काठमाडौँ– आज बिहान ७ बजेर ३९ मिनेटमा धादिङ केन्द्र भएर भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका वरिष्ठ भूकम्पविद् डा. लोकविजय अधिकारीका अनुसार धादिङको खरी आसपास केन्द्र भएर ६.१ म्याग्नेच्युडको भूकम्प गएको हो । आज गयको भूकम्प २०७२ सालको ‘गोरखा भूकम्प’को परकम्पा भएको अनुमान गरिएको छ ।
भूकम्पको धक्का काठमाडौँ लगायत आसपासका जिल्लामा पनि महसुस भएपछि मानिसहरू घरबाहिर निस्किएका थिए ।
भूकम्पबाट क्षति भए/नभएको बारे विस्तृत विवरण आउन बाँकी छ ।
