बर्दिया । २२ श्रावण २०८१
बारबर्दिया नगर पालिका वडा नम्मर ५ मगरागाडी स्थित श्री सदाशिव मन्दिरमा श्री सदाशिव साप्ताहिक रुद्राभिषेक एंवम श्रीमद् शिव महापुराणको आयोजनामा साप्ताहिक रुद्राभिषेक एंवम श्रीमद् शिव महापुराण शुरु भएको छ ।
सावन २१ देखि सुरुवात भयको महापुराण २८ गते सम्म हुने समितिले जानकारी गरायको छ । कार्यक्रमको उदघाटनमा बोल्दै बारबर्दिया नगरपालिका नगर उपप्रमुख रत्ना कुमारी पाण्डेले सदाशिव मन्दिर बारबर्दिया नगरपालिकाको एक प्रमुख चिनारी भएकोले संरक्षणमा विशेष ख्याल गर्नुपर्ने सुझाव दिदै बारबर्दियामा बाह्य र आन्तरीक पर्यटक भित्राउन स्थानिय सरकारले एक धार्मिक स्थल निर्माणको लागी पहल गर्न आवश्यक रहेको बताउदै पर्यटक भित्राउन सक्ने र यस स्थानको पहिचान र ईतिहास बोकेका स्थानिय स्तरका धार्मिक स्थल र भौतिक पुर्बधारहरुको अबलोकन गरि प्रबर्द्धनका निम्ति बजेटमा समेटिने बताउनुभयको छ ।
उदघाटनमा बोल्ने क्रममा मन्दिर व्यवस्थापन समितीको अध्यक्ष छेदादास थारुले मन्दिरको थप उन्नतीको लागी स्थानिय सरकार र स्थानिय बासीको सहयोग चाहिने हुँदा साप्ताहिक रुद्राभिषेक एंवम श्रीमद् शिव महापुराणको सफलताको लागी सम्पुर्ण स्थानिय भक्तजनहरुले तनमन देखी नै लाग्न आग्रह गर्नु भएकोछ ।
श्रीमद् शिव महापुराणमा मुख्य कथा वाचक श्री किशोर शरण सुबेदी द्धारा गरिनेछ । महापुराण बाट संकलित सहयोगले मन्दिरको बिकासका खर्च गरीने बताईएको छ ।
उदघाटनमा कार्यक्रम स्थल देखि कलशयात्रा निकालि शिवालयहरुको परीक्रमा गरि बबई नदी जब्दी घाटबाट पबित्र जल सदाशिव मन्दिरमा लगिएको छ ।
हाल मन्दिर रहेको स्थानमा वर्षौ पहिले वन जंगलले भरिएको थियो । जहाँ बन्जाराहरु लुकेर बस्ने गर्दथे रातिमा शंख घन्टी बजेको आवाज बन्जाराहरुले सुनेर हेर्न जाँदा शिवलिङ्घ देखिएको र ढुंगाबाट अवाज आएको भन्दै तलवार प्रहार गर्दा शिवलिङ्ग बिच भाग बाट काट्टीदा ढुङ्गा बाट रगत निस्किएको देखेपछि बन्जाराहरु भागे पछि स्थानियहरुले जानकारी पाएर हेर्न जादा शिवलिंग देखेपस्चात यसको संरक्षण गरि पुजा गर्न थालियको मन्दिर व्यवस्थापन समितिका निबर्तमान अध्यक्ष मोहन थारुले बताउदै सदियौं पहिले भगवान शिवले यो शिवलिङ्घ आफै स्थापना गरेको हुदा धर्मावलम्बीका निम्ति यस मन्दिरको विशेष महत्व रहेको जानकारी दिनुभयो ।
।
