गराउने काम नै गर्छु । अहिले नै भेट्ने हो कि केहि समय पर्खिन सक्नु हुन्छ ? सोझो उत्तर दिनुहोस् । राजाले कुनै जवाफ नदिएपछि फेरि ती सन्यासीले भने- बीस बर्ष देखि भेट्न उत्सुक हुनुहुन्छ अनि आज समय आएको छ भेट गरिहाल्नुस् । राजाले हिम्मत जुटाएर भने- लौ त, म अहिले नै भेट्न चाहन्छु । भेट गराई दिनुस् । सन्यासीले भने- कृपा गरेर यस सानो टुक्रा कागजमा आफ्नो नाम ठेगाना लेखिदिनुस् ता की मैले भगवान कहाँ पुर्याई दिउँ कि तपाई को हुनुहुन्छ । राजाले आफ्नो नाम महल राज्य आफ्ना उपाधिहरु सबै लेखेर सन्यासीलाई दिए ।
ती सन्यासी बोले- महाशय ! यी सबै कुराहरु मलाई झुट्टा र असत्य लागिरहेका छन् जुन तपाईले यस कागजमा लेख्नुभयो । राजन ! के तपाईको यसमा लेखिएको नाम बदलिदियो भने तपाई बदलिनुहुन्छ ? तपाईको चेतना तपाईको अस्तित्व तपाईको ब्यक्तित्व बदलिएर अर्कै हुन्छ ? राजाले भने- हुन्न । नाम बदलिदैमा म बदलिन्न । नाम नाम हो र म म हुँ । फेरि सन्यासीले भने- एउटा कुरा त निश्चित भयो कि नाम तपाईको परिचय होईन । किनभने तपाई त्यसलाई बदलिदिए पनि बदलिनुहुन्न । ल, अर्को कुरा- आज तपाई राजा हुनुहुन्छ र भोली गाउँको भिखारी हुनुभयो भने बदलिनुहुन्छ ? राजाले जवाफ दिए- राज्य खोसिएर म गाउँको भिखारी भएछु भने पनि म त उही नै रहनेछु बदलिनेछैन । म जे छु त्यहि नै रहनेछु राजाबाट भिखारी भएछु भने पनि । चाहे राज्य नहोस् महल नहोस धन नहोस् तर त त्यहि रहनेछु जो म छु । सन्यासीले फेरि भने- अर्को एउटा कुरा निश्चित भयो कि राज्य पनि तपाईको परिचय होईन । राज्य खोसिंदा पनि तपाई बदलिनु हुनेछैन । राजन ! तपाईको उमेर कति भयो ? राजाले भने- ५५ बर्ष । सन्यासीले सोधे- त के ६० बर्ष पुगेपछि तपाई अर्कै हुनुहुनेछ ? २५ बर्ष अथवा जब तपाई बालक हुनुहुन्थ्यो के तपाई अर्कै हुनुहुन्थ्यो ? राजाले भने- होईन । उमेर बदलिन्छ शरीर बदलिन्छ तर म त उही नै छु । बच्चा बालक जवान र आजको यो उमेरमा पनि म त म नै छु र उहि नै छु । म भित्र जे कुरा थियो आज पनि त्यहि नै छ । सन्यासीले भने- तेश्रो कुरा पनि निश्चित भयो कि उमेर पनि तपाईको परिचय होईन, शरीर पनि तपाईको परिचय होईन । अब भन्नुस् तपाईको परिचय के हो ? तपाई को हो ? त्यस परिचयलाई लेखेर दिनुस् म पुर्याईदिन्छु भगवान समक्ष । नत्र भने म पनि झुट्टा बन्नेछु तपाईसंगै । यी कुनै पनि परिचय तपाईका होईनन् । राजाले भने- तब त धेरै नै मुस्किल भयो । त्यसलाई त मैले पनि जान्दिन कि म को हुँ । यी सबै कुराहरुलाई नै मैले मेरो परिचय भनेर बुझेको छु । सन्यासीले भने- त्यसो भए त धेरै नै कठिनाई हुने भयो, जसको मैले परिचय नै दिन सक्दिन । कसले भेट गर्न चाहन्छ भनेर भन्न पनि सक्दिन । अनि भगवानले पनि भन्ने छन् कोसंग भेट गराउन चाहन्छौ ? त्यसो भए जानुस् पहिले तपाई को हुनुहुन्छ त्यो खोज्नुस् । आफ्नो वास्तबिक परिचय खोज्नुस् । र, मैले तपाईलाई यो पनि भनिदिन्छु कि जुन दिन तपाईले आफ्नो वास्तबिक परिचय फेला पार्नु हुनेछ, आफूलाई जान्नुहुनेछ, आफूलाई चिन्नुहुनेछ त्यस दिन तपाई भगवानलाई खोज्न आउनु हुने नै छैन । किनभने आफूलाई जान्दाजान्दै परमात्मा परमेश्वरलाई पनि जान्नुहुनेछ । आफूलाई जाने पछि परमात्मासंग भेट गर्न कसैको मदतको आवश्यकता पर्दैन । आफ्नो नाम ठेगाना आफै पठाउनुस् समय माग्नुस् र भगवानलाई भेट्नुस् । सन्यासीको कुरा सुनेर राजाको सबै भ्रम अहंकार अज्ञान घमण्ड दम्भ सबै चकनाचुर भयो । सन्यासीसंग बिदा भएर आफूलाई कसरी चिन्ने, आफ्नो परिचय कसरी कहाँ खोज्ने भन्ने चिन्तन गर्दै राजमहल तिर लागे ।
१७ आश्विन २०८०,बझाङ । हिजो मङ्गलवार दिउँसो ०२:४० मा ५.३ रेक्टर स्केलको भूकम्प गएको थियो । त्यसपछी दोस्रो भूकम्प दिउँसो ०३ बजेर ६ मिनेटमा ६.३ रेक्टर स्केलको , ०३ बजेर ४५ मिनेटमा ४.१ रेक्टर स्केल, ०४ बजेर २८ मिनेटमा ४. १ रेक्टर स्केल, ०४ बजेर ३१ मिनेटमा ४.३ रेक्टर स्केल , ०५ बजेर १९ मिनेटमा ५ रेक्टर र ५ बजेर ३८ मिनेटमा ५.५ रेक्टर स्केलको भूकम्प गएको थियो ।
भूकम्पका कारण घाइते हुनेको सङ्ख्या ११ जना पुगेको छ । उनीहरूको उपचार जिल्ला अस्पताल बझाङमा भैरहेको छ । भूकम्पले गरेको क्षतिको विस्तृत विवरण आउन बाँकी छ ।
१० असार २०८१, बर्दिया | मिति २०८१ आषाढ ०८ गते शनिबारका दिन बारबर्दिया नगरपालिकाको आर्थिक वर्ष २०८१/८२ को निम्ति २१ बुदे नीति १५ औ नगर सभाले पास गरेको छ l
पूर्वाधार विकास,यातायात व्यवस्था, विद्युत, सुचना तथा संचार, व्यवस्थित बसोवास तथा भवन निर्माण लगायत बिविध क्षेत्रगत नीतिहरु नगर सभाबाट पास गरिए को हो l
पूर्णपाठ सहितको भिडियो हेर्नुहोस l
भूमिहीन समस्याको समाधानतर्फ कदम: आशा जगाउँदै वडा नं. २
वडाध्यक्ष हुनु केवल पद होइन — जिम्मेवारी हो। यही सन्देश दिइरहेका छन् वडा नं. २ का वडाध्यक्ष श्री हरी कठायत। जनताको समस्या आफ्नै समस्या हो भन्ने भावनाले प्रेरित वडाध्यक्ष कठायत आजकल भूमिहीन समस्याको समाधानमा रातदिन नभनि खटिएकाछन ।
प्रेमनगरका सुरेश परिवारले हालै वडाध्यक्षसँग भेट गर्दै भूमिहीन समस्या, प्रक्रिया र सम्भावनाका बारेमा केही जिज्ञासाहरू राखे। वडाध्यक्ष कठायतले सम्पूर्ण प्रक्रिया पारदर्शी, तथ्यमा आधारित र कानुनीरूपमा अगाडि बढिरहेको स्पष्ट पारे।
प्रेमनगरका सुरेश परिवारले हालै वडाध्यक्षसँग भेट गर्दै भूमिहीन समस्या, प्रक्रिया र सम्भावनाका बारेमा केही जिज्ञासाहरू राखे। वडाध्यक्ष कठायतले सम्पूर्ण प्रक्रिया पारदर्शी, तथ्यमा आधारित र कानुनीरूपमा अगाडि बढिरहेको स्पष्ट पारे।
“१३१ जनाको प्रक्रिया अघि बढिसकेको छ” — कठायत
वडाध्यक्षले जानकारी गराए अनुसार, वडा कार्यालयले भूमिहीन तथा बसोबासका लागि १४६ जनाको नाम मालपोत कार्यालय बाँकेमा पठाएको थियो। सोही कार्यालयबाट प्राप्त पत्रअनुसार, १५ जनाको नाममा अन्यत्र जग्गा देखिएकोले, बाँकी १३१ जनाको प्रक्रिया अघि बढाइएको हो।
“हामीले सिफारिस मात्र हैन, हरेक नागरिकले न्याय पाउने वातावरण बनाउन निरन्तर पहल गरिरहेका छौँ,” — वडाध्यक्ष हरी कठायत।
१५ जनालाई फारम भर्न आह्वान
जसको नाममा अन्यत्र जग्गा देखिएको छ, उनीहरूलाई अब्यवस्थित बसोबास फारम भर्न वडाले सूचना निकालेको थियो। तर केही सम्पर्कमा नआएकोले, वडाध्यक्षले सबैलाई पुनः वडामा सम्पर्क गर्न आग्रह गरेका छन्।
“सूचना मात्र होइन, हामी प्रत्यक्ष सम्पर्कका लागि टोली खटाउने सोचमा छौँ, ताकि कोही पनि अधिकारबाट बञ्चित नहोस्,” — कठायत
लालपुर्जा प्राप्तिको प्रक्रिया सजिलो बनाइँदै
वडाले आवश्यक कागजातको सूची पनि सार्वजनिक गरेको छ:
“जनताको सेवा गर्न पाएको यो अवसरलाई म धर्म मान्दछु। जबसम्म एक जना पनि भूमिहीनको समस्या समाधान हुँदैन, म बिसाउँदिन,” — वडाध्यक्ष कठायतको प्रतिबद्धता।
स्थानीयले महसुस गरेका छन् परिवर्तन
प्रेमनगर लगायत वडा नं. २ का बासिन्दाहरू वडाध्यक्ष कठायतप्रति आशावादी देखिन्छन्। जनमुखी शैली, नियमित संवाद र व्यावहारिक पहलले उनलाई एक कर्मठ र प्रतिबद्ध जनप्रतिनिधिको रूपमा चिनाएको छ ।
“जनताको साथ नै मेरो शक्ति हो”
वडाध्यक्ष कठायतले अन्त्यमा भने,
“म पदको लागि होइन, परिवर्तनका लागि यहाँ छु। जनताको साथ, सहयोग र विश्वास नै मेरो सबैभन्दा ठूलो पूँजी हो।”
बर्दिया | २२ श्रावण २०८१
दोधारा चादनी घर भै बारबर्दिया नगरपालिका वडा नम्मर ८ भगतपुर मामाघर आएका अन्दाजी १६ बर्षका बालकको वडा नम्मर ८ औरी अवस्थित नहरमा पौडी खेल्ने क्रममा डुबेर मृत्यु भयको छ ।
हिजो साझ करिब ६ बजे नहरको ढिकमा कपडा , चप्पल र साइकल राखी पौडि खेल्न नहरमा जादा नहरमा डुबेको स्थानियले जानकारी गराएका छन ।
स्थानियले शसस्त्र प्रहरी बल कतर्नियालाई जानकारी गराए पस्चात शसस्त्र प्रहरी बल कतर्नियाले खोजिकार्य जारी राख्दा साझको करिब ६ बजे डुबेका बालकलाई करिब रातको १०:३० बजे फेला पारेकाथिए ।
पौडी खेल्न नहरमा पसेको स्थान देखि करिब ७०० मिटर तल नहरले बगाएर पुरायको शवलाइ नहरको पानी बन्द गरि पानी कम भय पस्चात शसस्त्र प्रहरीले फेला पारेका हुन ।
आमाको गर्भमै हुदा बुवा सम्पर्क बिहिन र आमा १२ बर्ष देखि सम्पर्क बिहिन भएकोले बालक साहिल सुनार प्राय भारतमा ६० बर्षिय हजुरआमाको साथमा बस्दै आएका थिए । हजुरआमाको साथमा नागरिकता बनाउनका निम्ति भारत बाट हजुरआमा सित मामाघर आएका बालक शाहिल सुनारको पानीमा पौडिखेल्दा हाम फाल्ने क्रममा छातिमा चोट लागेर पौडिन नसक्दा मृत्यु भयको स्थानियको भनाइ छ ।
शवलाई पोस्टमार्टमको निम्ति आज बिहान जिल्ला अस्पताल गुलरिया लगिएकोछ ।
बिज्ञापन पेज l Mauritius को लागि कृषि , इलेक्ट्रिसियन,हेल्फर , कार्पेन्टर आदि विभिन्न पदमा कामदारको माग भएको हुदा माघ २ गते कोहलपुरमा अन्तर्वार्ता राखिएको छ l बैदेशिक रोजगारीमा जान चाहनुहुनेले Nepal Life Recruitment Agency को कोहलपुर कार्यालयमा सम्पर्क गर्नसक्नुहुनेछ l सम्पर्क नम्मर 9858035136 , 9804588090
| S.N. | Designation | Required No. | Salary (MRU) |
| 1 | MASON -TILE/MARBLE | 20 | 18000+OT |
| 2 | A/C TECHNICIAN | 10 | 18000+OT |
| 3 | ELECTRICIAN | 15 | 18000+OT |
| 4 | TYREMAN | 05 | 18000+OT |
| 5 | CAR DENTER/PAINTER | 20 | 18000+OT |
| 6 | ALMUNIYUM FEBRICATOR | 20 | 18000+OT |
| 7 | FINISHING CARPENTER | 25 | 18000+OT |
| 8 | WELDER | 20 | 18000+OT |
| 9 | INDOOR HELPER | 15 | 18000+OT |
| 10 | AGRICULTURE WORKERS | 20 | 18000+OT |
| 11 | DISEL/PETROL MECHANIC | 10 | 18000+OT |
| 12 | CONSTRUCTION WORKERS | 20 | 18000+OT |
| 13 | TAILOR (SWING OPERATOR) | 10 | 18000+OT |
| 14 | ELECTRICIAN / PLUMBER | 15 | 18000+OT |
| 15 | BAKERY OPERATORS | 10 | 18000+OT |
बर्दिया ३१ भाद्र २०८०
सिको बचत तथा ऋण सहकारी संस्था लिमिटेड भुरीगाँउ, बर्दियाको छैटौ वार्षिक साधारणसभा संस्थाका अध्यक्ष दामोदर अधिकारीको अध्यक्षतामा हिजो ३० गते सम्पन्न भएको छ। संस्थाका अध्यक्ष दामोदर अधिकारीको अध्यक्षतामा सम्पन्न कार्यक्रमको प्रमुख अतिथिकाे रूपमा राष्ट्रिय सहकारी महासंघका अध्यक्ष मिनराज कडेल तथा विशिष्ट अतिथिको रुपमा ठाकुरबाबा नगरपालिका बर्दियाको उपप्रमुख श्री विना कुमारी भट्टराई रहनु भएको थियो। साथै लुम्विनी प्रदेश सहकारी संघका अध्यक्ष, जिल्ला सहकारी संघ बर्दियाका अध्यक्ष, ठाकुरबाबा नगरपालिका वडा नं १ का वडाध्यक्ष, मालिका साकोस बकुवाका अध्यक्ष, माध्यमिक विद्यालयका प्रधानाध्यापकहरु, नेफ्स्कून नेपालगञ्ज फिल्ड कार्यालय इन्चार्ज, NTNC बर्दियाका प्रमुख लगायतको आतिथ्यतामा सम्पन्न भएको छैटौ वार्षिक साधारणसभामा संस्थाका सन्चालक समिती, लेखा सुपरिवेक्षण समिति, सेवाकेन्द्र व्यवस्थापन उपसमिति, ऋण उपसमिति, शिक्षा उपसमिती, महिला सशक्तिकरण उपसमिति, सेवाकेन्द्रगत रूपमा सम्पन्न भएको साधारण सभाबाट प्रतिनिधीको रूपमा आउनुभएका सदस्यहरु, सिको साकोसका विभिन्न जीविकोपार्जन क्लबका अध्यक्ष, सचिव तथा सदस्यहरु एंव व्यवस्थापनका कर्मचारीहरु लगाएतको उपस्थितीमा साधारण सभा सम्पन्न भएको थियो।
साधारण सभामा बोल्दै अधिकांश अतिथिहरुले सिको अहिलेको अवस्थामा आइपुग्न र सफलता हासिल गर्नका लागि यसको नेतृत्वकर्ता, संस्थाका शेयर सदस्यहरु तथा व्यवस्थापन टीमको तालमेल तथा सक्रियता एकदमै राम्रो रहनु हो साथै अबको जिम्मेवारी भनेको यसको उचाईलाई बचाई राखेर अझैं बढि सफलता प्राप्ति सँगै नविनतम प्रविधिको साथमा स्थानीय स्तरमा सदस्यका जीवनस्तर उकास्ने किसिमका थुप्रै कार्यक्रम सञ्चालन गर्दै जानुपर्ने सुझाव पनि राख्नुभएको छ। पछिल्लो समयमा देशका विभिन्न स्थानमा सहकारीप्रति आइरहेको वितृष्णालाई चिर्दै सकारात्मक र सफलतापूर्वक समयमै आफ्नो साधारण सभा सम्पन्न गर्न सफल हुनु पनि सिको साकोसको सबल पक्ष रहेकाे कुरा विशिष्ट तथा प्रमुख अतिथिहरुले राख्नुभएको थियो। छैटौँ वार्षिक साधारण सभाको अवसरमा संस्थाले आ.व. २०७९/०८० मा भएको कारोबारको आधारमा विभिन्न विधामा सर्वोत्कृष्ट हुने सदस्यहरु र जिविकोपार्जन क्लबको घोषणा साथै क्लबहरुलाई सम्मान पनि गरिएको छ भने उत्कृष्ट कर्मचारीको रुपमा सिको साकोसमा क्यासिएर पदमा कार्यरत कर्मचारी श्री कमला कुमारी ठकुल्ला तथा उत्कृष्ट सेवाकेन्द्रकाे रुपमा मौसमी सेवाकेन्द्र मानपुर टपरा लाई घोषित गर्दै सम्मान समेत गरिएको छ। कार्यक्रममा बोल्दै संस्थाका अध्यक्ष श्री दामोदर अधिकारी ज्यूले उपस्थित प्रमुख अतिथी, विशिष्ट अतिथी, सम्पूर्ण अतिथिहरु, सन्चालक, लेखा, विभिन्न उपसमितिहरु, शेयर सदस्यहरू, व्यवस्थापन टिम लगायत सम्पूर्णमा हार्दिक कृतज्ञताको साथमा धन्यवाद प्रकट गर्दै यस संस्थालाई आगामी दिनहरूमा अझैं प्रगति गराउँदै सफलताकाे शिखरमा पुर्याउनका लागि सम्पूर्ण पक्ष तथा सरोकारवाला निकायबाट सकारात्मक सहयोगको अपेक्षा राख्नुभएको थियो।
स्रोत : खोज नेपाल न्युज
५ कार्तिक २०८०, काभ्रेपलाञ्चोक| राष्ट्रपति रामचन्द्र पौडेलले आज विहान काभ्रेपलाञ्चोकको पलाञ्चोक भगवती मन्दिरमा बडादशैं महाअष्टमीको सुभ अवसरमा पूजाअर्चना गर्नुभएको छ ।
राष्ट्रपति पौडेल पाँचखाल नगरपालिकाको वडा नम्मर ९ पलाञ्चोकको पलान्चोक भगवती मन्दिरमा दर्शन गर्न आज बिहान पाँचखाल आउनु भएको हो ।
बडादशैंको अवसरमा महाअष्टमीको दिन राष्ट्र प्रमुखले पलान्चोकसहित नवदुर्गा भगवतीको दर्शन तथा पूजाअर्चना गर्ने परम्परा रहिआएको छ ।
पलाञ्चोक भगवतीको मन्दिर करिब एक हजार छ सय ५५ वर्ष पहिले निर्माण भएको हो । नेपालमा रहेका भगवतीको मन्दिरमध्ये पलाञ्चोक भगवतीको मन्दिर सबैभन्दा पुरानो मन्दिरको रुपमा चिनिन्छ ।
नमोबुद्ध नगरपालिकास्थित बुच्चाकोट भन्ने स्थानमा रहेको पलाञ्चोक भगवतीको मूर्ति एक रात स्थानीय बृद्धको सपनामा प्रकट भई आफू रहेको स्थानबाट उत्तरतर्फ सार्न आग्रह गरेका थिए। सोहीअनुसार भगवतीको मूर्तिलाई उत्तरतर्फ लैजाने क्रममा हालको मन्दिर रहेको स्थानमा पुग्दा रात परेपछि त्यहीँ बास बसेको र भोलिपल्ट बिहान त्यहाँबाट मूर्तिलाई अन्यत्र लैजान खोज्दा ६० घरधुरीको मद्दतबाट पनि भगवतीको मूर्ति बोक्न नसकेपछि सोही स्थानमा राखी पूजाआजा गर्दैआएको किंबदन्ती रहेको मन्दिरका पुजारीले बताए। स्रोत : रासस
२० बैशाख २०८१, बर्दिया | चक्र अविरल | ईलाका प्रहरी कार्यालय जयनगर बर्दियाको नवनिर्मित भवन समुदघाटन कार्यक्रम सम्पन्न भएको छ । प्रमुख अतिथि लुम्बिनि प्रदेश प्रहरी प्रमुख प्रहरी नायव महानिरिक्षक कुबेर कडायतले रिवन काटेर भवन उदघाटन गर्नुभएको हो । लुम्बिनि प्रदेश सरकारको नियमित बजेट अन्तर्गत निर्माण गरिएको उक्त भवन एम पि कन्ट्रक्सन बाँकेले ठेक्का पाएको थियो ।
करिव पाँच कठ्ठामा अवस्थित आफ्नै जग्गामा निर्माण भएको कार्यालयको उदघाटन कार्यक्रममा विशिष्ठ अतिथिहरु बर्दिया जिल्लाका सहायक प्रमुख जिल्ला अधिकारि रोशन कुमार कठायत , बारबर्दिया नगरपालिकाको उपप्रमुख रत्ना कुमारी पाण्डे लगाएत अतिथि वक्ता हरुले शुभकामना मन्तव्य दिनुभएको थियो ।
मन्तव्य दिँदै उपप्रमुखले बारबर्दिया राजनितिक र भौगोलिक आधारमा अलग अलग हुँदा इलाकाको सेवा क्षेत्र विभाजन हुनु परेको र जनतालाई सास्ति खेप्नु परेको गुनासो समेत गर्नु भयो उहाँले इलाका प्रहरी कार्यालय जयनगर ले नै यस नगरपालिका को ११ वटै वडामा सेवा दिने वातावरण मिलाउन प्रहरी नायव महानिरिक्षक समक्ष अनुरोध गर्नु भयो । बारबर्दिया नगरपालिका का प्रमुख प्रशाशकिय अधिकृत धर्मराज न्यौपाने , जिल्ला प्रहरी कार्यालय बर्दियाका प्रमुख प्रहरी उपरिक्षक प्रविण धिताल , शशस्त्र प्रहरी बल ३१ नम्मर गण हेडक्वाटरका प्रमुख सशस्त्र प्रहरी उपरिक्षक चित्राङ्गत दाहाल , राष्ट्रीय अनुसन्धान कार्यालय बर्दियाका उप अनुसन्धान निर्देशक पवन जोशि , बज्र दल गुल्म बर्दियाका सेनानि सुबोध कुवँर , लुम्बिनि प्रदेश प्रहरी कार्यालय टि एस टि प्रमुख प्रा. ना. उ. इ. रोशन सारु , शशस्त्र प्रहरी बल व्यस क्याम्प कतर्निया बर्दियाका प्रमुख स. प्र. ना. उ. छवि रावत , पुर्व प्रहरी बर्दिया का अध्यक्ष टंक बहादुर थापा लगाएत का व्यक्तिहरुको उपस्थितिका बीच उदघाटन गरिएको उक्त कार्यालयबाट आजै देखि नै सेवा सुचारु गरिएको छ ।
स्थानिय ठग्गु लाल शर्माले तिन कट्ठा जग्गा दान गर्नु भएपछि भवन निर्माण गरि सेवा सुचारु गर्दै आएको कार्यालय सशस्त्र द्वन्दकालमा ध्वस्त गरिए पछि बारबर्दिया नगरपालिकाको बानिया भारबाट सेवा दिँदै आएको थियो । हाल ठग्गु लाल शर्माले त्यस समयमा दान दिएको जग्गा सङ्गै सार्बजनिक जग्गा सहित करिब ५ कट्ठामा कार्यालय स्थापना गरिएको छ ।
जग्गादान गर्ने ठग्गु लाल शर्मा सहित उत्कृष्ट प्रहरी कर्मचारीहरु प्रहरी निरीक्षक मनिष श्रेष्ठ , प्रहरी नायब निरीक्षक शशी वली , प्रहरी जवान लक्ष्मण सुनारलाइ उक्त कार्यक्रममा प्रमुख अतिथि द्वारा सम्मान गरियको थियो ।
समारोहमा बोल्दै प्रमुख अतिथि लुम्बिनि प्रदेश प्रहरी प्रमुख प्रहरी नायव महानिरिक्षक कुबेर कडायतले यस कार्यालयले छिटो छरितो र उत्कृष्ट सेवा दिनेमा आफु विश्वस्त रहेको बताउनु भयो । सुचना बिना प्रहरी एक्लैले केहि गर्न नसक्ने र सुचकको नाम गोप्य राखिने हुँदा समाजमा घटेका घटनाहरुलाई सुचना गरि प्रहरी लाई सहयोग गर्न सबैमा अनुरोध गर्नु भयो ।
करिव तिन बजे बाट सुरु गरिएको उक्त समारोहमा प्रमुख अतिथि तथा विशिष्ट अतिथि लगायतले वृक्षारोपण समेत गरेका थिए । प्रमुख अतिथि लुम्बिनि प्रदेश प्रहरी प्रमुख प्रहरी नायव महानिरिक्षक कुबेर कडायतले नव निर्मित भवनको उदघाटन सङ्गै अवलोकन समेत गर्नुभएको उक्त समुदघाटन कार्यक्रममा संचालकको भूमिका इलाका प्रहरी कार्यालय बानियाँभारका कार्यालय प्रमुख प्रहरी निरिक्षक मनिष श्रेष्ठ ले निर्वाह गर्नुभयको थियो ।
